பரோடா, மார்ச் 31–
பா.ஜ.க. ஆளும் குஜராத் மாநிலத்தில் பட்டியலினத்தவர் மற்றும் பழங்குடியினர் மீதான கொடுமைகள் தீவிரமாகி யிருப்பதாக மக்களவை எதிர்க்கட்சித் தலைவர் ராகுல் காந்தி குற்றம்
சாட்டியுள்ளார்.
குஜராத் மாநிலத்தைச் சேர்ந்த தலித்துகள் மற்றும் பழங்குடியினரைச் சந்தித்துப் பேசிய ராகுல் காந்தி, இது குறித்து சமூக வலைதளப் பதிவொன்றை வெளியிட்டுள்ளார்.
2016-ஆம் ஆண்டில் உன்னாவில் தலித்துகளுக்கு எதிராக நடந்த சம்பவத்தால் நாடு முழுவதும் பரபரப்பு ஏற்பட்டதாகவும், தலித் இளைஞர்கள் பொதுமக்கள் முன்னிலை யில் ஆடை களையப்பட்டு, கொடூரமாகத் தாக்கப்பட்டதாகவும், அப்போது அவர்களுக்கும், அவர்களின் குடும்பத்தின ருக்கும் தான் ஆதரவு தெரிவித்ததாகவும் ராகுல் குறிப்பிட்டுள்ளார்.
இந்த சம்பவம் நடந்து 10 ஆண்டுகளாகிவிட்டது, எனினும், பாதிக்கப்பட்ட அவர்களுக்கு இன்னமும் நீதி கிடைக்கவில்லை என்பதும், அவர்களின் காயங்களுக்கு மருந்திடப்படவில்லை என்பதும் மிகவும் துரதிருஷ்டவசமானதாகும் என்று அவர் தெரிவித்துள்ளார்.
குஜராத்தை சேர்ந்த தலித்துகளுடனான உரையாடலின்போது, அங்கு நிலைமை மிகவும் அபாயகரமாகி இருப்பது தெரியவந்ததாகவும், தலித் நபர் ஒருவர் கொடூரமாகத் தாக்கப்பட்டதில் 19 இடங்களில் எலும்பு முறிவுஏற்பட்டுள்ளதாகவும், மற்றொருவர் உயிருடன் தீயிட்டு எரித்துக் கொலை செய்யப்பட்டுள்ளதாகவும் இவற்றை வெறும் குற்றச் சம்பவங்களாக மட்டும் பார்க்கக் கூடாது; குஜராத்தில் அச்சம், அநீதி கலந்த சூழல் நிலவுகிறது என்பதையே இது காட்டுகிறது என்றும் ராகுல் காந்திகுறிப்பிட்டு ள்ளார்.
குஜராத்தில் பா.ஜ.க. தலைமையிலான ஆட்சியில் தலித்துகள் மற்றும் பழங்குடியினருக்கு எதிராக வெறுப்பு, பாகுபாடு, கொடுமைகள் மேலும் தீவிரமாகி விட்டதாகவும் தன்னைச் சந்தித்த தலித்துகள் மற்றும் பழங்குடியின குடும்பங்களுக்கு கடந்த காலத்தைப் போல இப்போதும்ஆதரவாக இருப்பதாகவும், அவர்களுக்கு நீதி கிடைக்கும் வரை, அவர்கள் சார்பாக தான் குரல் கொடுப்பேன் என்று ராகுல் காந்தி குறிப்பிட்டு ள்ளார்.