அரியலூர், மார்ச் 28 –
அரியலூர் மாவட்டக் கழக அலுவலகத்தில் சட்டமன்றத் தேர்தல் ஆலோசனைக் கூட்டம் அமைச்சர், மாவட்டக் கழகச் செயலாளர் சா.சி.சிவசங்கர் தலைமையில் நடைபெற்றது.
கூட்டத்தில் போக்கு வரத்து மற்றும் மின்சாரத் துறை அமைச்சர்,அரியலூர் மாவட்டச் செயலாளர் சா.சி.சிவசங்கர் பேசியதாவது:-–
வரவிருக்கும் சட்டமன்றத் தேர்தலை எதிர்கொள்வதற்கான ஆயத்தப் பணிகளைத் தீவிரப் படுத்தும் நோக்கில், முதலமைச்சர், கழகத் தலைவர் மு.க.ஸ்டாலின் அவர்களின் வழிகாட்டுதலின்படியும், துணை முதலமைச்சர் உதயநிதி ஸ்டாலின் அவர்களின் ஆலோசனையின்படியும் நடைபெற்ற இந்த கூட்டத்தில், அரியலூர்மாவட்டத்திற்கு உட்பட்டஒன்றிய, நகர மற்றும் பேரூர் கழகச் செயலாளர்கள் அனைவரும் கலந்துகொண்டனர்.
நமது திராவிட மாடல் அரசு கடந்த ஆண்டுகளில் செயல்படுத்தியுள்ளஎண்ணற்ற மக்கள் நலத்திட்டங்களையும், வரலாற் றுச் சிறப்புமிக்கச் சாதனை களையும் ஒவ்வொருவாக்காளரிடமும் கொண்டுசேர்ப்பதற்கான சிறப்பான வியூகங்கள் குறித்து இந்தக் கூட்டத்தில் நிர்வாகிகளுடன் ஆலோசனை வழங்கினார்.
மக்களின் பேராதரவோடு, அரியலூர் மாவட்டத்தில் கழகத்தின் மாபெரும் வெற்றியை உறுதி செய்து, கழகத்தின் ஆக்கப்பூர்வமான வளர்ச்சிப் பணிகள், தேர்தலுக்கான சிறப்பான வியூகங்கள் மற்றும் நமது திராவிட மாடல் அரசின் மகத்தான மக்கள் நலத்திட்டங்களை மக்களிடம் கொண்டு சேர்க்கு வேண்டும் ஒன்றிய, நகர, பேரூர் கழக நிர்வாகிகள், அனைத்து அணி பொறுப்பாளர்கள்,BLA 2,
BDA,BLC உள்ளிட்ட ஒவ்வொருவரும் தங்களது பகுதியில் குறைந்தது 100 நபர்களை சந்திக்கவேண்டும், அவர்களை தினம் தினம் சந்தித்து நமது கழக அரசின் சாதனைகளை எடுத்துக் கூறவேண்டும், குறிப்பாக பெண்களுக்கு திராவிடமாடல் ஆட்சியில் கொடுக் கப்பட்ட பல திட்டங்களைஎடுத்து கூற வேண்டும், அதேவேளையில் திரும்ப கழகம் ஆட்சி அமைந்தான் தான் இந்த திட்டங்கள், இன்னும் பல திட்டங்கள்உங்களை தேடி வரும் என எடுத்து சொல்லவேண்டும். உங்களுக்காக இன்னும் பல திட்டங்களை கொடுப்பதற்கு கழகத் தலைவர், தமிழ்நாடு முதல்வர் முத்துவேல்கருணாநிதி ஸ்டாலின்அவர்கள் காத்துக்கொண்டுஇருக்கிறார் என கூறவேண்டும்.
தமிழ்நாடு துணை முதலமைச்சர் உதயநிதி ஸ்டாலின்அவர்கள் அமைச்சர் பொறுப்பு ஏற்ற தினத்தில் இருந்து மகளிர் சுய உதவிக் குழுக்களின் மேல் தனி கவனம் செலுத்தி பல ஆயிரம் கோடி சுழல் நிதி கடன் வழங்கி உள்ளார்.
இளைஞர்களின் வாழ்வில் இன்றையதினம் விளையாட்டு மேம்பாட்டு ஆனையத்தின் மூலம் பல விளையாட்டு வீரர்களை உருவாக்கி அவர்களின் வாழ்கை தரத்தை உயர்த்திவருகிறார் இதை எல்லாம் இளைஞர்கள் மத்தியில் அனைவரும் எடுத்துக் கூறவேண்டும்,
ஒவ்வொருவரும் வாக்குச்சாவடி அளவில்மகளிரை ஒருங்கிணைத்து அவர்கள் மூலம் பொதுமக்களிடம் நமது அரசின் சாதனை திட்டங்களை கொண்டு சேர்த்து வாக்குகளை ஈர்க்கும் வகையில் கழக ஆக்கப்பணிகளைத் தீவிரப்படுத்த வேண்டும்.
மக்களின் நலன் ஒன்றையே முதன்மைக் குறிக்கோளாகக் கொண்டு உழைக்கும் நமது கழகத் தலைவர் – மு.க ஸ்டாலின் அவர்களின் கரங்களைவலுப்படுத்தி, மக்கள் பணி யைத் தொடர்ந்து சோர்வின்றி முன்னெடுத்து, திராவிட மாடல் 2.0 ஆட்சியை அமைக்க அனைவரும் ஒன்றாக உழைப்போம்.
நமது முதலமைச்சர்மு.க.ஸ்டாலின் அவர்களைஇரண்டாவது முறையாக மீண்டும் அரியணையில் அமர்த்த அனைவரும் ஒருங்கிணைந்து சோர்வின்றி உழைப்போம்! என கூறினார்.
இக்கூட்டத்தில் ஜெயங்கொண்டம் சட்டமன்றஉறுப்பினர் க.சொ.க.கண்ணன், அரியலூர் சட்டமன்ற தொகுதி மேற்பார்வையாளர் ப.அன்பரசு,
ஒன்றியக் கழகப் பொறுப்பாளர்கள் தனசேகர், இரா.கென்னடி, பூ.செல்வராஜ், இரா.மணிமாறன், மா.அன்பழகன், கோ.அறிவழகன், ஆர்.கலியபெருமாள்,
வி.எழில்மாறன், இரா.அண்ணாதுரை, ப.தனவேல்,தெய்வ. இளைய ராஜன், நா.கணேசன், கே.ஜி.எஸ்.முருகன், இரா.செந்தில்குமார், நகரக் கழகச் செயலாளர்கள் இரா.முருகேசன், வெ.கொ.கருணாநிதி,பேரூர்க் கழகச் செயலாளர்கள். ப.கோபாலகிருஷ்ணன் அ.அல்போன்ஸ், மாவட்டக் கழகப் பொறியாளர் அணி அமைப்பாளர் கே.சி.லூயிகதிரவன் மற்றும் மாவட்ட, ஒன்றிய, நகர, பேரூர் கழக நிர்வாகிகள் பலரும் கலந்துகொண்டனர்.