#Title

பா.ஜ.க. ஆளும் சத்தீஸ்கர் மாநிலச் சிறைகளில் 285 கைதிகள் உயிரிழப்பு! தேசிய மனித உரிமைகள் ஆணையம் விசாரணை!

சத்தீஸ்கர், மார்ச் 28–

பா.ஜ.க. ஆளும் சத்தீஸ்கர் மாநிலச் சிறைகளில் 285 கைதிகள் உயிரிழப்பு காரணமாக தேசிய மனித உரிமைகள் ஆணையம் தாமாக முன்வந்து விசாரணை மேற்கொண்டுள்ளது.

பா.ஜ.க. ஆளும் சத்தீஸ்கர் மாநிலத்தில் உள்ள சிறைகளில் 285 கைதிகள் உயிரிழந்த விவகாரம் குறித்து தேசிய மனித உரிமைகள் ஆணையம் தாமாக முன்வந்து விசாரணைக்கு எடுத்துக் கொண்டுள்ளது.

சத்தீஸ்கர் மாநிலத்தில் முதல்வர் விஷ்ணு தியோ சாய் தலைமையிலாள பா.ஜ.க. ஆட்சிநடைபெற்று வருகிறது.

கடந்த 13 மாதத்தில் மட்டும் சத்தீஸ்கர் மாநிலத்தில் உள்ள சிறைச் சாலைகளில் 66 கைதிகள் உயிரிழந்த விவகாரத்தை முன்வைத்து, அந்த மாநில சட்டமன்றத்தில் காங்கிரஸ் உள்ளிட்ட எதிர்க்கட்சி உறுப்பினர்கள் கடும்அமளியில் ஈடுபட்டனர்.

மேலும், கடந்த வாரம் ஊடகம் ஒன்றில் வெளியான செய்தியில், சத்தீஸ்கர் சிறைகளில் அளவுக்கு அதிகமான கைதிகள் அடைத்து வைக்கப்பட்டுள்ளதாகவும், இதனால் கைதிகளுக்கு நோய்த்தொற்று வேகமாகப் பரவுவதற்கும், சில கைதிகளுக்கு மனஅழுத்தம் ஏற்படுவதற்கும் வாய்ப்புள்ளதாகவும், கைதிகளுக்கு சிகிச்சை அளிப்பதற்கு சிறையில் போதியஅளவில் மருத்துவர்களோ,மனநல மருத்துவர்களோ இல்லை என்றும் தெரிவிக்கப்பட்டிருந்தது.

இந்நிலையில், சத்தீஸ்கர் மாநிலத்தில் உள்ள சிறைகளில் 285 கைதிகள் உயிரிழந்த விவகாரம் குறித்து தேசிய மனித உரிமைகள் ஆணையம் தாமாக முன்வந்து விசாரணைக்கு எடுத்துக் கொண்டுள்ளது. இதுகுறித்து விளக்கம் அளிக்குமாறு சத்தீஸ்கர் மாநில அரசுக்கும் தேசிய மனித உரிமைகள் ஆணையம் நோட்டீஸ் அனுப்பி உள்ளது.