சென்னை, மார்ச்.27–

2024 மக்­க­ளவை தேர்­த­லின் போது நான்கு கோடி ரூபாய் பணம் கைப்­பற்­றப்­பட்ட விவ­கா­ரத்­தில் பா.ஜ.க. மாநி­லத் தலை­வர் நயி­னார் நாகேந்­தி­ரன் மீது வழக்­குப்­ப­திவு செய்ய அம­லாக்­கத்­து­றைக்கு உத்­த­ர­வி­டக்­கோரி சென்னை உயர்­நீ­தி­மன்­றத்­தில் தி.மு.க. சார்­பில் மனு­தாக்­கல் செய்­யப்­பட்­டுள்­ளது.

2024 ஆம் ஆண்டு மக்­க­ளவை தேர்­த­லின் போது, தாம்­ப­ரம் ரயில் நிலை­யத்­தில் நெல்லை செல்­லும் விரைவு ரயி­லில் நான்கு கோடி ரூபாய் பணத்தை தேர்­தல் ஆணை­யம் கைப்­பற்­றி­யது. திரு­நெல்­வேலி மக்­க­ளவை தொகு­தி­யில் போட்­டி­யிட்ட நயி­னார் நாகேந்­தி­ரன், அவ­ரது தொகு­தி­யில் பணப்­பட்­டு­வா­டா­வில் ஈடு­பட, இந்த பணம் கொண்டு செல்­லப்­பட்­ட­தாக குற்­றம் சாட்­டப்­பட்­டது.

இந்த நிலை­யில், 4 கோடி ரூபாய் பணம் பறி­மு­தல் செய்­யப்­பட்ட விவ­கா­ரத்­தில் பா.ஜ.க. மாநி­லத் தலை­வர் நயி­னார் நாகேந்­தி­ரன், தமிழ்­நாடு பா.ஜ.க.வின் முன்­னாள் அமைப்பு பொதுச்­செ­ய­லா­ளர் கேசவ விநா­ய­கம் ஆகி­யோர் மீது வழக்­குப்­ப­திவு செய்ய அம­லாக்­கத்­து­றைக்கு உத்­த­ர­வி­டக்­கோரி மாநி­லங்­க­ளவை தி.மு.க. உறுப்­பி­னர் கிரி­ரா­ஜன், சென்னை உயர் நீதி­மன்­றத்­தில் மனுத்­தாக்­கல் செய்­துள்­ளார்.

இந்த விவ­கா­ரத்­தில் நயி­னார் நாகேந்­தி­ரன், கேசவ விநா­ய­கம் ஆகி­யோர் மீது சி.பி.சி.ஐ.டி. வழக்­குப்­ப­திவு செய்­துள்­ளதை மனு­வில் குறிப்­பிட்­டுள்­ளார். மூல வழக்­குப்­ப­திவு செய்­தும் இந்த விவ­கா­ரத்­தில் அம­லாக்­கத்­துறை வழக்­குப்­ப­திவு செய்­ய­வில்லை என்­றும், நயி­னார் நாகேந்­தி­ர­னும், கேசவ விநா­ய­க­மும் பா.ஜ.­க.வைச் சேர்ந்­த­வர்­கள் என்­ப­வ­தால் அம­லாக்­கத்­துறை நட­வ­டிக்கை எடுக்­கா­மல் இருப்­ப­தா­க­வும் மனு­வில் தெரி­விக்­கப்­பட்­டுள்­ளது.