புதுடெல்லி, -மார்ச் 27–
திருநங்கைகள் தொடர்பான திருத்த மசோதா மீதான விவாதத்தில் தி.மு.க. கடும் எதிர்ப்பை முன்வைத்துள்ளது.
தி.மு.க. சார்பில், தென் சென்னை மக்களவை உறுப்பினர் தமிழச்சி தங்கபாண்டியன் மக்களவையில் கடுமையாக எதிர்ப்பு தெரிவித்தார்.
மசோதா விவாதத்தில் பேசிய அவர், இது சாதாரண சட்ட திருத்தம் அல்ல; மனித உரிமை, மரியாதையுடன் வாழும் உரிமை மற்றும் ஒரு சமூகத்தின் இருப்பை பற்றிய கேள்வி என்றும் வலியுறுத்தினார்.
“ஒரு நபரின் அடையாளத்தை அரசு தீர்மானிக்க முடியாது. தங்களுக்கு உரிய மரியாதை பெறுவதற்கு முன் அடையாளத்தை நிரூபிக்க வேண்டும் என்ற எண்ணத்தையே நான் எதிர்க்கிறேன்” என்று அவர் தெரிவித்தார்.
மேலும், திருநங்கை சமூகத்தின் குரல்கள் இந்த மசோதா கொண்டு வருவதற்குமுன் கேட்கப்படவில்லை என்றும், சம்பந்தப்பட்ட தரப்புகளுடன் ஆலோசனை நடத்தப்படவில்லைஎன்றும் குற்றம்சாட்டினார்.
உச்சநீதிமன்றத்தின் NALSA தீர்ப்பை மேற்கோள் காட்டிய அவர், சுய அடையாளம் என்பது தனிநபர் சுதந்திரத்தி ற்கும் மரியாதைக்கும் அடிப்படை உரிமை என்றும், இந்த மசோதா அந்தக் கொள்கையை முற்றிலும் மறுக்கும் வகையில் உள்ளது என்றும் கூறினார்.
இந்த மசோதா திருநங்கை களுக்கு பாதுகாப்பு அளிப்பதாக ஒன்றிய அரசு கூறினாலும், உண்மையில் அடையாளத்தை தாழ்மைப்படுத்தி, அரசின் கண்காணிப்பை அதிகரிக்கும் முயற்சியாக உள்ளது என்றும் அவர் விமர்சித்தார்.
“ஒரு சாதாரண ஆண் அல்லது பெண் தங்கள் பாலினத்தை நிரூபிக்க மருத்துவ சான்றிதழ் அளிக்க வேண்டுமா? கிடையாது. ஆனால் திருநங்கை நபர்களிடம் தங்களின் அடையாளத்தை மருத்துவ வாரிய மூலம் நிரூபிக்க வேண்டும் என்ற நிபந்தனை ஏன்?” என்று அவர் கேள்வி எழுப்பினார்.
மேலும், இந்த மசோதா திருநங்கை என்ற வரையறையை நிருக்கியுள்ளது. இதில், திருநங்கை பெண்கள், திருநங்கை ஆண்கள், non-binary மற்றும் genderqueer நபர்கள் போன்ற பலரையும் தவிர்க்கும் அபாயம் உள்ளதாகவும் அவர் குறிப்பிட்டார்.
இந்த மசோதா தனியுரிமையையும் பாதிக்கிறது என்றும், புட்டுசாமி வழக்கில் உச்சநீதிமன்றத்தின் தீர்ப்பு (Right to Privacy) வழங்கிய அடிப்படை உரிமைக்கு எதிரானதாகவும் உள்ளது எனவும் அவர் தெரிவித்தார்.
பழமையான சமூகப் பிரிவுகள் அடிப்படையில் அடையாளத்தை கட்டுப்படுத்துவது, திருநங்கை சமூகத்தை சமூகத்தில் இருந்து மேலும் துண்டிக்கக் காரணமாகும் என்றும் மக்களவையில் தமிழச்சி தங்கபாண்டியன் எச்சரித்தார்.
மேலும், இந்த மசோதா கட்டாயப்படுத்தல், கடத்தல் போன்ற குற்றங்களைத் தடுப்பதாக கூறினாலும், அது திருநங்கைகளுக்கு ஆதரவான அமைப்புகளை சந்தேகப்படுத்தும் வகையில் உள்ளதால், அவர்களை மேலும் புறக் கணிப்பதற்கே வழிவகுக்கும் என்றும் அவர் தெரிவித்தார்.
“இந்த மசோதா கொள்கை விவாதம் அல்ல; இது ஒரு சமூகத்தின் உயிர்வாழ்வு பற்றிய கேள்வி” என்றும் அவர் வலியுறுத்தினார்.
அரசு கடந்த ஒரு தசாப்தமாக உரிமைகளை சலுகைகளாக மாற்றி, தனிநபர் சுதந்திரத்தை அபாயமாக காட்டும் போக்கை பின்பற்றி வருகிறது என்றும் அவர் குற்றம்சாட்டினார்.
“பல்வேறு சந்தேகத்துடன் உள்ள ஒரு சட்டத்தை நம்புமாறு மத்திய அரசு திருநங்கை சமூகத்திடம் ஏன் கேட்கிறது? உச்சநீதிமன்றம் ஏற்கனவே வழங்கிய சுய அடையாள உரிமையை ஏன் பறிக்க முயல்கிறது? மருத்துவ சான்று முறையை ஏன் மீண்டும் ஒன்றிய அரசு கொண்டு வருகிறது?” என்று அவர் கேள்வி எழுப்பினார்.
மிசேல் ஃபூகோவின் கருத்தை மேற்கோள் காட்டிய அவர், “நிரந்தர கண்காணிப்பு என்பது மனிதர்களை திருத்தப்பட வேண்டியவர்களாக பார்க்க வைக்கிறது” என்றும், அதுபோல இந்த ஒன்றிய அரசு திருநங்கை சமூகத்தை அணுகுகிறது என்றும் விமர்சித்தார்.
தமிழ்நாடு சமூக நீதி, மரியாதை மற்றும் இணைச்சேர்க்கை நிர்வாகத்தை முன்னிறுத்தும் மாநிலம் என்றும், அந்த அடிப்படையில் இந்த மசோதாவை திரும்ப பெற வேண்டும் என்றும், குறைந்த பட்சம் பாராளுமன்ற நிலைக்
குழுவுக்கு அனுப்ப வேண்டும்என்றும் தமிழச்சி தங்கபாண்டியன் வலியுறுத்தினார்.
“ஒரு நாட்டின் மதிப்பு அங்குள்ள சக்தி வாய்ந்தவர்களை எப்படி நடத்துகிறது என்பதில் இல்லை; குரல் கேட்கப்படாத சமூகத்தினரை எப்படி நடத்துகிறது என்பதால்தான் அளவிடப்படுகிறது”.
இவ்வாறு அவர் தனது உரையில் வலியுறுத்தினார்.
கழகத் தலைவர்
அவர்களின் ஆணைப்படி – மாவட்டச் செயலாளர் / பொறுப்பாளர் ஒப்புதலோடு
தி.மு.க. மாணவர் அணியின் மாவட்ட அமைப்பாளர் – துணை அமைப்பாளர்கள் பின்வருமாறு நியமிக்கப் படுகிறார்கள்