தேனி வடக்கு மாவட்டம் போடி தொகுதி சார்பில் தனியார் மண்டபத்தில் ‘ஸ்டாலின் தொடரட்டும் தமிழ்நாடு வெல்லட்டும்’ ‘தமிழ்நாடு தலை குனியாது’ வடக்கு மாவட்டச் செயலாளர் தங்க தமிழ்ச்செல்வன் எம்.பி. தலைமையில் ஆலோசனைக் கூட்டம் நடைபெற்றது. போடி நகர செயலாளர் புருஷோத்தமன் வரவேற்புரையாற்றினார். முன்னாள் முதல்வர் ஓ.பன்னீர்செல்வம் சிறப்புரை ஆற்றினார். மாவட்ட அவைத் தலைவர் பி.டி.செல்லப்பாண்டி, மாவட்டத் துணைச் செயலாளர்கள் செந்தில் முருகன், திருக்கண்ணன், மாவட்டப் பொருளாளர் சுரேஷ், மாநில செயற்குழு உறுப்பினர் சங்கர், மாநில பொதுக்குழு உறுப்பினர் ராஜாரமேஷ், ஒன்றிய செயலாளர்கள் லட்சுமணன், அய்யப்பன், ரத்தின சபாபதி, முருகேசன், சக்கரவர்த்தி ஆகியோர் முன்னிலை வகித்தனர். போடி தொகுதி பார்வையாளர் நேரு பாண்டியன், போடி நகர மன்ற தலைவர் ராஜராஜேஸ்வரி சங்கர், பேரூர் செயலாளர்கள் , கழக நிர்வாகிகள் , மூத்த முன்னோடிகள் கலந்து கொண்டனர். போடி நகர இளைஞரணி அமைப்பாளர் ஷேக் அப்துல்லா நன்றி உரையாற்றினார்.