திண்டுக்கல், மார்ச் 30–
வருகின்ற சட்டமன்ற தேர்தலில் திமுக தலைமையிலான கூட்டணிக்கு ஒருமித்த ஆதரவு வழங்க ஐக்கிய முஸ்லிம் முன்னேற்றக் கழகத்தின் திண்டுக்கல்லில் நடைபெற்ற செயற்குழு கூட்டத்தில் முடிவு செய்யப்
பட்டது.
ஐக்கிய முஸ்லிம் முன்னேற்றக் கழகத்தின் தலைமை செயற்குழு கழகத்தின் தலைவராகிய ஹைதர் அலி தலைமையில் திண்டுக்கல் நகர் பேகம்பூரில் உள்ள மதினா பேலஸ் மண்டபத்தில் தலைமை செயற்குழு கூட்டம் நடைபெற்றது. இதில் மாநில பொதுச்செயலாளர் திருப்பூர் ஹாலிதீன், மாநில துணைத்தலைவர் முசாகிதீன், மாநில துணைப் பொதுச் செயலாளர் மஞ்சக்குடி பாபு, மாநிலச் செயலாளர்கள் அதிரை அகமது ஹாஜா, திண்டுக்கல் ஜமால் முகமது, மதுரை சிக்கந்தர், அப்துல் ஹாலிக், காஞ்சி ஹைதர் அலி, புழல் பசீர், பொறியாளர் பக்ருதீன் ஆகியோர் முன்னிலையில் வகித்தனர். இதில் கீழ்கண்ட தீர்மானங்கள் நிறை வேற்றப்பட்டன.
திமுக தலைமையிலான கூட்டணிக்கு ஆதரவு
சமூகநீதி மண்ணான தமிழ்நாட்டில் நிலவி வரும் சமூக மற்றும் சமய நல்லிணக்கத்திற்கு ஊறு ஏற்படாமல் பாதுகாத்திடவும், பிரிவினைவாதிகளுக்கு உரிய பாடம் புகட்டிடும் வகையில், நடைபெற இருக்கின்ற 2026 தமிழ்நாடு சட்டமன்ற தேர்தலில், மதசார்பற்ற கூட்டணியான திமுக தலைமையில் அமைக்கப்பட்டுள்ள அணிக்கு ஐக்கிய முஸ்லிம் முன்னேற்றக் கழகம் தனது முழுமையான ஆதரவைத் தருவது என்று இக்கூட்டம் ஏகமனதாக முடிவு
செய்கிறது.
மக்களிடையே மதங்களால் பிரிவினையை ஏற்படுத்தித் தமிழ்நாட்டிலும், வடமாநிலங்கள் போன்று சமூக நல்லிணக்கத்தை சிதைத்துவிட வேண்டும் எனும் தீய எண்ணத்துடன் செயல்படும் பாசிசக் கூட்டம் பல்வேறு வடிவங்களில் தமிழக அரசியல் களத்தில் வலம் வருகின்றனர். இந்தியாவிற்கே வழிகாட்டும் வகையில் இதுவரை வாக்களித்து வந்த தமிழ்நாட்டு மக்களாகிய நாம் அனைவரும், இந்த முறையும் அதீத விழிப்புணர்வுடன் வாக்களித்து பிரிவினைவாதிகளையும், அவர்களுக்குத் துணை நிற்பவர்கள் எந்த வடிவத்தில் வந்தாலும், இந்த மண்ணை விட்டு வேரோடும், வேரடி மண்ணோடும் விரட்டி யடிக்கும் வகையில் வாக்களிக்க வேண்டும் என ஐக்கிய முஸ்லிம் முன்னேற்றக் கழகம் அனைவரையும் கோரு
கிறது.
சென்னை,மார்ச்30–
சென்னை கிழக்கு மாவட்டம் கொளத்தூர், துறைமுகம், எழும்பூர் சட்டமன்ற தொகுதிக்குட்பட்ட பகுதி கழக செயலாளர்கள் வட்டக் கழக செயலாளர்கள் ஆலோசனைக் கூட்டத்தில் இந்து சமய அறநிலையத்துறை அமைச்சர் சென்னை கிழக்கு மாவட்ட கழக செயலாளர் பி.கே.சேகர்பாபு ஆலோசனை வழங்கினார். இக்கூட்டத்தில் தொகுதி பார்வையாளர்கள் இரா.விடுதலை, இரா.நரேந்திரன், பி.எம்.யாழினி, பகுதிக் கழக செயலாளர்கள் ஐ.சி.எப். வ.முரளிதரன், எ.நாகராஜன், எஸ்.ராஜசேகர், எஸ்.முரளி, சொ.வேலு எம்.சி., வி.சு தாகர் மற்றும் மாமன்ற உறுப்பினர்கள் வட்டக் கழகச் செயலாளர்கள் கலந்து கொண்டு சிறப்பித்தனர்.