#Title

கர்நாடக மாநிலத்தில் இந்தி கட்டாயம் இல்லை! கர்நாடக அரசு 10-ம் வகுப்பு பொதுத்தேர்வில் அதிரடி மாற்றம்!

பெங்களுரூ, மார்ச் 29–

கர்நாடகாவில் கல்வித் துறையில் மிக முக்கிய மாற்றமாக, 10-ஆம் வகுப்பு பொதுத்தேர்வில் இந்தி பாடத்தைக் கட்டாயப் பாடத்திலிருந்து நீக்கி அம்மாநில அரசு அதிரடி உத்தரவு பிறப்பித்துள்ளது.

தமிழ்நாட்டை போலவே கர்நாடகாவிலும் கன்னடம் மற்றும் ஆங்கிலம் ஆகிய இருமொழிக் கொள்கையை அமல்படுத்த வேண்டும் என நீண்ட காலமாக மொழிப்போர் ஆர்வலர்கள் வலியுறுத்தி வந்தனர். இந்த நிலையில், கர்நாடகாவில் கல்வித் துறையில் மிக முக்கிய மாற்றமாக, 10-ஆம் வகுப்பு பொதுத்தேர்வில் இந்தி பாடத்தைக் கட்டாயப் பாடத்திலிருந்து நீக்கி அம்மாநில அரசு அதிரடி உத்தரவு பிறப்பித்துள்ளது.

கர்நாடகஅரசின் இந்த முடிவின் படி, இந்திபாடத்திற்கு வழங்கப்பட்டு வந்த மதிப்பெண் முறை ரத்து செய்யப்பட்டு, அதற்குப் பதிலாக ‘கிரேடு’ முறைஅறிமுகப்படுத்தப்பட்டுள்ளது. இனி 10-ஆம் வகுப்பு பொதுத்தேர்வின் மொத்த மதிப்பெண்களில் இந்தி பாடத்தின் மதிப்பெண்கள் சேர்த்துக் கொள்ளப்படாது.

இது மாணவர்களின் ஒட்டுமொத்த சதவீதத்தைப்பாதிக்காது என்பதால், இந்தி மொழியைக் கட்டாயமாகப் படிக்க வேண்டிய நெருக்கடி மாணவர்களுக்குக் குறையும். ஏற்கனவே தமிழ்நாடு இருமொழிக் கொள்கையில் உறுதியாக உள்ள நிலையில், தற்போது கர்நாடகாவும் அந்தப் பாதையில் பயணிக்கத் தொடங்கியிருப்பது குறிப்பிடத்தக்கது.