•
அ
ரசியலில், ஜனநாயக உரிமைப் பாதுகாப்பு – பொருளாதாரத் துறையில், ஏற்றத்தாழ்வற்ற சமத்துவ நிலை – எல்லோருக்கும் நல்வாழ்வு கிடைத்திட
சமதர்மம், சமூகத்துறையில், பகுத்தறிவு அடிப்படையில் மறுமலர்ச்சி – பேதமற்ற சமூக அமைப்பு ஆகியவற்றை நடைமுறைப்படுத்த திராவிட முன்னேற்றக் கழகம் உறுதி அளிக்கிறது.
•
‘‘உலகமே வியந்து, உச்சிமேல் வைத்து மெச்சத்தக்க அரசியல் நெறி பெற்றுத் திகழ்ந்தது தமிழ்நாடு’’ என்றார் பேரறிஞர் அண்ணா. சீரிளமைத் திறன் வியந்து தமிழைக் காப்பதும், உரிமை பெற்ற பேரினமாய் தமிழினத்தை வளர்ப்பதும், தன்னிறைவு பெற்ற தமிழ்நாட்டை உருவாக்குதலும்தான் நமது
மாபெரும் இலக்குகள்!
•
தமிழர்களைப் பிளவுபடுத்தும் சாதிப் பிரிவினைகள், வகுப்புவாதம் உள்ளிட்ட பேதங்கள் நமது வளர்ச்சிக்கு தடை ஏற்படுத்தும் விலங்குகள். ஆகவே, சமுதாய சீர்திருத்தக் கொள்கைகளுக்கும் முற்போக்கு எண்ணங்களுக்கும் உரிய முக்கியத்துவம் அளித்துத் தொடர்ந்து செயல்படுவோம்.
•
இந்திமொழித் திணிப்பு என்பது ஒற்றை மொழிஆதிக்க நடவடிக்கையாக அமைந்திருப்பதால் அதனைமுழு மூச்சாக எதிர்க்கிறோம். எந்த மொழிக்கும் நாங்கள் எதிரிகள் அல்ல. ஆதிக்க மனப்பான்மையுடன் திணிக்கப்பட்டு, அது தாய்த்தமிழின் இடத்தைப் பறிக்க முயலுமானால் அதனை மிகக்கடுமையாக இறுதி வரை எதிர்ப்போம். 1938–ஆம் ஆண்டு தந்தை பெரியாரால் மூட்டப்பட்ட இந்தி எதிர்ப்பு, தமிழ்க் காப்பு போராட்டமானது, 1960–களில் பேரறிஞர் அண்ணா, முத்தமிழறிஞர் கலைஞரால் வேகம் பெற்று, 1965–இல் மாபெரும் மாணவர் போராட்டமாக வெடித்தது. அத்தகைய தீ, என்றும் அணையா நெருப்பே!
•
இந்தி பேசாத மக்கள் விரும்பும் வரை ஆங்கிலமே ஒன்றிய ஆட்சி மொழியாக நீடிக்கும் என்ற அன்றைய பிரதமர் பண்டித நேருவின் வாக்குறுதி காக்கப்பட வேண்டும். இந்திய மாநில மொழிகள் அனைத்தையும் ஆட்சிமொழி ஆக்குவதே இதற்கு நிரந்தரத் தீர்வாகும்.
•
இன்றைய அரசியலமைப்பில் ஒன்றிய அரசில் அதிகாரங்கள் குவிந்து கிடக்கிறது. அதைவிட நடைமுறையில் இன்னும் அதிகமான அதிகார அத்துமீறல்கள் தற்போதும் தொடர்கின்றன. எனவே, ஒன்றிய அரசின் அதிகாரங்களுக்கும் வரி விதிப்பு உரிமைகளுக்கும் வரம்பு நிர்ணயிக்கப்பட வேண்டும். அதற்கேற்ப இந்திய அரசமைப்புச் சட்டம் திருத்தப்பட வேண்டும். நிதிப் பகிர்வில் ஐம்பது விழுக்காடு மாநிலங்களுக்கு வழங்க வேண்டும். வளர்ந்த மாநிலங்களில் இருந்து அதிக வரிகள் வசூலிப்பது போல, அந்த மாநிலங்களுக்கு உரிய நிதிப் பகிர்விலும் அதிகமாக இருக்க வேண்டும்.
•
ஒன்றிய அரசின்அரசியல் – சமூக – பொருளாதார முடிவுகள் அனைத்தும் மாநிலங்களைப் பாதிப்பதால், மாநில அரசுகளின் ஆலோசனைகளைப் பெற்ற பிறகேஒன்றிய அரசு அந்த முடிவுகளை எடுக்க வேண்டும். மாநிலத்துக்கு மாநிலம் மக்களின் வாழ்க்கை, பண்பாடு, வாழ்க்கைத்தரம், தேவைகள் மாறுபடுவதால், அதுகுறித்த முடிவுகளை எடுக்க அந்தந்த மாநில அரசுகளுக்கே முழு அதிகாரம் வழங்கப்பட வேண்டும்.
•
பல்வேறு இனம், மொழி, மதம், பழக்க வழக்கங்கள், பண்பாடுகள், உணவுமுறைகள், நம்பிக்கைகள் கொண்ட மக்கள் வாழும் ஒரு நாட்டின் ஒருமைப்பாடு என்பது அம்மக்களின் அனைத்து விருப்பங்களையும், மனநிறைவையும் அடிப்படையாகக் கொண்டது.எனவே, எண்ணத்தாலும் செயலாலும் ஒற்றுமை என்பதை உணர்த்தும் அரசியலையே பவள விழா கண்டுள்ள திராவிட முன்னேற்றக் கழகம் உணர்த்தி வருகிறது.
•
மதச்சார்பற்ற தன்மை தான் இந்தியாவில் வாழும் அனைத்து மக்களையும் அரவணைத்து – ஒற்றுமையோடு வாழ வைத்திருக்கும் அன்புக்கரம்! மதச்சார்பற்ற தன்மைக்குப் புறம்பாக எடுக்கப்படும் அனைத்து நடவடிக்கைகளையும் நிராகரிப் போம்; மக்களுக்கு விழிப்புணர்வூட்டி உறுதியுடன் எதிர்ப்போம்!
•
“ஒரு விவசாயி, தன்னிடம் இருக்கும் ஆடுகளில், காலில் அடிபட்ட ஆட்டை மட்டும் தனது தோளில் சுமந்து செல்வது தான் சமூகநீதி” என்றார் முத்தமிழறி ஞர் கலைஞர். திராவிட முன்னேற்றக் கழகத்தின் அனைத்து சமூகநலத் திட்டங்களும் இத்தகைய நோக்கம் கொண்டதாகவே அமையும்.
•
சமத்துவம், சமூகநீதி, சகோதரத்துவம், பகுத்தறிவு, சுயமரியாதை ஆகிய கோட்பாடுகளை மக்கள்
மனதில் விதைத்து, அதற்கேற்ப சட்டங்களை இயற்றி மாநிலத்தை முன்னேற்றப் பாதையில் கொண்டு செல்வதே நமது நோக்கம்.
•
நாடு வளம்பெற, நலிவுற்றோர் உயர்வுபெற எமது அனைத்துத் திட்டங்களும் அமையும். ஒடுக்கப்பட்டோருக்கு ஒளிவிளக்காக, விளிம்பு நிலை மக்களின் விடியலாக எமது வழிமுறைகள் அமையும். அனைவரையும் உள்ளடக்கிய வளர்ச்சியையேஉண்மையான வளர்ச்சியாகக் கருதுகிறோம்.
•
“எல்லார்க்கும் எல்லாம் என்பதே திராவிடவியல் கோட்பாடு” என்று கழகத் தலைவர், முதலமைச்சர் மு.க.ஸ்டாலின் அவர்கள் நமக்கு வகுத்துத் தந்துள்ளார். “தமிழ்நாட்டின் வளர்ச்சிப் பயணத்தில் ஒருவரையும் பின் தங்க விடமாட்டேன்” என்ற அவரது உறுதிமொழியைக் காக்க எந்நாளும் உழைப்போம்.
நாங்கள் செய்தாக வேண்டிய
கடமைகளைச் சரிவரச் செய்வோம்.
அதைக் கண்ணியமாகச் செய்வோம்.
கட்டுப்பாட்டு உணர்வுடன் நிறைவேற்றிக் காட்டுவோம்.
தி.மு.க.
2026 சட்டமன்றத் தேர்தல்
அறிக்கை சூளுரை!