புதுக்கோட்டை. ஏப் 3–
புதுக்கோட்டை வடக்கு ராஜ வீதியில் உள்ள தி.மு.க. மாவட்ட அலுவலகமான பெரியண்ணன் மாளிகையில் திமுக கூட்டணி கட்சிகளின் நிர்வாகிகள் சந்திப்பு கூட்டம் நடைபெற்றது. இந்த கூட்டத்தில் தி.மு.க.வின் வேட்பாளர்களான அமைச்சர்கள் எஸ்.ரகுபதி, சிவ.வீ.மெய்யநாதன், தி.மு.க. வடக்கு மாவட்ட செயலாளர் கே.கே.செல்லபாண்டியன், புதுக்கோட்டை
எம்.எல்.ஏ. டாக்டர் வை.முத்துராஜா உள்ளிட்ட தி.மு.க.வினர் மற்றும் கூட்டணி கட்சி நிர்வாகிகள் கலந்து கொண்டு தேர்தலில் எப்படி களப்பணி ஆற்ற வேண்டும் அனைவரும் எப்படி ஒற்றுமையுடன் செயல்பட வேண்டும் என்று விவாதித்தனர்.
இதன் பின்னர் செய்தி யாளர்களை சந்தித்த அமைச்சர் எஸ்.ரகுபதி கூறுகையில்:
ஒரு இடத்தில் பிரச்சாரம் செய்ய வேண்டும் என்றால் ரோட்ஷோ நடத்த வேண்டும் என்றால் அதற்கு 48 மணி நேரத்திற்கு முன்பு அனுமதி பெற வேண்டும்.
எத்தனை பேர் வருவார்கள் எவ்வளவு கூட்டம் வரும் என்று தெரிவிக்க வேண்டும்.
5000 பேர் என்று தெரிவித்து விட்டு 40 ஆயிரம் முப்பதாயிரம் பேர் வந்தார்கள் என்றால் 5000 பேர் வருவதை எதிர்பார்த்து தான் காவல்துறை ஆட்களை அனுப்ப முடியும்.
ஏன் ஆட்கள் வரும் எண்ணிக்கையை குறைக்க வேண்டும் ஆட்கள் அதிகமாக வருவார்கள் என்று சொன்னால் அதற்கு தகுந்தார் போல் காவல்துறை அனுமதி கொடுக்கும்.
நாங்கள் எங்கள் நிகழ்ச்சி நடத்தும்போது இத்தனை பேர் வருவார்கள் என்று சொன்னால் காவல்துறை உரிய பாதுகாப்பை தருகிறது.
அனைத்துமே தேர்தல் ஆணையத்தின் கட்டுப்பாட்டில் இருக்கிறது. அதனால் தமிழ்நாடு அரசு எந்தவிதமான நடவடிக்கையும் எடுக்க முடியாது. உங்களுக்கும் தெரியும். அவர்களுக்கும் தெரியும். எந்த நடவடிக்கை எடுத்தாலும் தேர்தல் ஆணையம் தான் எடுக்க வேண்டும். அதனால் தேர்தல் ஆணைய விதிகளை பின்பற்று கிறவர்களுக்கு எந்த வித சிக்கலும் ஏற்படாது. பின்பற்றாமல் விதிமுறை செய்தால் அதற்குரிய தண்டனையை அவர்கள் அனுபவித்து தான் ஆக வேண்டும்.
வேண்டுமென்றே எதை வேண்டுமென்றாலும் யார் வேண்டுமென்றாலும் செய்யலாம் நாங்கள் அதைப்பற்றி அக்கறைப்பட வேண்டியதில்லை. வேண்டு மென்றே பொய் குற்றச்சாட்டுகளை சொல்பவர்களுக்
கெல்லாம் நாங்கள் பதில் கூற தயாராக இல்லை.
தி.மு.க.வின் தேர்தல் அறிக்கையைத்தான்
ஜெராக்ஸ் எடுத்து எடப்பாடி பழனிச்சாமி அறிவித்திருக்கிறாரே தவிர அவர் புதிதாக ஒன்றையும் செய்யவில்லை. திமுகவின் தேர்தல் அறிக்கை அதிமுகவின் ஜெராக்ஸ் காபி அல்ல, நாங்கள் சொல்லியிருப்பது எல்லாமே
நடக்கக்கூடியவை நடைமுறைப் படுத்தக் கூடியவை அப்படிப்பட்ட சாதனை உள்ள தலைவர் திமுக தலைவர், எடப்பாடி பழனிச்சாமியின் சாதனை உங்களுக்கெல்லாம் நன்றாக தெரியும்.
தி.மு.க. தேர்தல் அறிக்கை கதாநாயகனாக இல்லை வில்லனும் காமெடியனுமாக இருக்கிறது என்று விமர்சனம் செய்யும் அன்புமணியைப் போன்ற ஒரு காமெடியனும் வில்லனும் உலகத்தில் இருக்க முடியாது தந்தைக்கே வில்லனாக இருக்கக்கூடியவர் மக்களுக்கு எப்படி நல்லவராக இருப்பார்.
வாஜ்பாய் போன்ற அமைதியான ஒரு மனிதரை நாம் பார்க்க முடியாது. வாஜ்பாயை இந்தியாவில் இருக்கக்கூடியவர்கள் ஏற்றுக்கொள்ளக்கூடிய ஒருவராக இருந்தார். அவருடன் நட்புடன் பழகிய இயக்கம் தான். தி.மு.க.வே தவிர எந்த விதத்திலும் சமரசமும் சமாதானமும் செய்து கொள்ளவில்லை, நாங்கள் எங்கள் கொள்கையை விட்டுக் கொடுக்க வில்லை என்றைக்கும் தி.மு.க. கொள்கையை விட்டுக் கொடுக்காது. அதற்காக ஒருமுறை இல்ல இரண்டு முறை இந்தியா விலேயே ஆட்சியை இழந்த கட்சி இருக்கிறது என்றால் அது திமுக என்ற இயக்கமே தவிர வேறு எதுவும் இல்லை, எங்களுக்கு ஆட்சி பெரிதல்ல கொள்கைதான் பெரிது
தி.மு.க. அருமையான வேட்பாளர் பட்டியலை அறிவித்துள்ளது. 60 புதுமுக வேட்பாளர்கள் ஒரே நேரத்தில் அறிவிக்கப்பட்டுள்ளனர். எடப்பாடி அதை செய்யவில்லை. தேடித்தேடி பார்த்து பழைய முகத்தை தான் கொண்டு வந்துள்ளார். டெபாசிட் போகக்கூடிய தொகுதிகளை எல்லாம் பா.ஜ.க.வுக்கும் அவர்களது கூட்டணி கட்சிக்கும் தள்ளிவிட்டு இருக்கிறார் எடப்பாடி பழனிச்சாமி. ஆனால் அதிமுகவிற்கு மற்ற இடங்களிலும் அதிமுக டெபாசிட் வாங்குவதே சிரமம் அங்கேயும் டெபாசிட் போகும் அளவுக்கு
தி.மு.க. அனைத்து முயற்சி களையும் எடுக்கும்.
குற்றவாளி கூண்டில் தி.மு.க. அரசு என்று 27 பக்க அறிக்கையை பாஜக வெளியிட்டுள்ளது நாங்கள் 72 பக்க அறிக்கையை வெளியிட முடியும். குற்றவாளி கூண்டில் நிறுத்தப்பட வேண்டியவர்கள் பாஜகவினர் தான் என்பது டெல்லியில் ஆட்சி மாற்றம் வருகின்றபோது அந்த உண்மை தெரியும். எந்த அளவுக்கு அவர்கள் தவறு செய்திருக்கிறார்கள் என்பதை ஆட்சி மாற்றம் உறுதி செய்யும். அவர்கள் அத்தனை பேரும் உள்ளே செல்வது உறுதி என்று தெரிவித்தார்.
சூலூர் சட்டமன்றத் தொகுதி கழக வேட்பாளர் தளபதி முருகேசன் சுல்தான்பேட்டை மற்றும் கணியூர், அரசூர் உள்ளிட்ட பகுதிகளில் வீதி வீதியாகச் சென்று பிரச்சாரத்தில் ஈடுபட்டார். அப்போது பெண்கள் ஆரத்தி எடுத்து வரவேற்றனர். இதில் மதச்சார்பற்ற முற்போக்குக் கூட்டணி கட்சி நிர்வாகிகள், மாநில, மாவட்ட, பகுதிக் கழக, வட்டக் கழக நிர்வாகிகள், கழக சார்பு அணிகளின் அமைப்பாளர்கள், துணை அமைப்பாளர்கள், உள்ளாட்சி பிரதிநிதிகள் பலர் கலந்து கொண்டனர்.