சென்னை, மார்ச் 28 –
தி.மு.க. ஆட்சியில்தான் சென்னைக்கு ஏராளமான வளர்ச்சித் திட்டங்கள் நிறைவேற்றப்பட்டுள்ளதாக பெருமிதம் தெரிவித்த அமைச்சர் பி.கே.சேகர்பாபு, சட்டம் ஒழுங்கு பற்றி பேச எடப்பாடி பழனிசாமிக்கு எந்த தகுதியும் இல்லை என விமர்சித்தார்.
சென்னை எழும்பூரில் செய்தியாளர்களிடம் பேசிய அமைச்சர் பி.கே.சேகர்பாபு, பா.ஜ.க. பிரித்து கொடுத்த தொகுதி பங்கீட்டை, அ.தி.மு.க. தலைமை அலுவலகத்தில் வாசித்து விட்டு நேரடியாக பா.ஜ.க. போட்டியிடும் மயிலாப்பூரில் பிரச்சா ரத்தை எடப்பாடி பழனிச்சாமி தொடங்கியதாக விமர்சித்தார். தமிழ்நாட்டில் என்.டி.ஏ. கூட்ட ணிக்கு தலைமை தாங்குவதுஅ.தி.மு.க.வா? பா.ஜ. க.வா? என கேள்வி எழுப்பினார். தனது தலைமையில் தான் கூட்டணி என பேசி வரும் எடப்பாடி பழனிசாமியால், த.மா.கா. தாமரை சின்ன த்தில் போட்டியிடுவது ஏன்? என்பதற்கு பதில் அளிக்க முடியுமா என வினவினார்.
சென்னைக்கு ஏராளமான திட்டங்கள்!
தி.மு.க. ஆட்சியில்தான் சென்னைக்கு ஏராளமான வளர்ச்சித் திட்டங்கள் நிறைவேற்றப்பட்டன.
கடந்த அ.தி.மு.க.
ஆட்சியில் மழை, வெள்ளத்தின்போது மக்களை நேரில் சந்திக்காத பழனிசாமி, கொரோனா காலத்தில் கூட வெளியே வராமல் ஓடி ஒளிந்து கொண்ட தாக விமர்சித்தார்.
கொரோனா தொற்றிலிருந்து தமிழ்நாட்டை மீட்டவர் முதலமைச்சர் மு.க.ஸ்டாலின் என பெருமிதம் தெரிவித்த அமைச்சர் சேகர்பாபு, தி.மு.க. ஆட்சியில்தான் சென்னைக்கு ஏராளமான வளர்ச்சித் திட்டங்கள் நிறைவேற்ற ப்பட்டுள்ளதாகவும் தெரிவித்தார்.
சட்டம் – ஒழுங்கு பற்றி பேச தகுதியில்லாதவர்!
பொள்ளாச்சி பாலியல் வன்கொடுமையை யாரும் மறந்துவிடவில்லை. வரும் சட்டமன்றத் தேர்தலில்அ.தி.மு.க. படுதோல்வி அடையும். மக்களின் அமோக ஆதரவுடன் ‘திராவிட மாடல்’ அரசு ஆட்சியமைக்கும் சட்டம் ஒழுங்கு பற்றி பேச எடப்பாடி பழனிசாமிக்கு எந்த தகுதியும் இல்லை என கூறிய அமைச்சர் சேகர்பாபு, முந்தைய அ.தி.மு.க. ஆட்சியில் அரங்கேறிய பொள்ளாச்சி பாலியல் வன்கொடுமையை யாரும் மறந்துவிடவில்லை என்று தெரிவித்தார். தூத்துக்குடி துப்பாக்கிச்சூடு சம்பவத்தை பழனிசாமி மறந்துவிட்டாரா? என்றும் அவர் வினவினார்.
2026 சட்டமன்றத் தேர்தலில் அ.தி.மு.க. படுதோல்வி அடையும் என திட்ட வட்டடமாக கூறிய அமைச்சர் சேகர்பாபு, மக்களின் பேராதரவுடன் திராவிட மாடல் அரசு வெற்றி பெற்று மீண்டும் ஆட்சியமைக்கும் என உறுதிபட தெரிவித்தார்.