புதுடெல்லி, மார்ச் 28 –
“தேசியக் கல்விக் கொள்கை என்ற பெயரில் இந்தியை திணிப்பது சரியல்ல” என்று நாடாளுமன்ற மக்களவையில் கழக உறுப்பினர் டாக்டர் கலாநிதி வீராசாமி கூறினார்.
இதுகுறித்து அவர் எழுப்பிய கேள்வி வருமாறு:–
ஒன்றிய அரசு தேசிய கல்விக் கொள்கை ஏதோ மிகவும் உயர்ந்த திட்டம் போன்று ஒரு பிம்பத்தை ஏற்படுத்துகிறது. அதில், மாணவர்களுக்கு இந்தியாவில் உள்ள 22 மொழிகளையும், 5 வெளிநாட்டு மொழிகளையும், அதாவது ஸ்பானிஷ் மற்றும் ஜப்பானின் மொழிகள் உள்ளிட்ட வெளிநாட்டு மொழிகளையும் கற்பிக்க திட்டமிட்டுள்ளதாகத் தெரிவிக்கப்படுகிறது.
உண்மையில் இது சாத்தியமா? தமிழ்நாட்டில் சுமார் 40,000 பள்ளிகள் உள்ளன இப்பள்ளிகளில் 22 மொழிகளுக்கான ஆசிரியர்களை நியமிப்பதனால்ஏறத்தாழ 8,80,000 ஆசிரியர்களை நியமிக்க வேண்டும். அவர்களுக்கு ரூபாய் 880 கோடி சம்பளமாக வழங்கப்பட வேண்டும். இந்திய நாட்டில் எங்காவது ஒரு பள்ளியிலாவது, இவ்வாறு நடைமுறைப் படுத்தப்பட்டுள்ளதா என்று அறிய விரும்பு கின்றேன்?
இந்த நிதியாண்டில் இத்திட்டத்திற்காக அதாவது சமக்ர சிஷா திட்டத்துக் காக, ரூ.47310 கோடி ஒதுக்கீடு செய்யப்பட்டுள்ளதாக கூறப்படுகிறது. ஆனால் இத்திட்டத்திற்கு இதுவரை அதாவது 60% சதவீதம் நிதி மட்டுமே செலவிடப்பட்டுள்ளது.
இந்த நிதியாண்டின் இறுதி கட்டத்தில் நாம் உள்ளோம். அப்படியாயின், இந்த நிதி ஏன் இன்னொரு மாநில அரசுகளுக்குக் கொடுக்கப்படவில்லைஇந்த நிதி ஒதுக்கீட்டிலும்மாநிலங்களுக்கு இடையேபாரபட்சம் காட்டப்படு கிறது.
மேற்கு வங்க மாநிலத்துக்கு ஒரு ரூபாய் கூட இத்திட்டத்தின் கீழ் ஒதுக்கப்படவில்லை. தமிழகத்துக்கு, இத்திட்டத்தின் கீழ் 30% சதவீதம் நிதியே ஒதுக்கப்பட்டுள்ளது. எனவே இதற்கான விளக்கங்களை அளிக்க ஒன்றிய கல்விஅமைச்சர் அவர்கள் முன்வருவாரா ?
இவ்வாறு டாக்டர் கலாநிதி வீராசாமி அவர்களின் கேள்விகளுக்கு ஒன் றிய கல்வித்துறை அமைச்சர் ஜெயந்த் சவுத்ரி அவர்களின் பதில் வருமாறு:–
உறுப்பினர்கள் பல கேள்விகளை எழுப்பியுள்ளார். முதலில் பல மொழிகள் கற்பிக்கப்படும் திட்டம் குறித்து கேட்கிறார் என்று கருதுகிறேன்.
உறுப்பினர் அவர்களே ஒரு மருத்துவராக உள்ளார். அவர் பலமொழிகள் கற்பதன் பயனை அறிவார் என்று நம்புகிறேன். இளம் வயதில் புதிய மொழிகளைக் கற்பிப்பது சுலபம். அதனால் தான் முன்மொழி திட்டத்தை அமல்படுத்த முயல்கிறோம். எனவே மாநில அரசுகள் மாணவர்களது தாய்மொழி மற்றும் இன்னொரு மொழியை மூன்றாவது முறையாக கற்பிக்க வேண்டும் என்று பதிலளித்தார். அடுத்ததாக, தமிழ்நாடு, இருமொழிக் கொள்கையைப் பின்பற்று கிறது. உறுப்பினரது கட்சியும் இருமொழிக் கொள்கையைத் தான் பின்பற்று வோம் என்கிறது. தேசிய கல்விக் கொள்கையில் மூன்றாவது மொழியை கற்க வேண்டும் என்று சொல்கிறோம். அது இந்தி திணிப்பு ஆகாது என்று கூறினார். மேலும் சமக்ர சிஷா திட்டத்தின் கீழ் ரூ.538 கோடி ஒதுக்கப்பட்டுள்ளது என்று கூறினார்.
மொழி கருத்தை பரிமாறும்
கருவி – அது அறிவு ஆகாது!
டாக்டர் கலாநிதி வீராசாமி அவர்கள் மீண்டும் எழுந்து எங்கள் தமிழ்நாட்டில் இருந்து மட்டுமல்ல மற்ற தென்னிந்திய மாநிலங்களுக்கான ஆந்திரா, தெலுங்கானா, கேரளா போன்ற மாநிலங்களிலிருந்து ஜப்பான், ஸ்பெயின், பிரான்சு முதலான பல்வேறு நாடுகளுக்குகல்விக்காகவும் வேலைக்காகவும் பலர் செல்கின்றனர் அப்போது, அவர்களின்தேவைக்கேற்றவாறு அந்த நாடுகளின் மொழி களைக் கற்கின்றனர்.
எனவே, மாணவர்களைத் தேவையின்றி மூன்றாவது மொழி என்னும் பெயரில் இந்தியைத் திணிப்பது சரியன்று. மொழி என்பது நமது கருத்துக்களைப் பரிமாறிக் கொள்ள உதவும் ஒரு சாதனம் மட்டுமே அது கணிதம் மற்றும் அறிவியல் போன்று மாணவர்களின் அறிவை வளர்க்கும் படிப்பு இல்லை. எனவே, மாணவர்களுக்கு மூன்றாவது மொழி என்னும் பெயரில் ஒரு மொழியை திணிக்க கூடாது என்று கூறினார்.
மேலும் ஒன்றிய துணை அமைச்சர் அவர்கள் தமிழ்நாட்டிற்கு சமக்ரா சிக் ஷா திட்டத்தின் கீழ் ரூ.500 கோடி அளவிற்கு கொடுக்கப்பட்டுள்ளதாக கூறினார்.
ஆனால் இத்திட்டத்தின் கீழ் இன்னமும் சுமார் ரூபாய் 3500 கோடி கொடுக்கப்படாமல் நிலுவையிலுள்ளது அதனை உடனடியாக வழங்க வேண்டும் என்று வற்புறுத்தினார்.
இவ்வாறு டாக்டர் கலாநிதி வீராசாமி அவர்கள் இந்தி மொழித் திணிப்புக்குத் தனது எதிர்ப்பினை மக்களவையில் பதிவிட்டார்.
கழகத் தலைவர், முதலமைச்சர் மு.க.ஸ்டாலின் அவர்கள் தலைமையை ஏற்று, சேலம் கிழக்கு மாவட்டம், வீரபாண்டி வடக்கு ஒன்றியத்திற்குட்பட்ட, பெருமாகவுண்டம்பட்டி ஊராட்சி - கொத்துக்காரன்காடு பகுதியைச் சேர்ந்த அ.தி.மு.க. உறுப்பினர்கள் 20க்கும் மேற்பட்டோர் அக்கட்சியில் இருந்து விலகி கிழக்கு மாவட்டச் செயலாளர் எஸ்.ஆர்.சிவலிங்கம் எம்.பி. முன்னிலையில் கழகத்தில் இணைந்தனர். அப்போது வீரபாண்டி வடக்கு ஒன்றியச் செயலாளர் சு.சதீஷ்குமார் உடனிருந்தார்.