மயிலம் , மார்ச் 28 –
தி.மு.க. தலைவர், முதலமைச்சர் மு.க.ஸ்டாலின் செய்துள்ளதிட்டங்களையும் சாதனைகளையும் எண்ணி இன்றைக்கு
அ.தி.மு.க. , பா.ஜ.க., தவெக உள்ளிட்ட கட்சிகளிலிருந்து நூற்றுக்கும் மேற்பட்டோர் கழகத்தில் இணைந்து வருவதாக தீவனூரில் நடைபெற்ற ஊராட்சி செயலாளர்கள் வாக்குச்சாவடி முகவர்கள் கூட்டத்தில் விழுப்புரம் வடக்கு மாவட்டப் பொறுப்பாளர் செஞ்சி மஸ்தான் எம்.எல்.ஏ. பெருமிதம் தெரிவித்தார்.
விழுப்புரம் வடக்கு மாவட்டம் மயிலம் சட்டமன்ற தொகுதி மைலம் தெற்கு, வடக்கு மத்தியம் ஒன்றியம் மற்றும் ஒலக்கூர் மேற்கு ஒன்றியதிமுக சார்பில் கிளை கழக செயலாளர்கள்,வாக்குச்சாவடி முகவர்களுக்கான ஆலோ சனைக் கூட்டம் தீவனூர் மற்றும் மைலத்தில் நடைபெற்றது.
ஒன்றிய செயலாளர்கள்சேது நாதன், மணிமாறன், செழியன், ராஜாராமன், ஆகியோர் முன்னிலையில் நடைபெற்ற கூட்டத்தில் விழுப்புரம் வடக்கு மாவட்டப் பொறுப்பாளர், முன்னாள் அமைச்சர் செஞ்சி மஸ்தான் எம்.எல்.ஏ. கலந்துகொண்டு பல் ல்வேறு ஆலோசனைகளை வழங்கி சிறப்புரை யாற்றினார்.
இக்கூட்டத்தில் செஞ்சி மஸ்தான் எம்.எல்.ஏ. பேசுகையில்:
மதச்சார்பற்ற முற்போக்கு கூட்டணி கட்சி சார்பில் மயிலம் சட்டமன்றத் தொகுதியில் போட்டியிடுகின்ற கழக வேட்பாளரை சுமார் 30,000 வாக்குகள் வித்தியாசத்தில் வெற்றி பெற செய்ய வேண்டும். இதற்கு தி.மு.க. நிர்வாகிகள் அனைவரும் ஒற்றுமையுடன்களப்பணியாற்ற வேண்டும். மயிலம் சட்டமன்ற தொகுதியில் தொகுதியில் முதலமைச்சர் போட்டியிடுகிறார் என்ற எண்ணத்துடன்கழக நிர்வாகிகள் அனைவரும் முதலமைச்சரின் திட்டங்க ளையும் சாதனைகளையும் ஒவ்வொரு வீடாக சென்று மக்களிடம் எடுத்து கூறி வாக்குகள் பெற வேண்டும் 80வயதுக்கு மேற்பட்ட வயதானவர்கள் மாற்றுத்திறனாளிகள் அவர்களுடைய இல்லத்தில்இருந்து வாக்களிப்பதற்கு இந்திய தேர்தல் ஆணையம் வழிவகை செய்துள்ளது.
தற்போது தேர்தல் ஆணையம் சார்பில்வயதானவர்கள் மாற்றுத்திறனாளிகள் ஆகியோர் வாக்களிப்பதற்கு ஒப்புதல் படிவம் 2.வழங்கப்பட்டு வருகிறது.கிளைக் கழக செயலாளர்கள் மற்றும் வாக்குச்சாவடி முகவர்கள் படிவம் 2 முறையாக அவர்களுக்கு சென்றுள்ளதா என கண்டறிந்து அவர்களுக்கு படிவம் சென்று சேரும் வகையில் மேற்பார்வையிட்டு உதவி செய்ய வேண்டும்.
ஒன்றிய பா.ஜ.க. மோடியுடன் கூட்டணி வைத்துள்ள அ.தி.மு.க. எடப்பாடிக்கு ஓட்டு போடக் கூடாது என மக்கள் முடிவு செய்துள்ளனர். முதல மைச்சரின் நிர்வாகத் திறமை யாலும் அவரது சொல் செயல் திட்டங்களால் தி.மு.க.விற்கு ஓட்டு போட அ.தி.மு.க. தொண்டர்கள் தயாராக உள்ளதாக விழுப்புரம் வடக்கு மாவட்ட பொறுப்பாளர் முன்னாள் அமைச்சர் செஞ்சி மஸ்தான் எம்.எல்.ஏ. தெரிவித்தார்.
கூட்டத்தில் மயிலம் வடக்கு ஒன்றியம் கொள்ளார் ஊராட்சி முன்னாள் அதிமுக ஊராட்சி மன்ற தலைவர் பாலன்,பிஜேபி நிர்வாகி தெய்வமணி, த.வெ.க.வினோத்ஆகியோரது தலைமையில் அக்கட்சியைச் சேர்ந்த நூற்றுக்கும் மேற்பட்ட ஆண்கள், பெண்கள் ஆகியோர் அக் கட்சியில் இருந்து விலகி விழுப்புரம் வடக்கு மாவட்டப் பொறுப்பாளர் முன்னாள் அமைச்சர் செஞ்சி மஸ்தான் எம்.எல்.ஏ முன்னிலையில் திமுகவில் இணைந்தனர்.
தி.மு.க.வில் இணைந்த அனைத்து நிர்வாகிக ளுக்கும் விழுப்புரம் வடக்கு மாவட்ட பொறுப்பாளர், முன்னாள் அமைச்சர் செஞ்சி மஸ்தான் எம்.எல்.ஏ. சால்வை அணிவித்து வரவேற்று நடைபெறுகின்ற தேர்தலில் அனைவரும் கடுமையாக உழைத்து முதலமைச்சரின் கரத்தை வலுப்படுத்த வேண்டும் என அவர் கேட்டுக் கொண்டார்.
கூட்டத்தில் மயிலம் தொகுதி தேர்தல் பார்வையாளர் கடலூர் இள.புகழேந்தி, முன்னாள் சட்டமன்ற உறுப்பினர்கள் டாக்டர் மாசிலாமணி, சேது நாதன்,தலைமை தீர்மானக் குழு உறுப்பினர் செஞ்சி சிவா, மயிலம் ஒன்றிய பெருந்தலைவர் யோகேஸ்வரி மணிமாறன், ஒன்றிய அவைத் தலைவர்கள் மைலம் சுப்பிரமணி, சேகர்,
பரசுராமன், துணைச் செயலாளர்கள் இந்திரா சுரேஷ், செல்வகுமார், பாலசுந்தரம், சண்முகம், ஆனந்தன், சித்ரா ஏழுமலை, சங்கர், தமிழரசன், மாவட்ட பிரதிநிதிகள் சசிகுமார், விஜயன், கோபாலகிருஷ்ணன், சேகர், சிவானந்தம், ஞானசேகர், வீடூர் பிரகாஷ்,பொருளாளர்கள் ஆறுமுகம், ஆனந்தன், பழனி, ஒலக்கூர் மேற்கு ஒன்றிய அவைத் தலைவர் அமராவதி, துணை செயலாளர்கள் ஆர்.காளி, சுப்பிரமணியன், அன்பரசி ஜெயபிரகாஷ் , மாவட்டப் பிரதிநிதிகள் ஹரிகிருஷ்ணன், கே.காளி, மணி ஒன்றிய பொருளாளர் திருஞான சம்பந்தம் உள்ளிட்ட ஒன்றிய நிர்வாகிகள் ஊராட்சி கழக செயலாளர்கள், வாக்குச்சாவடி முகவர்கள் உள்ளிட்டோர் கலந்து கொண்டனர்.