புதுடெல்லி,மார்ச் 29–
இந்தியா அமெரிக்கா வர்த்தக ஒப்பந்தத்தின் விளைவால் ஏற்றுமதியில் ஏற்படும் பாதிப்புகளுக்கு ஒன்றிய அரசு மேற்கொண்ட நடவடிக்கை என்ன? என்றும் இந்தியாவின் இறையாண்மைக்கு எதிரான அமெரிக்க அதிபரின் கருத்துக்கு ஒன்றிய அரசின் எதிர்ப்பு நடவடிக்கை என்ன? என்றும் இந்திய வெளியுறவுத்துறை அமைச்சர் திரு எஸ்.ஜெய்சங்கருக்கு கழக நாடாளுமன்ற குழுத் துணைத் தலைவரும் கழக விளையாட்டு மேம்பாட்டு அணிச் செயலாளருமான தயாநிதி மாறன் எம்.பி. கேள்விகள் எழுப்பியுள்ளார்.
அதன் விவரங்கள்
பின்வருமாறு:
“இந்தியா வரிகளைச் செலுத்தும், ஆனால் அமெரிக்கா செலுத்தாது” என்று அமெரிக்க அதிபர் வெளிப்படையாக அறிவித்ததை ஒன்றிய அரசு கவனத்தில் எடுத்துக்கொண்டதா? இது இந்தியாவின் உண்மையான பேச்சுவார்த்தை நிலைப்
பா ட்டைப் பிரதி பலித்தால் அது குறித்த விவரங்கள் என்ன?
கடந்த பிப்ரவரி 2ஆம் தேதி கையெழுத்திடப்பட்ட இந்தியா – அமெரிக்கா வர்த்தக ஒப்பந்தத்தின் முழுமையான உரை மற்றும் வரி பட்டியலின் (tariff schedule) விவரங்கள் என்ன? இதனால் ஏற்பட்ட துறைசார்ந்த தாக்கம் மற்றும் இந்தியா பெற்ற பரஸ்பர சலுகைகள் என்ன?
பரஸ்பர வரிகளுக்கு எதிராக அமெரிக்க உச்ச நீதிமன்றம் தீர்ப்பு வழங்கிய பிறகு ‘பிரிவு 122’ இன் கீழ் மாற்று வரிகள் விதிக்கப்பட்ட சூழலில், இந்திய ஏற்றுமதிகளை சட்ட ரீதியாக பாதுகாக்க எடுக்கப்பட்டுள்ள நடவடிக்கைகள் என்ன?
இந்தியாவின் இறையாண்மைக்கு எதிராக, எண்ணெய் கொள்முதல் மற்றும் நாட்டின் பாதுகாப்பு விவ காரங்களுடன் வரிகளை இணைத்து அமெரிக்கா கூறியதற்கு, இந்தியா முறையாக எதிர்ப்பு தெரிவித்ததா? இந்தியா – பாகிஸ்தான் பிரச்சனையில் தலையீடு செய்வதாக கூறியதற்கும் எதிர்ப்பு தெரிவித்ததா?
அமெரிக்கா மீண்டும் ஒருதலைப்பட்சமாக வரி விதிப்பு வழிமுறைகளை மாற்றியமைக்க நேரிட்டால் இந்திய ஏற்றுமதியாளர்களையும் இந்தியாவின் தற்சார்பையும் பாதுகாக்க ஒன்றிய அரசிடம் திட்டம் உள்ளதா?
இவ்வாறு அவர் தெரிவித்துள்ளார்.