சென்னை, மார்ச் 30–

தமிழ்நாட்டில் சட்ட மன்றத் தேர்தல் ஏப்ரல் 23ஆம் தேதி நடை பெறுகிறது. இதற்கான வேட்பு மனுத்தாக்கல் இன்று தொடங்கிறது.

234 தொகுதிகளை கொண்ட தமிழக சட்டபேரவைக்கான தேர்தல் ஏப்ரல் 23-ந் தேதி அன்று ஒரே கட்டமாக நடைபெறுகிறது.

வாக்கு எண்ணிக்கை மே 4-ம் தேதி நடைபெறுகிறது. தேர்தலை முன்னிட்டு தி.மு.க. உள்ளிட்ட அனைத்துக் கட்சிகளும், தொகுதி பங்கீடு, வேட்பாளர் தேர்வு, தேர் தல் அறிக்கை வெளியீடு உள்ளிட்ட தீவிர அரசியல் பணிகளில் ஈடுபட்டு வருகின்றன. தேர்தலை முன்னிட்டு தேர்தல் நடத்தை விதிகள் ஏற்கனவே அமலில் உள்ளன.

இந்நிலையில் தமிழக சட்டசபை தேர்தலுக்கான வேட்பு மனு தாக்கல் இன்று 30.03.2026 – திங்கட்கிழமை காலை 11 மணிக்கு தொடங்கி ஏப்ரல் 6-ந்தேதி (திங்கட் கிழமை) வரை நடக்கிறது.

8 நாட்கள் அறிவிக்கப்பட்டாலும், 4 நாட்கள் மட்டுமே வேட்பு மனுக் களை தாக்கல் செய்ய முடியும்.

குறிப்பாக, வருகிற 31-ந்தேதி (செவ்வாய்க் கிழமை) மகாவீர் ஜெயந்தி,

ஏப்ரல் 1-ந்தேதி வங்கி முழு வருட கணக்கு முடிவு, 3-ந்தேதி புனித வெள்ளி, 5-ந்தேதி ஞாயிற்றுக் கிழமை ஆகிய 4 நாட்கள் விடு முறை நாட்களாக அமைந்துள்ளது. எனவே அன்றைய நாட்களில் வேட்பு மனு தாக்கல் செய்ய இயலாது.

இன்று 30-ந்தேதி (திங்கட்கிழமை), 2-ந்தேதி, 4-ந்தேதி மற்றும் 6-ந்தேதிஆகிய 4 நாட் களில் மட்டுமே குறிப்பிட்ட நேரத் திற்குள் சம்பந்தப்பட்ட தேர்தல் நடத்தும் அலுவலரிடம் மனுக் களைச் சமர்ப்பிக்க வேண்டும். வேட்பாளர்கள் https://suvidha.cci.gov.in என்ற இணையதளம் மூலமாக வேட்புமனு தாக்கல் செய்ய தேர்தல் ஆணையம் அனுமதி அளித்துள்ளது என்பதும் குறிப்பிடத்தக்கது.