சென்னை, மார்ச் 31–

சமூ­க­நீ­திக்­கான சரித்­திர நாய­கர் முத­ல­மைச்­சர் மு.க.ஸ்டாலின் அவர்­கள் 29.3.2026 அன்று வெளி­யிட்ட தேர்­தல் அறிக்கை – தி.மு.க. கூட்­டணி வெற்­றிக்­காக மட்­டு­மல்ல, நாம், நமக்­கா­கவே தேர்வு செய்­யும் வாழ்­வின் வளர்ச்­சிக்­கா­னது – இது வெறும் தேர்­தல் அறிக்கை அல்ல – மக்­கள் வளர்ச்­சிக்­கான ஆவ­ணம், சாச­னம் என்று திரா­வி­டர் கழ­கத் தலை­வர் கி.வீர­மணி அவர்­கள் பாராட்டி, வர­வேற்று வாழ்த்­தி­யுள்­ளார்.

இது குறித்து திரா­வி­டர் கழ­கத் தலை­வர் கி.வீர­மணி அவர்­க­ளின் அறிக்கை வரு­மாறு:

‘கல்­லெல்­லாம் மாணிக்­கக் கல்­லா­குமா?’ என்று சொல்­வ­துண்டு! அதை­யும் விஞ்­சும் வகை­யில், தேர்­தல் அறிக்­கை­யென்­றால், தி.மு.க.வின் தேர்­தல் அறிக்­கைக்கு நிக­ரா­குமோ என்று சொல்­லும் அள­விற்கு, ஒவ்­வொரு தேர்­தல் அறிக்­கை­யை­யும் விஞ்­சும் அள­வுக்கு, அடுத்த தேர்­தல் அறிக்கை – வெறும் ஆடம்­பர வெற்­றுச் சொற்­கோ­வைக்கு இட­மின்றி, ஆக்­கப்­பூர்­வ­மான அம்­சங்­களை உள்­ள­டக்­க­மா­கக் கொள்ளும் கட­மை­யும், பொறுப்­பும் வாய்ந்­த­வை­க­ளாக ஒளி­வி­டு­வதை நாடு கண்டு வரு­கி­றது!

சம்­பி­ர­தா­ய­மான

தேர்­தல் அறிக்கை அல்ல!

கட்­சி­க­ளின் தேர்­தல் அறிக்கை என்­பது ஏதோ சம்­பி­ர­தா­ய­மா­னது என்­றி­ருந்த நிலைப்­பாட்­டி­லி­ருந்து மாற்றி, மக்­க­ளின் வளர்ச்­சி­யில் கருத்­தைச் செலுத்­தும் ஓர் ஆவ­ணம் என்று கரு­தும் அள­வுக்கு – தேர்­த­லின் கதா­நா­ய­கன் என்று பாராட்­டும் நிலைக்கு ஜன­நா­ய­கத்­தில் தேர்­தல் அறிக்­கையை முக்­கி­யத்­து­வப் படுத்­திய பெருமை தி.மு.க.வுக்கு உண்டு.

எதிர்க்­கட்­சி­க­ளுக்கு

அதிர்ச்சி!

தி.மு.க. தேர்­தல் அறிக்கை எதிர்க்­கட்­சி­க­ளின் எண்­ண­வோட்­டத்­தில் அதிர்ச்சி அலை­களை ஏற்­ப­டுத்­தி­யி­ருக்­கும். அந்த வகை­யில், தேர்­த­லில் வைக்­கப்­பட்ட முதல் அடியே வெற்­றிப் பதா­கை­யாக ஜொலிக்­கச் செய்­து­விட்­டது – 2026 சட்­டப்­பே­ர­வைத் தேர்­த­லில் வாக்­கா­ளர்­க­ளின் முன்­வைக்­கப்­பட்ட தி.மு.க. வின் தேர்­தல் அறிக்கை!

ஒவ்­வொரு தேர்­த­லின்­போ­தும், கடந்த தேர்­தல் அறிக்­கை­யில் கூறப்­பட்ட வாக்­கு­று­தி­க­ளில் இவற்றை எல்­லாம் வெற்­றி­க­ர­மா­கச் செய்து முடித்­தி­ருக்­கி­றோம் என்று மார்­தட்­டிக் கூறும் அறிவு நாண­ய­மும், துணி­வும் தி.மு.க.வுக்கு மட்­டுமே உண்டு!

அந்த சாத­னைத் துணி­வோடு மக்­க­ளைச் சந்­தித்து வரு­கி­றது! இந்­தத் தேர்­தல் அறிக்­கை­யும் – தமிழ்­நாட்­டின் நிலை­களை அலசி ஆராய்ந்த, சலித்­தெ­டுத்து, தேவை­யா­னற்றை மிச்ச சொச்­ச­மின்றி அழ­கு­றப் பட்­டி­ய­லி­டப்­பட்டு உள்­ளது. மக்­க­ளோடு மக்­க­ளா­கப் பழ­கும் ஒரு கட்­சிக்­குத்­தான் மக்­க­ளின் தேவை­க­ளைத் துல்­லி­ய­மா­கப் புரிந்­து­கொள்ள முடி­யும் என்­ப­தற்கு அடை­யா­ள­மான ஆவ­ணம்­தான் முத­ல­மைச்­சர் மு.க.ஸ்டாலின் அவர்­கள் நேற்று (29.3.2026) வெளி ­யிட்ட தேர்­தல் அறிக்கை!

ஊதும் அடுப்பை ஒழித்து எரி­வாயு அடுப்­பைத் தொடங்கி வைத்­த­வர்

முத்­த­மி­ழ­றி­ஞர் முத­ல­மைச்­சர் கலை­ஞர்!

முத்­த­மி­ழ­றி­ஞர் கலை­ஞர் அவர்­கள் முத­ல­மைச்­ச­ராக இருந்த 2006 ஆம் ஆண்டு கால­கட்­டத்­தில், 2006–2007 ஆம் ஆண்டு நிதி­நிலை அறிக்­கை­யில் முத­ல­மைச்­ச­ரால் அறி­விக்­கப்­பட்ட ஒரு திட்­டம் – ‘‘இல­வச எரி­வாயு இணைப்பு மற்­றும் அடுப்பு வழங்­கும் திட்­டம்’’ – அதை விளக்­க­மா­கச் சொல்­ல­வேண்­டும் என்­றால், அடுப்­ப­டி­யில் புகை­யி­னால் அவ­திப்­பட்டு, உடல்­ந­ல­னும் பாதிக்­கப்­பட்ட பெண்­க­ளின் கையி­லி­ருந்த ஊது­கு­ழ­லைப் பறித்து, சிலிண்­ட­ரு­டன் கூடிய இல­வச எரி­வாயு அடுப்பு வழங்­கும் திட்­டத்தை அறி­வித்­த­தோடு நிற்­க­ வில்லை; அறி­வித்த அதே நிதி­யாண்­டி­லேயே 2006 செப்­டம்­பர் 15 – அறி­ஞர் அண்ணா பிறந்த நாளி­லேயே செயல்­ப­டுத்­தி­யும் காட்­டி­னார்.

ஆம், ‘அடுப்­பூ­தும் பெண்­க­ளுக்­குப் படிப்­பெ­தற்கு?’ என்ற பழைய பல்­ல­வியை அடுப்­பில் போட்டு எரித்து, அறி­வி­ய­லின் வாச­னையை பெண்­க­ளி­டத்­தில் கொண்டு சேர்த்­தது தி.மு.க. ஆட்­சியே!

(ஊது­கிற அடுப்பே மறந்து – மீண்­டும் மோடி ஆட்­சி­யில் திரும்­பு­கிற விசித்­தி­ர­மும் கண்­கூடு)

‘‘பெண்­ண­டிமை என்­பது மனித சமூக அழிவு என்­பதை நாம் நினைக்­கா­த­தா­லேயே, வளர்ச்சி பெற­வேண்­டிய மனித சமூ­கம் பகுத்­த­றிவு இருந்­தும், நாள்­தோ­றும் தேய்ந்து கொண்டே வரு­கி­றது’’ என்­றார் பெண்­ணு­ல­கப் புரட்­சி­யா­ளர் தந்தை பெரி­யார் (‘குடி­அ­ரசு’, 16.6.1935).

தந்தை பெரி­யார் கொள்­கைப் பட்­ட­றை­யில் வார்த்­தெ­டுக்­கப்­பட்ட கலை­ஞர் அவர்­கள், அடுக்­க­டுக்­காக பெண்­கள் முன்­னேற்­றத்­திற்­கான திட்­டங்­களை அவர் ஆட்­சிக்­கா­லத்­தில் கொண்டு வந்­தார். அதற்­கா­கத்­தான் ‘‘மக­ளிர் உரிமை ஆட்சி மாண்­பா­ளர்’’ என்ற விருதை அவ­ருக்கு வழங்கி சிறப்­பித்­தது திரா­வி­டர் கழ­கம் (29.4.1990).

அதன் நீட்­சி­யாக, சமூ­க­நீ­திக்­கான ஆட்சி மாண்­பா­ளர் – ‘திரா­விட மாடல்’ ஆட்­சி­யின் நாய­கர் முத­ல­மைச்­சர் மு.க.ஸ்டாலின் அவர்­க­ளின் இந்த ஆட்­சி­யில் (2021–2026) அடுக்­க­டுக்­கான அரிய திட்­டங்­க­ளைப் பெண்­க­ளுக்­கா­கத் திட்­டங்­களை வகுத்து செயல்­ப­டுத்­திக் காட்­டி­னார், காட்­டு­கி­றார்!

மக­ளி­ருக்­கான விடி­யல்’

வாழ்­வின் மலர்ச்சி!

1. விடி­யல் பய­ணத் திட்­டம் 2. புது­மைப் பெண் திட்­டம் 3. கலை­ஞர் மக­ளிர் உரி­மைத் திட்­டம் 4. அர­சுப் பணி­க­ளுக்கு அதி­கா­ரம் அளித்­தி­டும் வகை­யில் வேலை வாய்ப்­பில் 30 விழுக்­காட்­டி­ லி­ருந்து 40 விழுக்­கா­டாக உயர்த்­தப்­பட்­டுள்­ளது.

மகப்­பேறு விடு­மு­றைக் கால அளவு 9 மாதங்­க­ளி­லி­ருந்து 12 மாதங்­க­ளாக உயர்த்­தப்­பட்­டது. பணி­பு­ரி­யும் பெண்­கள் பாது­காப்­பா­கத் தங்­கு­வ­தற்­காக ‘‘தோழி’’ என்ற பெய­ரில் அதி­ந­வீன வச­தி­யு­டன் கூடிய தங்­கும் விடு­தி­கள்.

அண்­மை­யில் பிப்­ர­வரி, மார்ச் மற்­றும் ஏப்­ரல் ஆகிய மூன்று மாதங்­க­ளுக்­கான மக­ளிர் உரி­மைத் தொகை (ரூ.3 x 1000 = ரூ,3000) கோடைக்­கால சிறப்பு நிதி உத­வி­யாக ரூ.2000–மும் சேர்த்து ரூ.5,000 ஒரே தட­வை­யாக குடும்­பத் தலை­வி­க­ளின் வங்­கிக் கணக்­கில் வரவு வைக்­கப்­பட்­டது.

மேலும், நீட்­சி­யாக அடுத்த கட்ட பெண்­கள் மேம்­பாட்­டுக்­காக நேற்று (29.3.2026) முத­ல­மைச்­சர் வெளி­யிட்ட தேர்­தல் அறிக்­கை­யில் அறி­விக்­கப்­பட்ட திட்­டங்­கள் – ‘தொட்­டிலை ஆட்­டுங்கை தொல்­லு­லகை ஆளும் கை’’ என்ற புரட்­சிக்­க­வி­ஞ­ரின் பாடல் வரிக்­கான செய­லாக்­க­மாக ஒளிர்­கி­றது!

இல்­லத்­த­ர­சி­க­ளுக்­கான

ஏற்­ற­மிகு அறி­விப்பு!

‘‘நமது இல்­லங்­க­ளில் அர­சி­க­ளான மக­ளிரை மகிழ்­விக்க முக்­கி­ய­மான வாக்­கு­றுதி. இல்­லத்­த­ர­சி­கள் தங்­கள் வீடு­ க­ளுக்­குத் தேவை­யான வாஷிங் மெஷின், பிரிட்ஜ், மைக்­ரோ­வேவ் அவன், மிக்சி போன்ற வீட்டு உப­யோக பொருட்­க­ளைப் புதி­தாக வாங்க, ஏற்­கெ­னவே உள்ள ஏற்­கெ­னவே பயன்­ப­டுத்தி வரும் பழைய பொருட்­களை மாற்ற ‘இல்­லத்­த­ரசி’ என்ற புதிய திட்­டம் செயல்­ப­டுத்­தப்­ப­டும்.

வரு­மான வரி செலுத்­தாத குடும்­பத்­தி­னர் இல்­லத்­த­ர­சி­கள் அனை­வ­ருக்­கும், அவர்­கள் வசிக்­கும் பகு­தி­யில் அருகே இருக்­கும் கடை­க­ளில் இந்­தப் பொருட்­களை வாங்­கிக் கொள்ள ரூ.8,000 மதிப்­பி­லான கூப்­பன்­கள் வழங்­கப்­ப­டும்.’’

மக­ளிர் உரி­மைத் தொகை

இப்­போது ‘மக­ளிர் உரி­மைத் தொகை’ என்ற பெய­ரில் மாநி­லம் முழுக்க ஒரு கோடியே 31 லட்­சம் பெண்­க­ளுக்கு மாதம் தோறும் 1000 ரூபாய் வழங்­கப்­ப­டு­கி­றது. இது அவர்­க­ளின் வங்­கிக் கணக்­கு­க­ளில் நேர­டி­யாக வரவு வைக்­கப்­ப­டு­கி­றது. இந்த உரி­மைத் தொகை­யா­னது வரும் ஆட்­சிக் காலத்­தில் 2,000 ரூபா­யாக உயர்த்தி வழங்­கப்­ப­டும்.

மாண­வர் உத­வித் தொகை

கல்வி கற்­பதை ஊக்­கு­விக்­கும் வகை­யில் புது­மைப்­பெண், தமிழ்ப் புதல்­வன் திட்­டத்­தி ன்­படி மாதம் தோறும் அர­சுப் பள்­ளி­க­ளில் படிக்­கும் மாண­வர்­கள்- மாண­வி­க­ளுக்கு மாதம் ரூ.1000 வழங்­கப்­ப­டு­கி­றது. இனி ரூ.1500 ஆக உயர்த்தி வழங்­கப்­ப­டும்.

ஆதி­தி­ரா­வி­டர், பழங்­கு­டி­யி­னர், பிற்­ப­டுத்­தப்­பட்­டோர், மிக­வும் பிற்­ப­டுத்­தப்­பட்­டோர் மற்­றும் சீர்­ம­ர­பி­னர் மாண­வர்­க­ளுக்­கான கல்வி உத­வித்­தொகை உயர்த்­தப்­ப­டும் எனத் தெரி­விக்­கப்­பட்­டுள்­ளது. ஆதி­தி­ரா­வி­டர் மற்­றும் பழங்­குடி மாண­வர்­கள் பள்ளி இடை­நி­றுத்­தம் இல்லா நிலை அடைய நட­வ­டிக்­கை­கள் எடுக்­கப்­ப­டும்.

காலை உண­வுத் திட்­டம்

முத­ல­மைச்­ச­ரின் முக்­கி­ய­ மான திட்­டங்­க­ளில் ஒன்­றாக, தி.மு.க. காலை உண­வுத் திட்­டத்­தைக் குறிப்­பிட்டு வரு­கி­றது. (இது இந்­தி­யா­வை­யும் கடந்து, வெளி­நா­டு­க­ளின் கண்­க­ளை­யும் அகல விரித்­துப் பார்க்­கச் செய்­கி­றது). இந்­தக் காலை உண­வுத் திட்­டத்­தின் கீழ் இப்­போது ஒன்­றாம் வகுப்பு முதல் 5 ஆம் வகுப்பு வரை பயி­லும் மாண­வர்­க­ளுக்­குப் பள்­ளி­க­ளி­லேயே காலை உணவு வழங்­கப்­ப­டு­கி­றது. 15 லட்­சம் மாண­வர்­கள் பயன்­பெ­றும் வகை­யில், முத­ல­மைச்­ச­ரின் காலை உண­வுத்­திட்­டம் எட்­டாம் வகுப்பு வரை விரி­வு­ப­டுத்­தப்­ப­டும்.

மாண­வர்­க­ளி­டையே மிகப் பெரிய வர­வேற்பு பெற்ற திட்­ட­மான லேப்–­­டாப் திட்­டம், கடந்­தாண்டு முதல் மீண்­டும் வழங்­கப்­பட்டு வரு­கி­றது. இதற்­கி­டையே அய்ந்து ஆண்­டு­க­ளில் உயர்­கல்வி பயி­லும் 35 லட்­சம் மாண­வர்­க­ளுக்­கும் லேப்–­­டாப் வழங்­கப்­ப­டும்.

அதே­போல, ரூ.18 லட்­சம் கோடி அந்­நிய முத­லீடு ஈர்க்­கப்­பட்டு, அதன்­மூ­லம் 50 இலட்­சம் இளை­ஞர்­க­ளுக்கு வேலை வாய்ப்­பு­கள் உரு­வாக்­கப்­ப­டும். தக­வல் தொழில்­நுட்ப ஏற்­று­மதி 2.5 லட்­சம் கோடி ரூபா­யி­லி­ருந்து 5 லட்­சம் கோடி ரூபா­யாக இரண்டு மடங்கு ஆக்­கப்­ப­டும்.

6.இல­வச மின்­சா­ரம் பெறும் 20 லட்­சத்­திற்­கும் மேற்­பட்ட விவ­சா­யி­க­ளுக்கு எவ்­வித மீட்­ட­ரும் பொருத்­தப்­ப­டாத நவீன மின்­சார பம்பு செட்­டு­கள் வழங்­கப்­ப­டும்.

7.முத­ல­மைச்­ச­ரின் மருத்­து­வக் காப்­பீட்­டுத் திட்­டத்­தில் சேர்க்­கப்­ப­டு­வ­தற்­கான ஆண்டு வரு­மான வரம்பு ரூ.5 லட்­ச­மா­க­வும், காப்­பீட்­டுத் தொகை ரூ.10 லட்­ச­மா­க­வும் உயர்த்­தப்­ப­டும்.

சமூ­க­நீ­தித் திசை­யில்

பெரும் பாய்ச்­சல்!

திரா­விட இயக்­கத்­தின் முக்­கிய கொள்கை சமூ­க­நீதி! முத­ல­மைச்­சர் நேற்று (29.3.2026) வெளி­யிட்ட தேர்­தல் அறிக்­கை­யில் சமூ­க­நீ­தி­யில் பெரும் பாய்ச்­ச­லைக் காண முடி­கி­றது!

இட­ஒ­துக்­கீட்டை முழு­மை­யாக எல்லா நிலை­க­ளி­லும் நடை­மு­றைப்­ப­டுத்­திட அனைத்து முயற்­சி­க­ளை­யும் மேற்­கொள்­வோம்.

உயர்­நீ­தி­மன்ற நீதி­ப­தி­கள் நிய­ம­னத்­தில் சமூ­க­நீ­தியை நிலை­நாட்­டிட இட­ஒ­துக்­கீடு முறை­யைக் கொண்டு வரு­வ­தற்­குத் தேவை­யான அர­சி­ய­ல­மைப்­புச் சட்­டத்­தி­ருத்­தம் மேற்­கொள்ள ஒன்­றிய அரசை வலி­யு­றுத்­து­வோம்.

ஒன்­றிய அர­சின் உயர் பத­வி­க­ளி­லும், பொதுத்­துறை நிறு­வ­னங்­கள், அய்.அய்.டி., அய்.அய்.எம்., எய்ம்ஸ், தேசிய சட்­டப்­பள்­ளி­கள் போன்ற உயர்­கல்வி நிறு­வ­னங்­க­ளி­லும் மண்­டல் ஆணை­யப் பரிந்­து­ைப்­படி இதர பிற்­ப­டுத்­தப்­பட்ட வகுப்­பி­ன­ருக்கு 27% இட­ஒ­துக்­கீடு முழு­மை­யாக நிறை­வேற்­றப்­ப ­டாத அநீதி ஒழிக்­கப்­பட தேவை­யான முயற்சி!

சட்­ட­பூர்­வ­மா­கத் தரப்­பட்­டுள்ள இட­ஒ­துக்­கீடு எண்­ணிக்­கை­யா­னது முழு­மை­யாக நடை­மு­றைப்­ப­டுத்­தப்­ப­டும்: அது தொடர்ந்து கண்­கா­ணிக்­கப்­ப­டும்.

ஆதி­தி­ரா­வி­டர், பழங்­கு­டி­யி­னர், பிற்­ப­டுத்­தப்­பட்­டோர், மிக­வும் பிற்­ப­டுத்­தப்­பட்­டோர் மற்­றும் சீர்­ம­ர­பி­னர் ஆகிய மாண­வர்­க­ளுக்­கான கல்வி உத­வித்­தொகை உயர்த்­தப்­ப­டும்.

ஆதிதி­ரா­வி­டர், பழங்­கு­டி­யி­னர் மற்­றும் மிக­வும் பிற்­ப­டுத்­தப்­பட்­டோர், சீர்­ம­ர­பி­னர் பெண்­க­ளுக்­கான தொழில்­வாய்ப்­பு­க­ளைப் பெருக்­கு­வ­தற்­கான திட்­டங்­கள் விரி­வு­ப­டுத்­தப்­ப­டும்.

தமிழ்­நாட்­டி­லுள்ள மருத்­து­வக் கல்­லூ­ரி­க­ளில் அகில இந்­திய ஒதுக்­கீடு நடை­மு­றையை மாற்றி, அதற்­குப் பதி­லாக மாநில அர­சின் இட­ஒ­துக்­கீடு கொள்­கை­யைப் பின்­பற்­றிட ஒன்­றிய அரசை வலி­யு­றுத்­தப்­ப­டும்.

தேசிய மக்­கள் தொகைக் கணக்­கெ­டுப்­பு­டன் எடுக்­கப்­ப­ட­வுள்ள ஜாதி­வா­ரிக் கணக்­கெ­டுப்­பின் தர­வு­க­ளின் அடிப்­ப­டை­யில் உரிய பிர­தி­நி­தித்­து ­வம் கிடைப்­ப­தற்­கான வழி­வகை செய்­யப்­ப­டும்.

வள­மான வாழ்­வுக்­கான

நட்­சத்­தி­ரப் புள்­ளி­கள்!

5 ஆண்­டு­க­ளில் 35 லட்­சம் கல்­லூரி மாண­வர்­க­ளுக்கு மடிக்­க­ணி­னி­கள் வழங்­கப்­ப­டும்.

‘நான் முதல்­வன்’ திட்­ட த்­தில் ரூ.1500 மாத உத­வித் தொகை­யு­டன் பயிற்சி.

அனைத்து மாவட்­டங்­க­ளி­லும் நியோ டைட்­டல் பூங்கா.

ரூ.18 லட்­சம் கோடி அந்­நிய முத­லீடு ஈர்க்­கப்­பட்டு, 50 லட்­சம் வேலை­வாய்ப்பு.

தமிழ்­நாட்­டின் ஏற்­று­மதி 120 பில்­லி­யன் டால­ராக உயர்த்த நட­வ­டிக்கை.

தக­வல் தொழில்­நுட்ப ஏற்­று­மதி ரூ.5 லட்­சம் கோடி­யாக உயர்த்­தப்­ப­டும்.

சிறு­பான்­மை­யி­ன­ருக்­கான தொழில்­க­டன் உச்­ச­வ­ரம்பு ரூ.30 லட்­ச­மாக உயர்த்­தப்­ப­டும்.

கிராம சாலை­கள் ரூ.10,000 கோடி­யில் சீர் செய்­யப்­ப­டும்.

மாந­க­ராட்சி, நக­ராட்­சி­க­ளில் 50 புதிய செம்­மொழி பூங்­காக்­கள்.

திருச்சி, மதுரை, சேலம், கோவை அருகே நவீன வச­தி­க­ளு­டன் கூடிய நக­ரங்­கள் உரு­வாக்­கப்­ப­டும்.

5 ஆண்­டு­க­ளில் 10,000 புதிய பேருந்­து­கள் இயக்­கப்­ப­டும்.

தொழிற்­சா­லை­க­ளுக்­குச் செல்­லும் மக­ளி­ருக்கு உதவ 1000 குழந்­தை­கள் காப்­ப­கங்­கள். பிற்­ப­டுத்­தப்­பட்­டோர், மிக­வம் பிற்­ப­டுத்­தப்­பட்­டோர் தொழில் கடன் பெறும் உச்­ச­வ­ரம்பு ரூ.30 லட்­ச­மாக உயர்த்­தப்­ப­டும்.

மதுரை, சேலம் உள்­ளிட்ட மாவட்ட அரசு மருத்­து­வ­ம­னை­க­ளில் புற்­று­நோய்க்கு நவீன சிகிச்சை வச­தி­கள்.

தமிழ்­நாட்­டில் 10 கைத்­தறி பூங்­காக்­கள் அமைக்­கப்­ப­டும். ஊர­கப் பகு­தி­க­ளில் 10,000 புத்­தொ­ழில்­கள் தொடங்­கப்­ப­டும். மீன்­பி­டித் துறை­மு­கங்­கள், மீன் இறங்­கு­த­ளங்­கள் புதி­தாக அமைக்­கப்­ப­டும்.

அனைத்து அரசு கலைக்­கல்­லூ­ரி­க­ளில் டிஜிட்­டல் கற்­றல் மய்­யங்­கள்.

கவர்ச்­சித் திட்­டங்­க­ளல்ல –

வளர்ச்­சித் திட்­டங்­கள்!

முதி­யோர் உத­வித் தொகை ரூ.1,200–லிருந்து ரூ.2,000 ஆக உயர்த்­தித் தரப்­ப­டும்.

மாற்­றுத் திற­னா­ளி­க­ளுக்கு ரூ.1,500–லிருந்து ரூ.2,500 ஆக உயர்த்தி வழங்­கப்­ப­டும்.

பல்­வேறு துறை­க­ளி­லும் சிறப்­பு­றப் பணி­யாற்­றி­டும் திரு­நர் – திரு­நங்­கை­க­ளுக்கு விருது வழங்­கப்­ப­டும்.

ஆதி­தி­ரா­வி­டர் மற்­றும் பழங்­கு­டி­யின இரு­பால் மாண­வர்­க­ளும் பள்ளி இடை நிறுத்­தம் இல்லா நிலை அடைய நட­வ­டிக்­கை­கள் எடுக்­கப்­ப­டும்.

தி.மு.க. ஆட்­சி­யின் அறி­விப்­பு­க­ளும், திட்­டங்­க­ளும் வெறும் அச்­சிட்ட காகி­தங்­க­ளாக இருந்­த­தில்லை. அவை உறு­தி­யாக செயல்­ப­டுத்­திக் காட்­டப்­பட்­ட­வை­க­ளாக இருந்­த­வற்றை கடந்த தி.மு.க. ஆட்­சிக் காலத்­தில் மக்­கள் பார்த்­தி­ருக்­கி­றார்­கள் – அனு­ப­வித்­தும் வரு­கி­றார்­கள்.

சொன்­னதை செய்­யும் ஆட்சி!

மேலும், சொல்ல வேண்­டு­மா­னால், தேர்­தல் அறிக்­கை­யில் சொல்­லப்­ப­டா­த­வை­க­ளும் தி.மு.க. ஆட்­சி­யில் செயல்­ம­லர்­க­ளா­கப் பூத்­துக் குலுங்­கி­யி­ருப்­பதை சுவா­சித் தி­ருக்­கி­றோம்.

ஆட்­சிக்கு வர இய­லா­த­வர்­கள் எதை வேண்­டு­மா­னா­லும் சொல்­ல­லாம்; ஆட்­சிக்­குக் கண்­டிப்­பாக வரப்போகிற தி.மு.க. ஆட்சி, அப்­ப­டி­யெல்­லாம் அள்­ளி­விட முடி­யாது என்ற ஜாக்­கி­ரதை உணர்­வு­டன் பொறுப்­பாக – ஆக்­கப்­பூர்வ வாக்­கு­று­தி­களை ஆழ்ந்து சிந்­தித்து, மாவட்­டங்­க­ளில் எல்­லாம் சுற்­றுப் பய­ணம் செய்து, மக்­க­ளின் குறை­களை நேரில் அறிந்து, எதிர்­பார்ப்­பு­களை நேரி­லேயே தெரிந்­து­கொண்டு, நடை­முறை சாத்­தி­யத்­தோடு தேர்­தல் அறிக்கை அறி­வி­யல் கண்­ணோட்­டத்­தோடு வகுத்­துக் கொடுக்­கப்­பட்­டுள்­ளது.

தி.மு.க தேர்­தல்

அறிக்கை எத்­த­கை­யது?

தேர்­தல் அறிக்­கையை வெளி­யிட்ட முத­ல­மைச்­சர் அவர்­கள், ‘‘தி.மு.க. தேர்­தல் அறிக்­கை­தான் எப்­போ­தும் ‘ஹீரோ’! இப்­போது ‘சூப்­பர் ஸ்டாரா­க’க் களம் இறங்­கி­யி­ருக்­கி­றது – ‘திரா­விட மாடல்’ 200 தொகு­தி­க­ளுக்­கு­மேல் வெல்­லும். ‘வெல்­வோம் ஒன்­றாக!’’’ என்று நிறை­வா­கச் சொன்ன இந்த வாச­கம் வெறும் வார்த்­தை­கள் அல்ல – நாட்டு மக்­க­ளுக்­கான உரிமை சாச­ன­மே­யா­கும்.

வாக்­குச் சாவடி செல்­லு­முன் ஒரே ஒரு மணித்­துளி சிந்­தித்­தாலே போதும்!

தி.மு.க.வின் இத்­தேர்­தல் அறிக்கை ‘அடுத்த தேர்­தல்’ என்று சிந்­திப்­ப­தைத் தாண்டி, அடுத்த தலை­மு­றை­க­ளை­யும் சேர்த்து எண்ணி உரு­வா­கி­யுள்ள, மாற்­றத்­திற்­கான மகத்­தான வெளிச்­ச­மும்­கூட!

வாக்­குச் சுத்­தம் உள்­ளது தி.மு.க. தேர்­தல் அறிக்கை – கடந்த காலத்­தில் நாம் பார்த்­தி­ருக்­கி­றோம் – பய­னை­யும் அனு­ப­வித்­தி­ருக்­கி­றோம் – இனி­யும் நமது வளர்ச்­சிக்­கான ஆட்சி – மக்­க­ளுக்­கான ஆட்சி தி.மு.க. தலை­மை­யி­லான ஆட்­சியே என்று உறு­தி­யான நம்­பிக்­கை­யோடு தி.மு.க.வை யும், அதன் கூட்­ட­ணிக் கட்­சி­க­ளை­யும் வெற்றி பெறச்செய்­வோம்! அந்த வெற்றி, ஒரு கட்­சிக்­கான வெற்­றி­யல்ல – நமக்­கான வெற்றி – நமக்கு நாமே சூட்­டிக்­கொள்­ளும் பெரு­வெற்றி என்­பதை உணர்­வீர்!

உதிக்­கட்­டும் உத­ய­சூ­ரி­யன்!

தேர்­தல் அறிக்­கையை அறி­வுப்­பூர்­வ­மாக, ஆக்­கப்­பூர்­வ­மாக, ஆவ­ண­மாக, சாச­ன­மா­கத் தயா­ரித்த தேர்­தல் அறிக்­கைத் தயா­ரிப்­புக் குழுத் தலை­வ­ருக்­கும், உறுப்­பி­னர்­க­ளுக்­கும் நமது உளப்­பூர்­வ­மான பாராட்­டு­கள், வாழ்த்­து­கள்!

525 வாக்­கு­று­தி­கள்

நமக்­கா­னவை!

தி.மு.க. வெளி­யிட்­டுள்ள தேர்­தல் அறிக்கை, 525 வாக்­கு­று­தி­க­ளைக்கொண்ட கொள்­கைச் சாச­னம் – ஆவ­ணம்! பக்­கத்­திற்­குப் பக்­கம் பளிச்­சி­டும் மக்­கள் வளர்ச்­சிக்­கான ஏணிப் படிக்­கட்­டு­கள்!

இவ்­வாறு திரா­வி­டர் கழ­கத் தலை­வர் கி.வீர­மணி அறிக்­கை­யில் பாராட்டி வாழ்த்­தி­யுள்­ளார்.