சென்னை, மார்ச் 30 –

தேர்­தல் நடத்தை விதி­ மு­றை­கள் அம­லுக்கு வந்த பிறகு, அர­சி­யல் கட்­சி­க­ளின் கூட்­டத்­திற்கு தேர்­தல் ஆணை­யம் தான் அனு­மதி அளிக்­கும் என்­ப­தால், பெரம்­பூ­ரில் விஜய்­யின் தேர்­தல் பிரச்­சா­ரத்­திற்கு அனு­மதி மறுக்­கப்­பட்­ட­தற்­கும், அர­சிற்­கும் எந்த சம்­பந்­த­மும் இல்லை என அமைச்­சர் மா. சுப்­பி­ர­ம­ணி­யன் தெரி­வித்­துள்­ளார்.

சென்னை சைதாப்­பேட்டை பஜார் சாலை­யில் உள்ள சென்னை தெற்கு மாவட்ட தி.மு.க. அலு­வ­ல­கத்­தில், அ.தி.மு.க.வை சேர்ந்­த­வர்­கள் தி.மு.க.வில் இணை­யும் நிகழ்ச்சி நடை­பெற்­றது.சோழிங்­க­நல்­லூர் தொகுதியைசேர்ந்த அ.தி.­மு.க. இளை­ஞ­ரணி நிர்­வா­கி­கள் 300 பேர் சென்னை தெற்கு மாவட்­டச் செய­லா­ள­ரும், அமைச்­ச­ரு­மான மா.சுப்­பி­ர­ம­ணி­யன் முன்­னி­லை­யில் தங்­களை தி.மு.க.வில் இணைத்­துக் கொண்­ட­னர்.

இந்­நி­கழ்ச்­சி­யில், சோழிங்­க­ நல்­லூர் சட்­ட­மன்ற உறுப்­பி­னர் அர­விந்த் ரமேஷ், பகுதி செய­லா­ளர்­கள் ரவிச்­சந்­தி­ரன், மதி­ய­ழ­கன், வட்­டச் செய­லா­ளர் ஏகாம்­ப­ரம், அவைத் தலை­வர் குண­சே­க­ரன் உள்­ளிட்ட நிர்­வா­கி­கள் உட­னி­ருந்­த­னர்.

பின்­னர் செய்­தி­யா­ளர்­களை சந்­தித்த அமைச்­சர் மா. சுப்­பி­ர­ம­ணி­யன், பெரம்­பூ­ரில் விஜய் கூட்­டத்­திற்கு அனு­மதி மறுக்­கப்­பட்­ட­தற்­கும், அர­சுக்­கும் எந்­த­வித சம்­பந்­த­மும் இல்லை என்­றும், அர­சி­யல் கட்­சி­க­ளின் நிகழ்ச்­சி­க­ளுக்கு ஆன்­லை­னில் விண்­ணப்­பித்­தால் தேர்­தல் ஆணை­யம் அனு­மதி வழங்கி வரு­வ­தா­க­வும் விளக்­க­ம­ளித்­தார்.