புது­டெல்லி,மார்ச்.29–

பாரா­ளு­மன்­றத்­தில் கேள்வி நேரத்­தின் போது டாக்­டர்.கலா­நிதி வீரா­சாமி அவர்­கள் ஒன்­றிய அரசு நெல் கொள்­மு­தல் செய்­யும்­போது தற்­போது அனு­ம­திக்­கப்­பட்­டுள்ள 17 சத­வி­கித ஈரப்­ப­தத்தை 22 சத­வி­த­மாக உயர்த்த ஒன்­றிய அரசு முன்­வ­ருமா என்று கேள்வி எழுப்­பி­னார்.

அவர் மேலும் பேசி­ய­தா­வது :

இந்­தி­யா­வில் 80 சத­வி­கித விவ­சா­யி­கள் ஒரு ஹெக்­டேர் நிலத்­துக்­கும் குறை­வா­கப் பெற்­றுள்ள சிறு விவ­சா­யி­க­ளாக உள்­ள­னர், பருவ காலங்­க­ளில் பெய்­யும் மழை­யைச் சார்ந்த அவர்­க­ளது வாழ்க்கை அமைந்­துள்­ளது. இயற்கை இடர்­பா­டு­க­ளில் இருந்து தங்­கள் பயி­ரைக் காக்க, கட­வுளை வேண்­டிக் கொள்­கின்­ற­னர். விவ­சா­யி­க­ளின் நிலை­மையை யாரும் அறிந்து கொள்­வ­தில்லை, நாட்­டில் விவ­சா­யி­கள் பெரும் எண்­ணிக்­கை­யில் தற்­கொலை செய்து கொள்­கி­றார்­கள், அவர்­க­ளி­டம் நான் நெருங்­கிப் பழகி, அவர்­கள் நிலையை அறிந்து கொள்ள முற்­பட்­ட­போது, எனக்கு அதிர்ச்­சி­யான தக­வல் கிடைத்­தது. வானம் பொய்த்து, மழை இல்­லாத காலங்­க­ளில் விவ­சா­யம் பாதிக்­கப்­ப­டும்­போது, விவ­சா­யி­கள் வசிக்­கும் ஊர்­க­ளில், திரு­ம­ணம் அல்­லது விழாக்­கள் நடை­பெ­றும்­போது, அத்­தி­ரு­ம­ணங்­க­ளில் கலந்து கொண்டு ‘மொய் ‘வழங்க வேண்­டும் என்­கின்ற நிலை ஏற்­ப­டும் போது, மொய் பணம் திரட்ட முடி­யாத சில விவ­சா­யி­கள் தற்­கொலை செய்து கொள்­கின்­ற­னர். தமி­ழ­கத்­தில் மொய் என்று சொல்­லப்­ப­டு­வது, வட இந்­தி­யா­வில் பிந்தி என்று சொல்­கி­றார்­கள் ஆக, நாடு முழு­வ­தும், இந்த நிலை பர­வ­லா­கக் காணப்­ப­டு­கி­றது. இது போன்ற விவ­சா­யி­ க­ளின் துயர் துடைக்க , எங்­கள் தமிழ்­நாட்­டின் முத­ல­மைச்­சர் மு.க. ஸ்டாலின் அவர்­கள் அரசு நெல் கொள்­மு­தல் செய்­யும்­போது, அதன் ஈரப்­பத அளவை 17 சத­வி­கி­தத்­தில் இருந்து 22 சத­வி­கி­த­மாக உயர்த்த வேண்­டும் என்று ஒன்­றிய அர­சைக் கேட்­டுக்­கொண்­டார்.

முத­லில் இதற்கு ஒப்­பு­தல் தரு­வ­தாக சொன்ன ஒன்­றிய அரசு பின்­னர் தன்­னு­டைய நிலையை மாற்­றிக் கொண்டு ஈரப்­பத அளவை 22 சத­வி­கி­த­மாக உயர்த்­து­வ­தற்கு மறந்து விட்­டது. நாங்­கள் தங்­க­ளி­ட­மி­ருந்து தமிழ்­நாட்­டுக்­காக எந்த கொடை­யை­யும் கேட்­க­வில்லை இந்­தியா முழு­வ­தும் உள்ள விவ­சா­யி­க­ளின் நலத்­துக்­காக , நெல்­லின் ஈரப்­பத அளவை உயர்த்த வேண்­டும் என்று கோரிக்கை வைக்­கி­றோம். எங்­கள் தமிழ்­நாட்­டின் முன்­னாள் முத­ல­மைச்­சர் முத்­த­மி­ழ­றி­ஞர் கலை­ஞர் அவர்­கள், அவ­ரது ஆட்­சிக் காலத்­தில் ரூ. 4000 கோடி அள­வில் விவ­சா­யி­க­ளின் கடனை ரத்து செய்­தார் என்­ப­தை­யும் தெரி­வித்­துக் கொள்­கி­றேன்.

மேலும், மாண்­பு­மிகு அமைச்­சர் அவர்­கள், தனது பதி­லு­ரை­யில், ஒன்­றிய அரசு கடந்த 2023-24 பட்­ஜெட்­டில், விவ­சா­ய த்­திற்­காக ரூ.13,625 கோடி ஒதுக்­கப்­பட்­ட­தா­க­வும், பின்­னர் திருத்­திய மதிப்­பீட்­டில் அது ரூ.15,000 கோடி­யாக உயர்த்­தப்­பட்­ட­தா­க­வும் தெரி­வித்­துள்­ளார். ஆனால், உண்­மை­யில் அந்த ஆண்டு, ரூ. 12,948.5 கோடி தான் செல­வி­டப்­பட்­ட­தாக ஒன்­றிய அர­சின் நிதித்­துறை தெரி­வித்­துள்­ளது. இது, அரசு ஒதுக்­கீடு செய்­தி­ருந்த தொகையை விட குறை­வா­னது என்­பதை மாண்­பு­மிகு அமைச்­சர் அவர்­க­ளுக்­குச் சுட்­டிக் காட்ட விரும்­பு ­கின்­றேன்.

அடுத்­த­தாக, விவ­சா­யி­க­ளுக்­குப் பயிர்­காப்­பீடு (இன்ஸ்­யூ­ரன்ஸ்) வழங்க அரசு நட­வ­டிக்கை எடுத்து வரு­கின்­றது என்று அமைச்­சர்அவர்­கள் கூறி­னார். ஆனால், நிதி அறிக்­கை­யில், அரசு இன்ஸ்­யூ­ரன்­ஸிற்­காக ஒதுக்­கி­யுள்ள நிதி முழு­மை­யாக செல­வி­டப்­ப­ட­வில்லை. ஏனெ­னில் நீங்­கள் விவ­சா­யி­க­ளின் மனுக்­களை, ஒரு இன்ஸ்­யூ­ரன்ஸ் கம்­பெனி ஆய்வு செய்­வது போல ஆய்ந்து, விவ­சா­யி­ க­ளின் மனுக்­க­ளில் உள்ள குறை­பா­டு­க­ளைக் கணக்­கிட்டு, இன்ஸ்­யூ­ரன்ஸ் தொகையைகுறைப்­பது அல்­லது கொடுக்க மறுப்­ப­தால், அந்த நிதி முழு­மை­யாக விவ­சா­யி­க­ளைச் சென்று சேர்­வ­தில்லை. இப்­படி, செய்­தீர்­க­ளா­னால் விவ­சா­யி­க­ளின் தற்­கொலை எண்­ணிக்­கையை குறைக்க முடி­யுமா என்­பதை எண்­ணிப் பாருங்­கள். விவ­சா­யி­ கள் இன்ஸ்­யூ­ரன்ஸ் கோரிக்கை 21 நாட்­க­ளில் முடித்து வைக்­கப்­ப­டு­கி­றது என்று அமைச்­சர் கூறு­கின்­ற­னர். ஆனால், நிதி­யாண்டு முடிந்த பின்­பும், பல­ரது கோரிக்­கை­கள் நிலு­வை­யில் உள்­ளன என்று அரசு கூறும் தக­வல்­க­ளில் இருந்து தெரி­கின்­றது.

இவ்­வாறு டாக்­டர் கலா­நிதி வீரா­சாமி எம்.பி உரை­யாற்­றி­னார்.