தருமபுரி, மார்ச். 30–
ஊட்டச்சத்து உணர்திறன் வேளாண்மையை ஊக்குவிக்கும் வகையில் சிறு தானியங்கள்,பருப்பு வகைகள்,பழங்கள் மற்றும் காய்கறிகள் கிடைக்கும் தன்மை,அணுகல் மற்றும் அதன் நுகர்வை மேம்படுத்தும் நோக்கில் ஒன்றிய அரசு ஏதேனும் வழிமுறைகளையோ அல்லது கொள்கைகளையோ வகுத்துள்ளதா?
மழையையே வேளாண்மைக்கு பெரிதும் நம்பியுள்ள தமிழ்நாட்டில் குறிப்பாக தருமபுரி மாவட்டத்தில் இது போன்ற ஏதேனும் திட்டங்களை ஒன்றிய அரசு செயல்படுத்தி உள்ளதா?
ஊட்டச்சத்து நிறைந்த பயிர்கள்,சமையலறை தோட்டம்,உயிர்ச்சத்து செறிவூட்டப்பட்ட இரகங்கள்,மற்றும் ஒருங்கிணைந்த பண்ணை முறை ஆகியவற்றை தருமபுரி மாவட்டத்தில் மேம்படுத்த ஒன்றிய அரசு எடுத்துள்ள நடவடிக்கைகள் மற்றும் அதன் விவரங்கள் என்ன?
தருமபுரி மாவட்டம் முழுவதும் பெண்கள்,குழந்தைகளின் ஊட்டச்சத்து,பொது சுகாதாரம் குறித்த திட்டங்கள் சரிவர சென்றடைந்துள்ளதா என்பதை ஒன்றிய அரசு உறுதிப்படுத்தியுள்ளதா?
தருமபுரி மாவட்டத்தில் உள்ள சிறு,குறு விவசாயிகளிடயே ஊட்டச்சத்து உணர்திறன் வேளாண்மையை ஊக்குவித்து,விழிப்புணர்வை மேம்படுத்தி,திறன் மேம்பாடு மற்றும் சந்தை ஆதரவிற்கு ஒன்றிய அரசு எடுத்துள்ள நடவடிக்கைகள் என்ன? என்று மக்களவையில் வேளாண்மை மற்றும் விவசாயிகள் நலத்துறை இணைஅமைச்சர் பகீரத் சௌத்ரியிடம் தருமபுரி நாடாளுமன்ற உறுப்பினர் வழக்கறிஞர்.ஆ.மணி கேள்வி எழுப்பி உள்ளார்.