சென்னை, மார்ச் 27 –

கூட்டாட்சியையும் கூட்டணி ஆட்சி யையும் குழப்பிக்கொள்ள வேண்டாம் என கழக துணைப் பொதுச் செயலாளர் திருச்சி சிவா எம்.பி. ‘தினமலர்’ தேர்தல் களம் இதழுக்கு அளித்துள்ள சிறப்புப் பேட்டியில் தெரிவித்துள்ளார்.

இது குறித்து அவர் அளித்த பேட்டி வருமாறு:

கேள்வி: தொகுதி பங்­கீட்­டில் காங்­கி­ரஸ் முரண்டு பிடித்­த­போது. டில்­லியை மைய­மாக வைத்து அர­சி­யல் செய்­யும் நீங்­கள் தான் அதை சரி­செய்­தீர்­களா?

பதில்: தி.மு.க., தொகுதி பங்­கீடு பேச்­சுக்­கு­ழு­வும், காங்­கி­ரஸ் தொகுதி பங்­கீடு பேச்­சுக்­கு­ழு­வும் பேசி­யதை, முதல்­வர் ஸ்டாலி­னி­டம் தெரி­வித்­தோம். அவர் தான் தலை­யிட்டு தீர்வு காண்­ப­தற்­கு­ரிய முடிவை சொல்லி சரி­செய்­தார்.

கேள்வி: டில்­லி­யில், காங்­கி­ரசை விட பா.ஜ.,வில் தான் உங்­க­ளுக்கு அதிக நண்­பர்­கள் என்­கின்­ற­னர். உண்­மையா?

என் வீட்டு விருந்­தில்

அனைத்­துக் கட்­சி­யி­ன­ரும் பங்­கேற்­பர்!

பதில்: என்­னைப் பற்றி முழு­மை­யாக புரிந்­து­கொள்­ளத் தெரி­யா­த­வர்­கள் அப்­படி சொல்­லி­யி­ருப்­பர். என் வீட்­டில் நடக்­கும் விசேஷ நிகழ்ச்­சி­யின் விருந்­தில், காங்­கி­ரஸ், பா.ஜ.. சமாஜ்­வாதி, திரி­ணா­முல் காங்­கி­ரஸ், ஆம் ஆத்மி என சர்வ கட்­சி­க­ளின் தலை­வர்­க­ளும் பங்­கேற்று சிறப்­பிப்­பர். சர்வ கட்சி தலை­வர்­கள் வந்து செல்­லும் வீடு; நட்பு தொட­ரும் வீடு என, வட மாநில தலை­வர்­கள் அழைப்­பர். முன்­னாள் துணை ஜனா­தி­பதி ஜக்­தீப் தன்­கர், வெளி­யு­ற­வுத்­துறை அமைச்­சர் ஜெய்­சங்­கர், நட்டா, கார்கே, ராகுல் மற்­றும் முன்­னாள் ஒன்­றிய அமைச்­சர்­கள், மாநில முதல்­வர்­கள் எல்­லாம், எங்­கள் வீட்­டில் தயார் செய்­யப்­ப­டும் தென் மாநில உண­வு­களை விரும்பி சாப்­பி­டு­வர்.

நட்­டா­வுக்கு, இட்லி - சாம்­பார் ரொம்ப பிடிக்­கும். என் மகள் திரு­மண வர­வேற்பு நிகழ்ச்சி விருந்­தில், முன்­னாள் பிர­த­மர் மன்­மோ­கன் சிங் பங்­கேற்­றுள்­ளார். எதிர்க்­கட்­சி­கள் போராட்­டம் நடத்­தும்­போது, நாங்­கள் அனை­வ­ரும் ஒன்­றாக அமர்ந்து, விரும்பி சாப்­பி­டு­வோம். அதில் பத்­தி­ரி­கை­யா­ளர்­க­ளும் பங்­கேற்று, அர­சி­யல் பற்றி விவா­திப்­போம்.

கேள்வி: மத்­தி­யில் கூட்­டாட் ­சியை வலி­யு­றுத்­தும் தி.மு.க., மாநி­லத்­தில் கூட்­டணி கட்­சி­களை ஆட்­சி­யில் சேர்க்க மறுக்­கி­றது. இது போலித்­த­னம் இல்­லையா?

பதில்: கூட்­டாட்சி வேறு: கூட்­டணி ஆட்சி வேறு. “மாநி­லத்­தில் சுயாட்சி; மத்­தி­யில் கூட்­டாட்சி’ என்­பது தி.மு.க.,வின் கொள்கை. கூட்­டாட்சி தத்­து­வம் என்­பது, மாநில அர­சு­க­ளும் மத்­திய அர­சும் இணைந்து நடத்­து­கிற ஆட்சி முடிவு. கூட்­டாட்­சி­யை­யும் கூட்­டணி ஆட்­சி­யை­யும் குழப்­பிக் கொள்ள வேண்­டாம்.

கேள்வி: தி.மு.க, ஆட்சி ஹிந்து விரோத ஆட்சி என்று பிர­த­ம­ரும், அமித் ஷாவும் பிரச்­சா­ரம் செய்து வரு­கின்­ற­னர். ஆனால், அதற்கு தி.மு.க., தரப்­பில் சரி­யான பதில் இல்­லையே..

பதில்: தமி­ழ­கத்­தில் தி.மு.க., ஆட்சி அமைந்­த­தும், 10,000 கோவில்­க­ளுக்கு குட­மு­ழுக்கு நடத்­தப்­பட்­டுள்­ளது. ஹிந்­துக்­க­ளின் திரு­வி­ழாக்­க­ளுக்கு தேவை­யான அனைத்து வச­தி­க­ளும் செய்து தரப்­பட்­டுள்­ளன. பழங்­கால கோவில்­கள் புன­ர­மைக்­கும் பணி முடிக்­கப்­பட்­டுள்­ளன. ஒரு­கால பூஜை நடக்­கும் கோவில்­க­ளுக்கு இல­வச மின்­சா­ரம் வழங்­கப்­ப­டு­கி­றது. அர்ச்­ச­கர்­க­ளுக்கு உத­வித்­தொகை தரப்­ப­டு­கி­றது. அனைத்து ஹிந்து மக்­க­ளும் தி.மு.க., அரசை பாராட்டி வரு­கின்­ற­னர். எல்­லோ­ரும் ஓர் குலம்; எல்­லோ­ரும் ஓர் நிறை. சாதி, மதம் பேத­மற்ற சமத்­துவ சமு­தா­யம் தி.மு.க., ஆட்­சி­யில் உரு­வாக்­கப்­பட்­டுள்­ளது.

கேள்வி: கடை­சி­யாக லோக்­சபா தேர்­த­லில், எப்­போது போட்­டி­யிட்­டீர்­கள்? அதன்­பின் ஏன் போட்­டி­யி­ட­வில்லை?

கலை­ஞ­ரும் முதல்­வர் மு.க.ஸ்டாலி­னும் தந்த பதவி!

பதில்: கடந்த 1996ம் ஆண்டு லோக்­சபா தேர்­த­லில், புதுக்­கோட்­டை­யில் போட்­டி­யிட்டு வெற்­றிப் பெற்­றேன். அதன் ­பின் நடந்த தேர்­த­லில் நான் போட்­டி­யி­ட­வில்லை. ராஜ்­ய­சபா எம்.பி. பதவி வேண்­டும் என, எது­வும் நான் கேட்­ட­தில்லை. கலை­ஞ­ரும், முதல்­வர் ஸ்டாலி­னும் நான் கேட்­கா­மல் கொடுத்­த­னர்.

கேள்வி: இதோடு, ஆறா­வது முறை­யாக பார்­லி­மென்­டில் பதவி கிடைத்­தி­ருக்­கி­றது. அந்த பத­வியை பயன்­ப­டுத்தி, தமி­ழ­கத்­திற்­காக நீங்­கள்செய்த மூன்று முக்­கிய விஷ­யங்­கள் எவை?

பதில்: சேலத்­தில், நலிந்து போன மேக்­ன­சைட் தொழிற்­சா­லையை ஒன்­றிய அரசு தனி­யா­ரி­டம் கொடுக்க முயன்­ற­போது, அதை தடுத்து நிறுத்தி 80 கோடி ரூபாய் லாபம் கிடைக்­கும் வகை­யில், தொழிற்­சாலை தொடர்ந்து இயங்­கு­வ­தற்­கு­ரிய நட­வ­டிக்கை மேற்­கொண்­டேன். தொழி­லா­ளர்­க­ளின் ஊதிய உயர்வை அதி­க­ரித்து தரு­வ­தற்கு குரல் கொடுத்­தேன். தமி­ழ­கத்­தில் முதல் முறை­யாக, திருச்சி ரயில் நிலை­யத்­தில், ஒரு கோடி ரூபா­யில், ‘எஸ்­க­லேட்­டர் அமைத்து கொடுக்­கப்­பட்­டது. திருக் ­கு­றளை தேசிய நூலாக்க குரல் கொடுத்­தேன், உல­கத்­தில் உள்ள தொன்­மை­யான இடங்­க­ளின் வரி­சை­யில், கல்­ல­ணையை கொண்டு வர பரிந்­து­ரைத் ­தேன். கலை­ஞர் கொண்டு வந்த திரு­நங்­கை­ய­ருக்­கான திட்­டம், இந்­தியா முழு­தும் பய­ன­ளிக்­கும் வகை­யில், தனி­ந­பர் மசோ­தா­வாக, திரு­நங்­கை­யர் மசோதா, பார்­லி­மென்­டில் நிறை­ வேற்­றப்­பட்­டது. நரிக்­கு­ற­வர்­க­ளுக்கு மலை­வாழ் மக்­கள் அந்­தஸ்து வழங்க வேண்­டும் என குரல் கொடுத்­தேன்.

கேள்வி: ரயில்வே திட்­டங்­கள் மற்­றும் விமான நிலைய திட்­டங்­க­ளில், மற்ற மாநி­லங்­களை ஒப்­பி­டும்­போது, தமி­ழ­கம் பின்­தங்கி வரு­கி­றது. இதை சரி­செய்ய ஏதே­னும் முயற்சி எடுத்­துள்­ளீர்­களா?

பதில்: தமி­ழ­கத்­தில் உள்ள விமான நிலை­யங்­களை, சர்­வ­தேச விமான நிலை­யங்­க­ளாக மேம்­ப­டுத்த வேண்­டும். பல்­வேறு மாவட்­டங்­க­ளுக்கு ரயில்வே திட்­டங்­களை கொண்டு வர, முதல்­வர் ஸ்டாலின் சொல்லி, தி.மு.க., - எம்.பி.,க்கள் அனை­வ­ரும் ஒன்­றிய அமைச்­சர்­க­ளி­டம் முறை­யிட்­டோம். எங்­க­ளது ஒரு­மித்த குரல் ஓய­வில்லை. தொடர்ந்து குரல் கொடுப்­போம்.

வெளிப்­ப­டைத்­தன்மை இல்லை!

பஹல்­காம் போரை நான் தான் நிறுத்­தி­னேன் என டிரம்ப் பேசி­யது உட்­பட பல விவ­கா­ரங்­க­ளில், ஒன்­றிய அர­சி­டம் வெளிப்­ப­டைத்­தன்மை இல்லை. அதே­ச­ம­யம், ஒன்­றிய அர­சின்வெளி­யு­றவு கொள் ­கையை நான் விமர்­சிக்­க­வில்லை.

கேள்வி : ரேப­ரே­லி­யில் உள்ள எய்ம்ஸ் மருத்­து­வ­ம­னையை விரை­வில் செயல்­பாட்­டிற்கு கொண்டு வர வேண்­டும் என ராஜ்­ய­ச­பா­வில் பேசிய நீங்­கள், மதுரை எய்ம்ஸ் குறித்து எது­வுமே பேசா­தது ஏன்?

பதில்: கேள்வி நேரம், விவா­தத்­தின் போது, மற்ற மாநி­லத்­தில் எய்ம்ஸ் திட்­டங்­கள் வேக­மாக நிறை­வே­றும் போது, தமி­ழ­கத்­தில் ஏன் இன்­னும் வேகம் பெற­வில்லை என பேசி­யி­ருக்­கி­றேன். கடந்த 2013ல் அறி­விக்­கப்­பட்ட திட்­டம், இன்­னும் முழுமை பெறா­மல் இருப்­பது, தமி­ழக மக்­க­ளின் நலன்­கள் மீது ஒன்­றிய அர­சின் அக்­க­றை­யின்­மையை காட்­டு­கி­றது என்­ப­தை­யும் சுட்­டிக்­காட்டி இருக்­கி­றேன். தமி­ழ­கத்­தில் மெட்ரோ ரயில் திட்­டம் நிறை­வேற, பொறுப்­புள்ள எதிர்க் ­கட்­சி­யாக, நியா­ய­மான முறை­யில் குரல் கொடுத்­துள்­ளோம். எந்­நா­ளும் தமி­ழக மக்­க­ளின் நல­னுக்­கா­க­வும் உரி­மைக்­கா­க­வும் குரல் கொடுக்க தவ­றி­ய­தில்லை.

கேள்வி: எதிர்க்­கட்­சி­கள், பார்­லி­மென்டை நடத்த விடா­மல் தொடர்ந்து இடை­யூறு செய்­வதை, பார்­லி­மென்ட் மூத்த அர­சி­யல்­வா­தி­யான நீங்­கள் கண்­டிக்­கா­மல், ஆத­ரித்­தும் பேசி­யுள்­ளீர் ­கள். ஏன்?

பதில்: பார்­லி­மென்டை நடத்­த­வி­டா­மல் இடை­யூறு செய்­வ­தாக வெளி­யேத் தவ­றாக சித்­த­ரிக்­கப்­ப­டு­கி­றது. நாங்­கள் ஒரு பிரச்­சினை குறித்து, குறிப்­பாக மணிப்­பூர் கல­வ­ரம் மற்­றும் மாநில உரி­மை­கள் பறிக்­கப்­ப­டும் போது, எதிர்க்­கட்­சி­கள் பேசி­னால் அதை அனு­ம­திக்க வேண்­டும்; அனு­மதி மறுக்­கப்­ப­டு­கி­றது. அரசு பதில் சொல்ல முன்­வ­ர­வில்லை என்­றால், விளக்­கம் தர­வில்லை என்­றால். பார்­லி­மென்­டில் விவா­திப்­ப­தற்கு வழி இல்லை. அதை எதிர்த்து, ஜன­நா­யக முறை­யில் குரல்கொடுத்­தால், ஆர்ப்­பாட்­டம் செய்­வ­தா­கக் கருதி, அவையை ஒத்­தி­வைத்து, பழியை எங்­கள் மீது போடு­வ­தால் வெளியே உள்­ள­வர்­கள் எங்­களை தவ­றாக நினைப்­பது வாடிக்­கை­யாகி விட்­டது.

கேள்வி: ஒன்­றி­யத்­தில் இருந்து நிதி தர­வில்லை, வர­வில்லை. எனதமி­ழக அரசு தொடர்ந்து புலம்­பு­ கி­றது. இது தொடர்­பாக, தமி­ழக அரசு சார்­பில், நீங்­கள் எந்த அமைச்­ச­ரி­ட­மா­வது பேசி­ய­துண்டா? அவர்­கள் சொல்­வ­தென்ன?

பதில்: புலம்­ப­வில்லை; ஆதங்­கப்­ப­டு­கி­றோம். முறை­யி­டு­கி­றோம். முதல்­வர் சொல்லி அனுப்­பும் கோரிக்கை குறித்து, ஒன்­றிய நிதி அமைச்­சரை அடிக்­கடி சந்­தித்து வலி­யு­றுத்­தி­யுள்­ளோம். ரயில்வே அமைச்­சர், வெளி­யு­ற­வுத்­துறை அமைச்­சரை, சந்­தர்ப்­பம் கிடைக்­கும் போதெல்­லாம் பல­முறை சந்­தித்து, தமி­ழக நலன் சார்ந்த கோரிக்­கை­களை நிறை­வேற்றி தரும்­படி கேட்­டி­ருக்­கி­றோம்.

கேள்வி: தமி­ழக அர­சின் கடன், 10 லட்­சம் கோடி ரூபாயை தாண்­டி­யி­ருப்­பது குறித்து டில்­லி­யில் என்ன பேசிக்­கொள்­கின்­ற­னர்?

மோடி அர­சின் கடன்

ரூ.214.82 லட்­சம் கோடி!

பதில்: பத்து லட்­சம் கோடி ரூபாய் என்­பது உண்­மை­யல்ல. கடன் தொகை, 9.29 லட்­சம் கோடி ரூபாய் தான். மாநில அர­சின் மொத்த நிகர வரு­மா­னத்­தில் 26.12 சத­வீ­தம். கடன் வாங்­கிக் கொள்­வ­தற்­கு­ரிய வரம்பை, தி.மு.க., அரசு தாண்­ட­வில்லை. ஆனால்,மன்­மோ­கன் சிங் பிர­த­ம­ராக இருந்த போது, இந்­தி­யா­வின் கடன் தொகை, 85.87 லட்­சம் கோடி ரூபாய். இன்று, பிர­த­மர் மோடி அர­சின் கடன், 214.82 லட்­சம் கோடி ரூபா­யாக உள்­ளது. இந்த வித்­தி­யா­சம் யார் கண்­ணிற்­கும் ஏன் தெரி­ய­வில்லை.

கேள்வி: வெளி­யு­றவு கொள்­கை­யில் ஒன்­றிய அர­சின் செயல்­பாடு எப்­படி உள்­ளது?

பதில்: பஹல்­காம் போரை நான்தான் நிறுத்­தி­னேன் என டிரம்ப் பேசி­யது உட்­பட பல விவ­கா­ரங்­க­ளில், ஒன்­றிய அர­சி­டம் வெளிப்­ப­டைத்­தன்மை இல்லை. திருப்தி தரும் வகை­யி­லும் இல்லை. அதே­ச­ம­யம் கொள்­கையை நான் விமர்­சிக்­க­வில்லை. வெளி­யு­றவு கொள்கை தொடர்­பாக, பார்­லி­மென்­டில் எதிர்க்­கட்சி கேட்­கும் கேள்­வி­க­ளுக்கு ஒன்­றிய அரசு உரிய பதி­ல­ளிக்­க­வில்லை.

சாதி மதத்­திற்கு

அப்­பாற்­பட்­ட­வன்!

கேள்வி: தி.மு.க.வில் கொள்கை பரப்பு செய­லர் பத­வி­யி­லி­ருந்து, துணைப் பொதுச்­செ­ய­லர் பத­விக்கு உயர்த்­தப்­பட்­டுள்­ளீர்­கள். இது உங்­க­ளுக்கு சாதிய பின்­பு­ லத்­தால் மட்­டுமே கிடைத்­தது என்று தி.மு.க.விலேயே சிலர் விமர் ­சிக்­கின்­ற­னரே.

பதில்: நிச்­ச­ய­மாக இல்லை. சாதியை நான் முன்­னி­லைப் படுத்­தி­ய­தில்லை. பல ஆண்­டு­க­ளாக நான் பழ­கு­ப­வர்­க­ளின் சாதி என்ன என்­ப­தும் எனக்கு தெரி­யாது. அவர்­க­ளி­டம் என் சாதி குறித்து சொன்­ன­தும் கிடை­யாது. யாரு­டைய சாதி­யை­யும் தெரிந்­து­கொள்ள நான் முற்­பட்­ட­தில்லை. சாதி அர­சி­யல் எனக்கு தெரி­யாது. கட்­சிக்கு கடி­ன­மாக உழைத்­தது. தியா­கம் செய்­தது. தகுதி ஆகி­ய­வற்­றின் அடிப்­ப­டை­யில் எனக்கு கிடைத்த அங்­கீ­கா­ரம் தான் கட்­சி­யின் துணை பொதுச்­செ­ய­லர் பதவி. மற்­ற­படி சாதி பின்­பு­லத்­தில் எனக்கு பதவி தர­வில்லை. அப்­படி விமர்­சிப்­ப­வர்­கள் குறித்து நான் கவ­லைப்­ப­டு­வ­தும் இல்லை. என்னை புரிந் ­த­வர்­க­ளுக்கு, என்­னைப் பற்றி நன்­றாக தெரி­யும். நான் சாதி, மதத்­திற்கு அப்­பாற்­பட்­ட­வன்.

இவ்­வாறு திருச்சி சிவா எம்.பி. பேட்­டி­ய­ளித்­தி­ருந்­தார்.