புது­டெல்லி, மார்ச் 29–-

தென் சென்னை மக்­க­ளவை தொகுதி உறுப்­பி­னர் தமி­ழச்சி தங்­க­பாண்­டி­யன், மக்­க­ள­வை­யில் துறை ­மு­கங்­கள், கப்­பல் போக்­கு­வ­ரத்து மற்­றும் நீர்­வ­ழி­கள் அமைச்­ச­கத்­தி­டம் தூத்­துக்­குடி வ.உ. சிதம்­ப­ர­னார் துறை­மு­கத்­தில் அமைக்­கப்­ப­ட­வுள்ள வெளித் துறை­மு­கம் மற்­றும் மெகா கண்­டெய்­னர் டெர்­மி­னல் திட்­டம் குறித்து பல்­வேறு கேள்­வி­களை முன்­வைத்­தார்.

அதா­வது, பிரேக் வாட்­டர், ட்ரெட்­ஜிங், நிலம் நிரப்­பு­தல் உள்­ளிட்ட பணி­களை உள்­ள­டக்­கிய இந்த திட்­டம் தனி­யார் நிறு­வ­னங்­க­ளின் தோல்­வி­யுற்ற டெண்­டர்­க­ளால் தாம­த­ம­டைந்­ததா? திட்­டத்­தின் தற்­போ­தைய நிலை மற்­றும் காலக்­கெடு என்ன? சுமார் ரூ.9,860 கோடி மதிப்­பீட்­டில் இருந்த திட்­டம் தற்­போது PPP–HAM (Hybrid Annuity Model) முறை­யில் செயல்­ப­டுத்த முன்­மொ­ழி­யப்பட்­டுள்­ளதா?

மேலும், இந்த தாம­தம் தமிழ்­நாட்­டின் ஏற்­று­மதி மற்­றும் இடை­நி­லைக் கடத்­தல் (transshipment)திறனை பாதித்­ததா? திட்­டத்தை காலக்­கெ­டு­வில் நிறைவு செய்ய எடுக்­கப்­பட்­டுள்ள நட­ வ­டிக்­கை­கள் என்ன? ஆகிய கேள்­வி­களை எழுப்­பி­னார்.

இதற்கு மத்­திய துறை­ மு­கங்­கள், கப்­பல் போக்­கு­வ­ரத்து மற்­றும் நீர்­வ­ழி­கள் அமைச்­சர் சர்­பா­னந்த சோனோ­வால் எழுத்­துப்­பூர்­வ­மாக பதில் அளித்­தார். அந்த பதி­லில்:-

துறை­மு­கம் மற்­றும் மெகா கண்­டெய்­னர் டெர்­மி­னல் திட்­டத்­திற்கு வெளி­யி­டப்­பட்ட ஆரம்ப டெண்­டர்­கள், தகு­திச்­சான்று நிபந்­த­னை­களை நிறு­வ­னங்­கள் பூர்த்தி செய்­யா­த­தால் ரத்து செய்­யப்­பட்­டன. பின்­னர் மீண்­டும் டெண்­டர் அழைக்­கப்­பட்­ட­போ­தும் உரிய பதில் கிடைக்­க­வில்லை.

இதை­ய­டுத்து, திட்ட நிபந்­த­னை­கள் மறு­சீ­ர­மைக்­கப்­பட்டு, சந்தை தொடர்பு நட­வ­டிக்­கை­கள் மேற்­கொள்­ளப்­பட்டு, திட்­டத்­தின் நடை­முறை சாத்­தி­யம் மேம்­ப­டுத்­தப்­பட்­டுள்­ளது. தற்­போது திட்­டச் செலவு சுமார் ரூ.14,690.76 கோடி­யாக திருத்­தப்­பட்டு, PPP–Hybrid Annuity Model (HAM) முறை­யில் செயல்­ப­டுத்த முன்­மொ­ழி­யப் பட்­டுள்­ளது. இது பொரு­ளா­தார விவ­கா­ரத் துறை­யின் வழி­காட்­டு­ த­லின்­படி மதிப்­பாய்வு அதி­கா­ரிக்கு சமர்ப்­பிக்­கப்­பட்டு, புதிய டெண்­டர் வெளி­யி­டப்­பட்­டுள்­ளது.

டெண்­ட­ருக்கு உரிய பதில் கிடைப்­ப­தை­யும், ஏல செயல்­முறை வெற்­றி­க­ர­மாக நிறைவு பெறு­வ­தை­யும் பொருத்தே திட்­டத்­தின் செயல்­பா­டு­க­ளில் முன்­னேற்­றம் அமை­யும் என தெரி­விக்­கப்­பட்­டுள்­ளது.

2024 – -25ஆம் ஆண்­டில் வ.உ.சி. துறை­மு­கம் 41.72 மில்­லி­யன் டன் சரக்­கு­களை கையாண்­டுள்­ளது. கடந்த ஐந்து ஆண்­டு­க­ளில் ஆண்­டுக்கு சுமார் 5% வளர்ச்சி பதி­வா­கி­யுள்­ளது. தற்­போ­தைய சரக்கு கையா­ளும் திறன் போது­மா­ன­தாக உள்­ள­து­டன், எதிர்­கால கண்­டெய்­னர் கையா­ளும் தேவை­களை இந்த துறை­முக திட்­டம் பூர்த்தி செய்­யும் என­வும் மத்­திய அரசு பதி­லில் தெரி­வித்­துள்­ளது.