செஞ்சி, மார்ச் 27-–
விழுப்புரம் வடக்கு மாவட்டம் மயிலம் சட்டமன்றத் தொகுதி வல்லம் வடக்கு, தெற்கு, மத்திய ஒன்றிய தி.மு.க. சார்பில் கிளை கழக செயலாளர்கள்,வாக்குச்சாவடி முகவர்களுக்கான ஆலோசனைக் கூட்டம் நாட்டார் மங்கலத்தில் நடைபெற்றது.
ஒன்றிய செயலாளர்கள் அண்ணாதுரை, மொடையூர் துரை, இளம்வழுதிஆகியோர் முன்னிலையில் நடைபெற்ற கூட்டத்தில் விழுப்புரம்வடக்கு மாவட்டப் பொறுப்பாளர், முன்னாள் அமைச்சர் செஞ்சி மஸ்தான் எம்.எல்.ஏ. கலந்துகொண்டு பல்வேறு ஆலோசனைகளை வழங்கி சிறப்புரையாற்றி னார் .
அப்போது நிகழ்ச்சியில் முன்னாள் அமைச்சர் செஞ்சி மஸ்தான் எம்.எல்.ஏ. பேசுகையில்:
மயிலம் தொகுதியில் போட்டியிடக்கூடிய அ.தி..மு.க. வேட்பாளர் சி.வி சண்முகம் வரக்கூடாது என அ.தி.மு.க.வினரே நினைக்கின்றனர். ஏன் என்று சொன்னால் பத்தாண்டு காலத்தில் மைலத்தை விட்டு விட்டு விழுப்புரத்தில் படுத்துக்கொண்டு மைலம் பகுதிக்கு ஒரு துரும்பு கூட கிள்ளி போடாதவர்தான் சி.வி. சண்முகம்.
தி.மு.க. ஆட்சியின் அமைதியும், வளர்ச்சியும் தான் எங்களுக்கு தேவை என்று அ.தி.மு.க.வினர் சொல்லுகின்ற அளவிற்கு முதலமைச்சர்திட்டங்கலும், சாதனைகள் உள்ளதாக அ.தி.மு.க. வினர் தெரிவித்துள்ளனர்.
அந்த வகையில் 50 ஆண்டுகால வரலாற்றில் எம்.ஜி.ஆரின் ஆட்சியின் போது திராவிட முன்னேற்றக் கழகம் உதயசூரியன் சின்னம் வெற்றி பெற்ற பகுதி தான் வல்லம் ஒன்றியம். நடைபெற உள்ள சட்டமன்றத் தேர்தலில் மயிலம் தொகுதியில் போட்டியிடுகின்ற கழக வேட்பாளர் சுமார் 30,000 வாக்குகள் வித்தியாசத்தில் வெற்றி பெறுவது உறுதியென அவர் உறுதிப்பட தெரிவித்தார்.
கூட்டத்தில் மயிலம் தொகுதி தேர்தல் பார்வையாளர் கடலூர் இள.புகழேந்தி, முன்னாள் சட்டமன்ற உறுப்பினர் டாக்டர் மாசிலாமணி,தலைமை தீர்மானக் குழு உறுப்பினர் செஞ்சி சிவா,வல்லம் ஒன்றிய பெருந்தலைவர் அமுதா ரவிக்குமார்,ஒன்றிய அமைத்தலைவர்கள் ஏழுமலை, ராமகிருஷ்ணன், வெங்கடேசன், ஒன்றிய துணை செயலாளர்கள்மணிமேகலை ரவிச்சந்திரன், ராஜலிங்கம்,ஞானமூர்த்தி,முருகன்,ராஜகோபால்,பாண்டியராஜன், லட்சுமி லட்சுமணன், ஏழு மலை, மாவட்டப் பிரதிநிதி கள் திருநாவுக்கரசு, ரவிச்சந்திரன், பிரபாகரன், சி. கண்ணன்,அண்ணாதுரை, தாஸ், பத்மநாபன், கதிரவன், ஒன்றிய பொருளாளர்கள் பெருமாள், கண்ணன், பழனிஉள்ளிட்ட ஒன்றிய நிர்வாகிகள் ஊராட்சி கழக செயலாளர்கள்,வாக்குச்சாவடி முகவர்கள் உள்ளிட்டோர் கலந்து கொண்டனர்.