சென்னை, ஏப். 3 –
திராவிட முன்னேற்றக் கழக தேர்தல் அறிக்கையில், முடி திருத்தும் தொழிலாளர்களின் 2 கோரிக்கைகள் இடம் பெற்றுள்ளதற்கு நன்றி தெரிவித்து தமிழ்நாடு ஹேர் ட்ரெஸ்ஸர்ஸ் யூனியன் சார்பில் அறிக்கையினை தமிழ்நாடு சவரத் தொழிலாளர் சங்க முதன்மைச் செயலாளர் கோவூர் அ.ப.தனசேகர் வெளியிட்டார்.
அவரது அறிக்கை வருமாறு:–
கடந்த மார்ச் மாதம் 13-–ஆம் தேதி தமிழ்நாடு ஹேர் ட்ரெஸ்ஸர்ஸ்ய யூனியன், காஞ்சிபுரம், செங்கல்பட்டு, மாவட்ட செயற்குழு கூட்டம் சென்னை, மேடவாக்கம், பாவலரேறு தமிழ்க்களம் அரங்கத்தில் நடைபெற்றது. கூட்டத்தில் மருத்துவர் சமுதாயம் மற்றும் முடிதிருத்தும் தொழிலாளர்கள் குறித்த 11 அம்ச கோரிக்கைகள் தீர்மான மாக நிறைவேற்றப்பட்டு, அரசியல் கட்சிகள் தேர்தல் அறிக்கையில் அறிவிக்க கோரியிருந்தது.
எங்களது கோரிக்கையினை 2026 திராவிட முன்னேற்றக் கழக தேர்தல் அறிக்கையில் நல வாரியத்தில் பதிவு செய்து 60 வயதை கடந்த தொழிலாளர்களுக்கு ஒய்வூதியம் 1200/-ல் இருந்து 2000/- மாக உயர்த்தி வழங்கப்படும் என்பதையும்,
முடிதிருத்தும் தொழிலாளர்கள் தங்கள் தொழிலை மேம்படுத்தி கொள்ள நல வாரியத்தின் மூலம் தேவையான உதவிகள் பெற உரிய நடவடிக்கை எடுக்கப்படும் என்பதையும் தேர்தல் அறிக்கையில்அறிவித்த திராவிட முன்னேற்றக் கழகத் தலைவர் சொன்னதை செய்யும் திராவிட மாடலின் அரசர், ஏழை, எளிய மிகவும் பிற்படுத்தப்பட்ட மக்களின் நெஞ்சில் தந்தை பெரியாராய், பேரறிஞர் அண்ணாவாய், கலைஞராய் நீக்கமற நிறைந்தி ருக்கும் தமிழக முதல்வர் தளபதி மு.க.ஸ்டாலின் அவர்களுக்கு, முத்தமிழறி ஞர் சென்னை முதல் குமரி வரை பட்டி தொட்டி எங்கும் நிறைந்திருக்கும் அனைத்து மருத்துவ குல தமிழ் சொந்தங்களின் சார்பாகவும்,
அனைத்து முடி திருத்தும் தொழிலாளர்களின் சார்பாகவும், தமிழ்நாடு ஹேர் ட்ரெஸ்ஸர்ஸ் யூனியன் சார்பில் மனம் நிறைந்த நன்றியினை தெரிவித்துக் கொள்கிறோம்.
மேலும், முடிதிருத்தும் தொழிலாளர் நல வாரியத்திற்கு தலைவர் மற்றும் உறுப்பினர் நியமனம் செய்ய வேண்டும்.
வீட்டு வசதி வாரியத்தின் மூலம் கட்டப்படும் குடியிருப்புகளில் மருத்துவர் சமுதாய முடிதிருத்தும் தொழிலாளர்களுக்கு இட ஒதுக்கிடு அடிப்படையில் வீடு வழங்க வேண்டும்.
KKT திட்டத்தின் மூலம் வழங்கப்படும் மானியத்துடன் கடன் உதவி வயது வரம்பு 25 ஆக தளர்த்தவும் சுலபமாக கடன் உதவி பெறும் வகையிலும் திருத்தம் செய்திட வேண்டும்.
திருக்கோவில்களில் பணிபுரியும் நாதஸ்வர, தவில் இசைக் கலைஞர்கள் மற்றும் மொட்டைஅடிக்கும் தொழிலாளர்கள் நிரந்தரஅரசு ஊழியராக்க வேண்டும், என்கிற கோரிக்கைகளை வேண்டுகோளாக வைக்கின்றோம்.
இவ்வாறு அவர் அறிக்கையில் தெரிவித்துள்ளார்.