காஞ்சிபுரம், ஏப்.2–
மதுராந்தகம் சட்டமன்றத் தொகுதி திமுக வேட்பாளர் அமலு பொன் மலரை மண்டல பொறுப்பாளர் எம் ஆர் கே பன்னீர்செல்வம் அறிமுகம் செய்து வைத்து சிறப்புரை ஆற்றினார். மதுராந்தகம் சட்டமன்றத் தொகுதி மதச்சார்பற்ற முற்போக்கு கூட்டணி திமுக வேட்பாளர் அமலு பொன்மலர் அறிமுக கூட்டம் சிலாவட்டம் கிராமத்தில் உள்ள தனியார் திருமண மண்டபத்தில் நேற்று காலை நடைபெற்றது.
இக்கூட்டத்திற்கு காஞ்சிபுரம் தெற்கு மாவட்ட செயலாளர் க. சுந்தர் எம்.எல்.ஏ. தலைமை தாங்கினார்.ஒன்றிய செயலாளர் கண்ணன் அனைவரையும் வரவேற்று பேசினார். காஞ்சிபுரம் எம்.பி. செல்வம், தொகுதிப் பொறுப்பாளர் சாரதி மணிமாறன்,கூட்டணி கட்சி நிர்வாகிகள் பிரபு, ராஜேந்திரன், அன்புச் செல்வன், பாரதி அண்ணா, ராஜ்குமார், ராஜேந்திரன், ஷாஜகான், சம்சுதீன், முகமது யூனஸ், ஷேக் தாவூத், ஏஜ்ஜாஸ், ஜுபைர் அலி, முகமது, அக்பர் அகமது, செம்பியான், தினேஷ், கேசவன், மலர்விழி குமார், தினகரன், நாராயணன், பிரேம்சந்த், உசேன், செம்பருத்தி, துர்கேஷ் ஆகியோர் முன்னிலை வகித்தனர். இக்கூட்டத்தில் மண்டல பொறுப்பாளர் எம்.ஆர்.கே.பன்னீர்செல்வம் கலந்து கொண்டு பேசியதாவது:–
மதச்சார்பற்ற முற்போக்கு கூட்டணியை கழகத் தலைவர்
மு.க.ஸ்டாலின் வெற்றிகரமாக உருவாக்கியுள்ளார். இணக்கமான கூட்டணியை வெற்றிகரமாக முடித்து அறிவாலயத்திலேயே தேநீர் விருந்து வைத்திருந்தார். இந்தப் பெரிய கூட்டணியை வெற்றி கூட்டணியை உருவாக்கியுள்ளோம். இதுபோன்ற இணக்கமான கூட்டணியை உருவாக் கும் போது பல இடர்பாடுகள் ஏதேனும் இருந்தாலோ, அதைப் பற்றி எல்லாம் மற்றவர்கள் பேசி இருந்தாலும், நானே பேசியிருந்தாலோ, இதற்கெல்லாம் வருத்தப்பட வேண்டாம். நானே வருந்து கிறேன் என்று பொதுவெளியிலே வருத்தம் தெரிவித்தார். இப்படி முதலமைச்சராக இருந்த அவரே தன் நிலையை விட்டு இறங்கி இந்த கூட்டணி தொடர்ந்து சிறப்பாக செயல்பட வைத்துள்ளார்.
அதே போன்று ஒன்றிய செயலாளர்கள், மாவட்ட செயலாளர்கள், பேரூர் செயலாளர்கள், கட்சி தோழர்கள், கழகத் தலைவரின் இந்த செயல்பாட்டை பூத்தளவில் கொண்டு செல்ல வேண்டும். கூட்டணி கட்சிகளுடன் ஒன்றிணைந்து இணக்கமாக பணியாற்ற வேண்டும்.
பூத்துகளில் வாக்கு கேட்கின்ற போது, நம் வீட்டு கல்யாணத்தில் விருந்தாளிகளை உபசரித்து, அன்போடு நடத்துவோமோ அதே போன்று இந்த தேர்தலில் வாக்காளர்களை அழைத்து வந்து உதயசூரியன் சின்னத்தில் வாக்குகளை செலுத்த நடவடிக்கை எடுக்க வேண்டும்.
இந்தத் தி.மு.க. கூட்டணியில் புதிய கூட்டணி யாக தே.மு.தி.க . போன்று நமது கூட்டணியில் புதிய கட்சிகளும் இணைந்துள்ளனர.
தமிழ்நாட்டில் உள்ள 234 தொகுதியிலும் தி.மு.க. கூட்டணியே வெற்றி பெறும். ஆகவே அந்த அளவிற்கு தோழர்கள் தீவிரமாக பணியாற்ற வேண்டும். வீடு வீடாகச் சென்று வாக்குகளை சேகரிக்க வேண்டும். இந்த தொகுதியில் 50 சதவீதத்திற்கு மேல் நம் கட்சியில் உறுப்பினர்களாக சேர்ந்துள்ளனர், அந்த வாக்குகளை பெற்றாலே நாம் வெற்றி பெறுவோம், மேலும் நம் கூட்டணி கட்சிகள் எல்லாம் தற்போது சேர்ந்துள்ளதால் மேலும் நமக்கு பலம் சேர்ந்துள்ளது.
ஆகவே இந்த மதுராந்தகம் தொகுதியில் வெற்றி உறுதியாகி உள்ளது. ஆகவே நீங்கள் எல்லாம் தீவிரமாக உழைத்தால் 40,ஆயிரத்திற்கும்மேல் வாக்கு வித்தியாசத்தில் வெற்றி பெறுவோம். இந்த தொகுதியில் உள்ள நிர்வாகிகள் அனைவரும் கண்காணிக்கப்படுகின்றீர்கள். ஆகவே தேர்தலில் சிறப்பாக செயலாற்ற வேண்டும். முதலமைச்சர் மு .க. ஸ்டாலின் அவர்கள் சிறந்த திட்டங்களை உருவாக்கிக் கொடுத்துள்ளார்கள். அதில் பெண்களுக்கு அதிக அளவிலே திட்டங்களை செயல்படுத்தியுள்ளார். ஆகவே நாம் அவர்களிடத்திலேயே வாக்கு சேகரிக்க கூடிய தகுதியும் திராணியும் நம்மிடத்தில் மட்டுமே உள்ளது. ஆகவே 23ஆம் தேதி நடைபெறும் தேர்தலில் கூட்டணி கட்சி நிர்வாகிகள் அனைவரும் உழைத்து இங்கே போட்டியிடுகின்ற வேட்பாளர் அமலு பொன் மலருக்கு அதிக வாக்குகள் பெற்றுத் தந்து, மே 4 ஆம் தேதி சட்டமன்றத்திற்கு அனுப்ப வேண்டும். நமது முதலமைச்சர் கொண்டுவந்துள்ள திட்டம், யாரும் கொண்டு வராத திட்டம், எந்த ஆட்சியிலும் கொண்டு வராத திட்டம், கடந்த கால ஆட்சியிலே ஜெயலலிதா கொண்டு வந்த திட்டம் மிக்ஸி, கிரைண்டர் திட்டம் தற்போது அந்த மிக்ஸி கிரைண்டர் யார் இடத்திலும் இல்லை. ஆனால் கலைஞர் கொடுத்த கலர் டி.வி. மட்டும் இன்னும் ஓடிக்கொண்டிருக்கிறது ஆகவே தமிழ்நாடு முதலமைச்சர் மு .க. ஸ்டாலின் அவர்கள் பெண்களுக்காக 8,000 கூப்பன் வழங்க உள்ளார். இந்த கூப்பனை பெற்று நீங்கள் வேண்டிய பொருளை வாங்கிக் கொள்ளலாம். இப்படிப்பட்ட வாய்ப்பு எந்த ஆட்சியில் இருந்தது. மகளிர் உரிமைத் தொகை ஆயிரம் ரூபாய் வரவே வராது என்று நினைத்திருந்தனர், ஆனால் அதை வழங்கினார் நமது முதல்வர் தற்பொழுது தேர்தல் அறிக்கையில் 2000 வழங்கப்படும் என்றும் அறிவித்துள்ளார்.
கலாச்சார சீரழிவை செய்யும் நடிகர் இங்கே உள்ளார். மனைவியை வீட்டில் வைத்துக் கொண்டு திருமணத்திற்கு இன்னொரு பெண்ணோடு செல்கிறார். இதை மக்கள் கண்டிக்கிறார்கள். திருமணமான தம்பதிகளே, வேறு வேறு கலர் உடையில் தான் செல்கிறார்கள். ஆனால் இவரோ ஒரே கலர் உடையில் திருமணத்திற்கு செல்கிறார்கள் என்றால் தமிழ்நாடு மக்கள் அடிமை என்று பிளாக் டிக்கெட்டை எல்லாம் நினைக்கின்றது. தமிழ்நாடுஇவர்கள் கையில் போனால் நாடு எப்படி இருக்கும் என்று நம்முடைய தோழர்கள் பிரச்சாரம் செய்ய வேண்டும் .
இவ்வாறு அமைச்சர் எம்.ஆர்.கே.பன்னீர்செல்வம் பேசினார்.
இந்நிகழ்ச்சியில் தி.மு.க. நிர்வாகிகள் குமார், சத்தியசாய், தம்பு, கோகுலக்கண்ணன், சுந்தரமூர்த்தி, எழிலரசன், உள்ளிட்ட மதச்சார்பற்ற முற்போக்கு கூட்டணி கட்சி நிர்வாகி கள் கலந்து கொண்டனர்.