புதுடெல்லி, மார்ச் 27 –
திராவிட முன்னேற்றக் கழக, மேலவை உறுப்பினர் எஸ்.ஆர். சிவலிங்கம் 24 மார்ச் 2026 அன்று மாநிலங்களவையில் தொழுநோயால் பாதிக்கப்பட்ட நோயாளிகளின் உரிமையைப் பாதுகாக்க, ஒன்றிய அரசிடம் ஏதேனும் நடவடிக்கைள் உள்ளனவா? என்றும் அதற்கான சுகாதார கட்டமைப்புகளை பலப்படுத்த முன்முயற்சி கள் எடுக்கப் படுமா? என்றும் அதன் விவரங்களை உறுப்பினர்களுக்கு தெரிவிக்க இயலுமா? என்றும் ஒன்றிய அரசின் சுகாதாரத் துறை இணையமைச்சர் திருமதி அனுப்பிரியா பட்டேல் அவர்களிடம் கேள்வியை எழுப்பினார்.
இதற்கு ஒன்றிய அரசின் சுகாதாரத் துறை இணையமைச்சர் அவர்கள் அளித்த பதில் வருமாறு:-
ஒவ்வொரு ஆண்டும் சுகாதாரத் திட்டங்களை நிறைவேற்ற தேவையான தொழில்நுட்ப உதவிகளையும், நிதி உதவிகளையும் மாநில அரசுகளுக்கு ஒன்றிய அரசு தொடர்ந்து வழங்கி வருகிறது என்றும், தொழுநோயால் பாதிக்கப்பட்டவர்களை கண்டறியும் ஆஷா என்ற அமைப்பின் உதவியுடன் அவர்க ளுக்கான கண்காணிப்பும் மருத்து வசதிகளையும் மாநில அரசின் உதவியுடன் அளிக்கப்படுகிறது என்றும், சிறப்பு விழிப்பு ணர்வு முகாம்கள் கடந்த 2017ம் ஆண்டு முதலாக நடத்தப்பட்டு வருகின்றன என்றும், ஆயூஷ்மான் ஆரோக்ய மந்திர் மற்றும் ஆரம்ப சுகாதார நிலையங்களுடன் இணைந்து மாவட்ட அளவிலான தொழுநோய் தடுப்பு நடவடிக்கைகளை ஒன்றிய அரசு எடு;த்து வருகிறது என்றும் இணையமைச்சர் மாநிலங்களவையில் தெரிவித்தார்.
மேலும் திறன் மேம்பாட்டு திட்டங்களும், பயிற்சி வகுப்புகளின் மூலமும், மருத்துவ துறையில் பணியாற்றும் ஊழியர்களுக்கு விழிப்புணர்வு ஏற்படுத்தப்பட்டு வருகிறது என்றும், தொழுநோயை கண்டறியவும், அவர்களுக்கு தேவையான மருத்து உதவிகளை உரிய நேரத்தில் வழங்கிடவும் தேவையான முயற்சிகளை ஒன்றிய அரசு மாநில ஆரம்ப சுகாதார நிலையங்களுடன் இணைந்து மாவட்ட அளவில் அனைத்து நடவடிக்கைகளையும் தொழில் நுட்பம் மற்றும் நிதியுதவி அளித்து மேற்கொண்டு வருகிறது என்று ஒன்றிய அரசின் சுகாதாரத் துறை இணையமைச்சர் திருமதி அனுப்பிரியா பட்டேல் அவர்கள் மாநிலங்களவையில் திமுக மேலவை உறுப்பினர் எஸ்.ஆர். சிவலிங்கம் எழுப்பிய கேள்விக்கு பதிலை அளித்துள்ளார்.