#Title

1 கோடி இலக்கு சொன்ன ஒன்றிய அரசு… 26 லட்சத்தில் நின்றது ஏன்? சூர்யா கர் திட்டம் தோல்வியா? சோலார் திட்டத்தில் ஏன் பின்னடைவு? மாநிலங்களவையில் கே.ஆர்.என்.இராஜேஸ்குமார் கேள்வி!

நாமக்கல். மார்ச் 29–

பிரதம மந்திரி சூர்யா கர்: இலவச மின்சாரம் திட்டத்தின் அமலாக்க குறைபாடுகள் குறித்து, நாமக்கல் கிழக்கு மாவட்ட கழக செயலாளரும் மாநிலங்களவை உறுப்பினருமான கே.ஆர்.என். இராஜேஷ்குமார், புதிய மற்றும் புதுப்பிக்கத்தக்க ஆற்றல் அமைச்சரிடம் முக்கிய கேள்வி களை எழுப்பியுள்ளார்.

2026–27 நிதியாண்டுக் குள் 1 கோடி வீடுகளில் கூரைத்தள சோலார் அமைப்புகள் நிறுவப்படும் என ஒன்றிய அரசு இலக்கு நிர்ணயித்துள்ள நிலையில், இதுவரை எவ்வளவு முன்னேற்றம் ஏற்பட்டுள்ளது. 1 கோடி இலக்கு சொன்ன ஒன்றிய அரசு…26 லட்சத்தில் நின்றது ஏன்?

சூர்யா கர் திட்டம் தோல்வியா?

சோலார் திட்டத்தில் ஒன்றிய அரசு ஏன் பின்னடைவு? மாநில வாரியான விவரங்களையும் தர வே ண்டும் என வலியுறுத்தியுள்ளார்.

மேலும், பொருளாதார ரீதியாக பலவீனமான பிரிவினருக்கு அதிக முன் செலவு சுமை இருப்பதாக பொதுமக்கள் தெரிவிக்கும் குறைகளை அரசு தீர்த்துள்ளதா என்றும், அந்தப் பிரி வினருக்கு உதவும் வகையில் உருவாக்கப்பட்ட Utility Led Aggregation (ULA) முறைமையின் தற்போதைய நிலை என்ன ?

அதேபோல், நெட் மீட்டரிங் விண்ணப்பங்களுக்கு விநியோக நிறுவனங்கள் எவ்வளவு காலத்தில் அனுமதி வழங்குகின்றன, மத்திய மானியம் பயனாளிகளின் வங்கி கணக்கில் சேர எவ்வளவு நேரம் எடுக்கப்படுகிறது. இதற்குட்பட்டதாக, தேசிய பசுமை ஹைட்ரஜன் மிஷன் கீழ் கந்த்லா, பரதீப் மற்றும் தூத்துக்குடி பகுதிகளில் அமைக்கப்படும் மையங்களின் முன்னேற்ற நிலை மற்றும் பசுமை அமோனியா வழங்கும் ஒப்பந்தங்களின் மொத்த அளவு குறித்தும் கேள்வி எழுப்பி உள்ளார்.

இந்நிலையில், நிர்ணயிக்கப்பட்ட இலக்கை எட்டுவதில் தாமதம் ஏற்படுகிறதா என்ற கேள்வி எழுந்துள்ளதால், திட்டத்தின் நடைமுறைப்படுத்தலில் ஒன்றிய அரசு தெளிவான விளக்கம் அளிக்கவேண்டும் என்று கோரிக்கை விடுத்துள்ளார்.

இதற்கு பதிலளித்த புதிய மற்றும் புதுப்பி க்கத்தக்க ஆற்றல் மற்றும் மின்சாரத் துறை அமைச்சர் ஷ்ரிபாத் யெஸ்ஸோ நாயக், 2024 பிப்ரவரியில் தொடங்கப்பட்ட இந்த திட்டத்தின் மூலம்19.03.2026 நிலவரப்படி 32,38,992 வீடுகள் பயன்பெற்றுள்ளதாக தெரிவித்தார். மாநில வாரியான விவரங்கள் இணைப்பில் வழங்கப்பட்டுள்ளன.

பொருளாதார ரீதியாக பலவீனமான பிரிவினருக்கு அதிக முன் செலவு சுமை இருப்பதாக எழுந்த குற்றச்சாட்டுகளுக்கு பதிலளிக்கையில், அடமானமின்றி கடன் வழங்கும் வசதி அறிமுகப்படுத்தப்பட்டுள்ளதாக அமைச்சர் விளக்கம் அளித்தார். தற்போது 5.75% வட்டி விகிதத்தில் 10 ஆண்டுகள் காலத்திற்கு கடன் வழங்கப்படுவதாகவும் தெரிவித்தார்.

மேலும் RESCO மற்றும் Utility-Led Aggregation (ULA) முறைமைகள் கொண்டு வரப்பட்டுள்ளதாகவும், 10 மாநிலங்கள் மற்றும் யூனியன் பிரதேசங்களில் 12.58 லட்சம் சோலார் அமைப்புகள் நிறுவ அனுமதி வழங்கப்பட்டுள்ளது.

நெட் மீட்டரிங் அனுமதி செயல்முறைஎளிமைப்படுத்தப்பட்டுள்ளதாகவும், தொழில்நுட்ப சாத்தியக்கூறு தேவையை நீக்கி யுள்ளதாகவும் அமைச்சர் தெரிவித்தார். தேசிய போர்டல் மூலம் முழு செயல்முறை ஆன்லைனில் நடைபெறுவதுடன், சரியான தகவல்கள் அளிக்கப்பட்டால் சுமார் 15 நாட்களில் மத்திய மானியம் பயனாளியின்வங்கி கணக்கில் செலுத்தப்படுகிறது.

தேசிய பசுமை ஹைட்ரஜன் மிஷன் கீழ் கந்த்லா, பரதீப் மற்றும் தூத்துக்குடி துறைமுகங்கள் பசுமை ஹைட்ரஜன் மையங்களாக அறிவிக்கப்பட்டுள்ளன. மேலும் ஆண்டுக்கு 7,24,000 மெட்ரிக் டன் அளவில் பசுமை அமோனியா உற்பத்தி மற்றும் வழங்குவதற்கான ஒப்பந்தங்கள் நாடு முழுவதும் உள்ள 13 உர ஆலைகளுக்கு வழங்கப்பட்டுள்ளன என்று அமைச்சர் தெரிவித்தார்.