திராவிட முன்னேற்றக் கழக தலைமையிலான மதச்சார்பற்ற முற்போக்குக் கூட்டணி சார்பில், ரிஷிவந்தியம் சட்டமன்றத் தொகுதியில் கழக வேட்பாளராக போட்டியிடும், கள்ளக்குறிச்சி தெற்கு மாவட்டக் கழகச் செயலாளரும், ரிஷிவந்தியம் சட்டமன்ற உறுப்பினருமான வசந்தம் க.கார்த்திகேயன் ரிஷிவந்தியம் சட்டமன்றத் தொகுதிக்குட்பட்ட, மணலூர்பேட்டை பேரூர் கழகத்தில் அமைந்துள்ள முத்தமிழ் அறிஞர், தமிழினத் தலைவர் கலைஞர் அவர்களின் திருஉருவச் சிலைக்கு மாலை அணிவித்து, மரியாதை செலுத்தி, பின்னர் மணலூர்பேட்டை பேரூர் மற்றும் ரிஷிவந்தியம் கிழக்கு ஒன்றிய கழகங்களுக்கான தேர்தல் பணிமனை அலுவலகத்தை திறந்து வைத்து, கழக நிர்வாகிகள் மற்றும் கூட்டணிக் கட்சி தோழர்களுக்கு தேர்தல் ஆக்கப் பணிகளை குறித்து பல்வேறு ஆலோசனைகளை வழங்கினார். இந்த நிகழ்வில் கழக நிர்வாகிகள் மற்றும் கூட்டணிக் கட்சி நிர்வாகிகள் பலர் கலந்து கொண்டனர்.