சிவகங்கை, மார்ச் 31 –
சிவகங்கை மாவட்டம் திருப்பத்தூரில் அமைச்சரும் சட்டமன்ற தொகுதி வேட்பாளருமான கே ஆர். பெரிய கருப்பன் செய்தியாளர்களிடம் கூறிய
தாவது:--– கழகத்தின் சார்பில் கழக தலைவர் அவர்களால் மதச்சார்பற்ற முற்போக்கு கூட்டணி சார்பில் ஐந்தாவது முறையாக திருப்பத்தூர் சட்டமன்றத் தொகுதியில் வேட்பாளராக போட்டியிடுகிறேன். நான்கு முறை போட்டியிட்ட எனக்கு தொகுதி மக்கள் கூட்டணி கட்சியினர் பெருவாரியான ஆதரவு தந்து வெற்றி பெறச் செய்தார்கள் .
அதேபோல் இம்முறையும் அதிக அளவில் ஆதரவு தந்து வாக்களிப்பார்கள் என்ற நம்பிக்கை எனக்கு உள்ளது.பேரறிஞர் அண்ணா, தலைவர் கலைஞர் ஆகியோர் தலைமையில் அமைந்த ஐந்து முறை ஆட்சியில் தமிழகத்திற்கு பல்வேறு மக்கள் நலத்திட்டங்களை செயல்படுத்தி தமிழகத்தை வளப்படுத்தினார்கள்.
அதே வழியில் 2021 வது ஆண்டில் ஆட்சிக்கு வந்த கழக தலைவர் தளபதி அவர்கள் திராவிட மாடல் கதாநாயகர் முதல்வர் தளபதி அவர்கள் பல்வேறு மக்கள் நலத்திட்டங்களை அறிவித்து அதை செயல்படுத்தினார் . 2021தேர்தல் வாக்குறுதிகளில் சொல்லாததையும் சொல்லியதையும் நிறைவேற்றித் தந்தார்கள் .இந்த மக்கள் நலத் திட்டங்களால் தமிழகத்தில் உள்ள அனைத்து குடும்பத்து மக்களும் பயன்பெற்றுள்ளார்கள் .எனவே மக்கள் வாக்களிக்க தயாராகி விட்டார்கள். .திராவிட மாடல் 2.0 ஆட்சியில் ஏழாவது முறையாக கழகம் ஆட்சி அமைப்பது உறுதி ஆகிவிட்டது.
கழகத் தலைவர் தலைவர் அவர்கள் தளபதி அவர்கள் இரண்டாவது முறையாக முதல்வராக ஆட்சி யில் அமர உள்ளார். செல்லும் இடங்களில் எல்லாம் மதச்சார்பற்ற முற்போக்கு கூட்டணிக்கு நல்ல வரவேற்பு உள்ளது . கூட்டணி கட்சியினர் உற்சாகத்துடன் தேர்தல் பணியினை ஆற்ற தொடங்கி விட்டார்கள். எனவே மீண்டும் கழகத் தலைவர் அவர்கள் முதல்வர் தளபதி அவர்கள்தலைமயில் ஆட்சிஅமைவது உறுதியாகிவிட்டது. மாவட்டத்தில் உள்ள நான்கு சட்டமன்ற தொகுதியிலும் கூட்டணி வேட்பாளர்களை வெற்றி பெறவைத்து தலைவர் தளபதி அவர்களிடம் சமர்ப்பிப்போம் .2021தேர்தலில் நமது தேர்தல் அறிக்கை தமிழகத்தில் கதாநாயகனாக திகழ்ந்தது. 2026சட்டமன்ற தேர்தலில் கழகத் தலைவர் வெளியிட்ட தேர்தல் அறிக்கை இம்முறை கதாநாயகன் கதாநாயகி ஆகி உள்ளது.
இவ்வாறு அமைச்சர் கே.ஆர்.பெரியகருப்பன் செய்தியாளர்களிடம் கூறினார் .
பேட்டியின் போது முன்னாள் அமைச்சர் மு.தென்னவன், திருமதி தமிழரசி ரவிக்குமார் எம்.எல்.ஏ .மாவட்ட துணைச் செயலாளர் த.சேங்கை மாறன் மற்றும் நிர்வாகிகள் உடன் இருந்தார்கள்.