சென்னை, மார்ச் 28–

தனக்கு இருக்­கும் சிக்­கல்­களை மறைப்­ப­தற்­காக – அமித்ஷா கொடுக்­கும் ‘ஸ்கிரிப்ட்’­களை மாற்­றா­மல் அப்­ப­டியே படிக்­கி­றார் எடப்­பாடி பழ­னி­சாமி என்று அமைச்­சர் எஸ்.எஸ்.சிவ­சங்­கர் குற்­றம் சாட்­டி­னார்.

அமைச்­சர் எஸ்.எஸ்.சிவ­சங்­கர் செய்­தி­யா­ளர்­க­ளி­டம் கூறி­ய­தா­வது:

அ.தி.மு.க. கூட்­ட­ணி­யின் தலை­வ­ரா­கச் சொல்­லப்­ப­டு­கின்ற எடப்­பாடி பழ­னி­சாமி, தனக்குஇருக்­கும் சிக்­கல்­களை மறைப்­ப­தற்­காக தி.மு.க. கூட்­ட­ணி­யைத் தேவை­யற்று விமர்­ச­னம் செய்து வரு­கி­றார்.

ஒரு­கா­லத்­தில் வட இந்­தி­யத் தலை­வர்­கள் அ.தி.மு.க. தலை­வ­ரைச் சந்­திப்­ப­தற்­காக அவர் வீட்டு வாசற்­ப­டி­யில் வந்து நின்ற சூழல் இருந்­தது. ஆனால், இன்று ஒவ்­வொரு முடிவை எடுப்­ப­தற்­கும் டெல்­லிக்­குச் சென்று வரும் நிலைக்கு அ.தி.மு.க.வைத் தரம் தாழ்த்­திய எடப்­பாடி பழ­னி­சாமி, முத­ல­மைச்­சர் மு.க.ஸ்டாலினையும், தி.மு.க. கூட்­ட­ணிக் கட்­சித் தலை­வர்­க­ளை­யும் விமர்­சிப்­பது தேவை­யற்­றது.

விடு­த­லைச் சிறுத்­தை­கள் கட்சி தேர்­தல் களத்­தில் பல்­வேறு சவால்­க­ளைச் சந்­தித்­துப் படிப்­ப­டி­யாக வளர்ந்த கட்சி. அதன் தலை­வர் எழுச்­சித் தமி­ழர் தொல். திரு­மா­வ­ள­வன், ஒவ்­வொரு தேர்­த­லி­லும் தனது வெற்­றியை நிரூ­பித்து, தி.மு.க. தலைமை­யால் அங்­கீ­க­ரிக்­கப்­பட்­டி­ருக்­கி­றார். நல்­லு­ற­வோடு இருக்­கும் இக்­கூட்­ட­ணி­யைப் பழ­னி­சாமி விமர்­ச­னம் செய்­கி­றார்.

பா.ஜ.க.வுக்கு பெரிய

இடம் கொடுத்த பழ­னி­சாமி!

அவ­ரு­டைய கூட்­ட­ணி­யில் பா.ஜ.க.விற்கு கடந்த முறையை விட அதிக இடங்­க­ளைக் கொடுத்­தி­ருப்­பது மட்­டு­மல்­லா­மல், பா.ஜ.க. வின் தாம­ரைச் சின்­னத்­தில் இன்­னும் கூடு­தல் இடங்­கள் போட்­டி­யி­டும் நிலை உரு­வா­கி­யுள்­ளது. பா.ஜ.க. விற்கு 27 இடங்­கள் ஒதுக்­கப்­பட்ட நிலை­யில், த.மா.கா., இந்­திய ஜன­நா­ய­கக் கட்சி, தமி­ழக மக்­கள் முன்­னேற்­றக் கழ­கம், புதிய நீதிக் கட்சி போன்ற கட்­சி­க­ளும் தாம­ரைச் சின்­னத்­தி­லேயே போட்­டி­யி­டு­கின்­றன. தமிழ்­நாட்­டில் நோட்­டா­விற்கு கீழே இருந்த தாம­ரைக்கு, எடப்­பாடி பழ­னி­சாமி ஒரு மிகப்­பெ­ரிய இடத்­தைக் கொடுத்­தி­ருக்­கி­றார்.

அ.தி.மு.க. தொண்­டர்­க­ளு­டைய சுய­ம­ரி­யா­தை­யைக் காக்­கும் வகை­யில் செயல்­ப­டு­வ­து­தான் அந்த இயக்­கத்­திற்­குச் செய்­யும் நற்­ப­ணி­யா­கும். அதை விடுத்து அவர் தி.மு.க. கூட்­ட­ணி­யைக் கூறிக்­கொண்­டி­ருக்­கி­றார். அவர் என்­ன­தான் மேக்­கப் போட்­டுக் கொண்டு மறைக்க நினைத்­தா­லும், அவ­ரு­டைய ஒவ்­வொரு அறி­விப்­பிற்­குப் பின்­னா­லும் அமித்ஷா இருக்­கி­றார் என்­பது கிரா­மத்து மக்­க­ளுக்­கும் தெரிந்த உண்­மை­யாகவே இருக்­கி­றது.

அ.தி.மு.க. என்­பதை அடிமை தி.மு.க. என்று பெயர் மாற்­றும் அள­விற்கு எடப்­பாடி பழ­னி­சாமி கொண்டு சென்­று­விட்­டார் என்று அக்­கட்­சி­யி­னரே குற்­றம் சாட்­டு­கின்­ற­னர். அமித்ஷா கொடுக்­கும் ஸ்கிரிப்ட்­களை மாற்­றா­மல் அப்­ப­டியே படிக்­கி­றார். கூட்­ட­ணிக் கட்­சி­க­ளுக்­குக் கொடுக்­கும் இடங்­களை அவர் சொன்­னா­லும்,அ.தி.மு.க. போட்­டி­யி­டும் இடங்­க­ளைக் கூட மற்­ற­வர்­கள் கணக்­கிட்­டுத் தெரிந்து கொள்ள வேண்­டிய நிலை­வில்­தான் அவ­ரு­டைய ஒவ்­வொரு முடி­வும் இருக்­கி­றது.

மோடியா? லேடியா? என்று கேட்டு பா.ஜ.க.விற்­குச் சவால் விடுத்­த­வர் ஜெய­ல­லிதா அம்­மை­யார். ஆனால் இன்­றைக்கு மோடியே எல்­லாம் என்று கூறி அம்­மை­யா­ரின் ஆன்­மா­வையே சாக­டிக்­கும் அள­விற்கு எடப்­பாடி பழ­னி­சாமி சென்­று­விட்­டார். டெல்லி பா.ஜ.க.விற்கு ஒரு­போ­தும் அடி­ப­ணிய மாட்­டோம் என்று சொல்­லிக்­கொண்டே, மீண்­டும் மீண்­டும் அவர் அடி­ப­ணிந்து கொண்­டி­ருக்­கி­றார்.

இந்த நேரத்­தில்­தான், தமிழ்­நாட்டு மக்­கள் தமிழ்­நாடு ‘அவுட் ஆப் கண்ட்­ரோல்’ என்று டெல்­லிக்கு உரத்த குர­லில் சொல்­லி­யி­ருக்­கி­றார்­கள். முத­ல­மைச்­சர், கழ­கத் தலை­வர் தள­பதி மு.க.ஸ்டாலின் தலை­மை­யில் மக்­கள் ஒன்­றி­ணைந்து கொண்­டி­ருக்­கி­றார்­கள்.

இந்­தத் தேர்­தல் மிகப்­பெ­ரிய வெற்­றி­யைத் திரா­விட முன்­னேற்­றக் கழ­கக் கூட்­ட­ணிக்­குப் பெற்­றுத்­த­ரும். முத­ல­மைச்­சர் மு.க.ஸ்டாலின் தலை­மை­யில் திரா­விட மாடல் 2.0 ஆட்சி மீண்­டும் மலர இருக்­கி­றது. இந்த மகத்­தான வெற்­றியை எட்­டு­வ­தற்­காக நிலங்­களை முத­ல­மைச்­சர் முறைப்­ப­டுத்­தத் திட்­ட­மிட்­டுத் தொடங்­கி­யி­ருக்­கின்­றார்.

ஒவ்­வொரு கூட்­ட­ணிக் கட்­சி­யோ­டும் முறை­யா­கப் பேச்­சு­வார்த்தை நடத்­தப்­பட்டு, அவர்­க­ளுக்கு உரிய மரி­யாதை அளிக்­கப்­பட்­டி­ருக்­கி­றது. இரண்டு, மூன்று முறை பேச வேண்­டிய சூழல் வந்­தா­லும், மனம் உவந்து பேசி ஒப்­பந்­தங்­கள் கையெ­ழுத்­தா­கி­யுள்­ளன. அதே­போல எந்­தெந்­தத் தொகு­தி­க­ளில் போட்­டி­யி­டு­வது என்­ப­தை­யும் தி.மு.க. சார்­பில் அமைக்­கப்­பட்ட குழு­வி­னர் கூட்­ட­ணிக் கட்­சி­க­ளோடு பேசி ஒரு­ம­ன­தாக முடி­வெ­டுக்­கப்­ப­டும்.

மாறாக, என்.டி.ஏ. கூட்­டணி என்­பது டெல்­லி­யில் அமித்­ஷா­வின் கட்­ட­ளைக்கு ஏற்ப அமைக்­கப்­பட்­டி­ருக்­கி­றது. சுய­ம­ரி­யா­தை­யோ­டும் தன்­மா­னத்­தோ­டும் இயங்­கும் தி.மு.க. கூட்­டணிமகத்­தான வெற்றி பெறும். தமிழ்­நாடு முத­ல­மைச்­சர் அவர்­கள் மீண்­டும் முத­ல­மைச்ச­ ராகப் பொறுப்­பேற்­பார்­கள்.

காங்­கி­ரஸ் மற்­றும் தே.மு.தி.க.வின் பாரம்­ப­ரி­யம் மற்­றும் செல்­வாக்­கைக் கருதி இடங்­கள் ஒதுக்­கப்­பட்­டதை வி.சி.க. தலை­வர் திரு­மா­வ­ள­வன் தெளி­வாக ஏற்­றுக்­கொண்ட ­தாக­வும், இதில் எந்த மன­வ­ருத்­த­மும் இல்லை என்­றும் குறிப்­பிட்­டுள்­ளார். அதே சம­யம், சீட் கிடைக்­காத விரக்­தி­யில் வேல்­மு­ரு­கன் முன்­வைக்­கும் புகார்­கள் தவ­றா­னவை. தி.மு.க. ஆட்­சி­யில் அதி­கா­ரம் ஓரி­டத்­தில் குவி­ய­வில்லை என்­ப­தற்­குத் தொலை­தூர மாவட்­டத்­தைச் சேர்ந்த அமைச்­ச­ரான நானே சாட்சி. அமைச்­சர்­கள் அனை­வ­ரும் சுதந்­தி­ர­மா­க­வும் கூட்­டுப் பொறுப்­போ­டும் செயல்­ப­டு­கி­றோம்.

இவ்­வாறு அமைச்­சர் எஸ்.எஸ். சிவ­சங்­கர் கூறி­னார்.