கரூர்,ஏப். 3 –

என்.டி.ஏ. கூட்­ட­ணியை புறக்­க­ணிப்­ப­து ­தான் தமிழ்­நாட்­டுக்கு நல்­லது. தி.மு.கழக கூட்­டணி நூறு சத­விகிதம் வெற்றி உறுதி என கரூர் தேர்­தல் பிரச்­சா­ரக் கூட்­டத்­தில் தலை­வர், முதல்­வர் மு.க.ஸ்டாலின் எழுச்சி பேரு­ரை­யாற்­றி­னார்.

கழ­கத் தலை­வ­ரும், முத­ல­மைச்­ச­ரு­மான மு.க.ஸ்டாலின் அவர்­கள் நேற்று முன்தினம் (01–04–2026) மாலை கரூ­ரில் நடை­பெற்ற சட்­ட­மன்­றத் தேர்­தல் பரப்­பு­ரைப் பொதுக் கூட்­டத்­தில் மதச்­சார்­பற்ற முற்­போக்­குக் கூட்­டணி வேட்­பா­ளர்­களை ஆத­ரித்­துப் பேசிய உரை வரு­மாறு:

காலை­யில் தீரர்­கள் கோட்­ட­மான திருச்­சி­யில் பரப்­பு­ரையை முடித்­து­விட்டு, கரூ­ருக்கு வருகை தந்து, உங்­கள் அனை­வ­ரை­யும் சந்­திப்­ப­தில் நான் மிகுந்த மகிழ்ச்சி அடை­கி­றேன். கரூர் என்­றால் கழக ஊர். செப்­டம்­பர் மாதம் நடந்த முப்­பெ­ரும் விழா எழுச்­சியை மீண்­டும் இன்று நான் பார்க்­கி­றேன். ஏன், அதை­வி­டப் பன்­ம­டங்கு கூடி­யி­ருக்­கும் எழுச்­சி­யை­யும் நான் காண்­கி­றேன். அடுத்த மாதத்­தில் திரா­விட மாடல் 2.0 வெற்றி விழா­விற்கு தயாரா? இதோ உங்­க­ளைப் போன்றே தயா­ராக நான்கு வேட்­பா­ளர்­கள் நிற்­கி­றார்­கள்.

4 வேட்­பா­ளர்­க­ளை­யும்

அமோக வெற்றி பெறச் செய்­வீர்!

முத­லில் அர­வக்­கு­றிச்சி தொகுதி, நமது வேட்­பா­ளர் மொஞ்­ச­னூர் இளங்கோ அவர்­கள். அர­வக்­கு­றிச்­சி­யில் கடந்த 5 ஆண்டு கால­மாக அவர் ஆற்­றிய பணி மறக்க முடி­யாத ஒன்று. சென்ற முறை போன்றே, பெரு­வா­ரி­யான வாக்கு வித்­தி­யா­சத்­தில் வெற்றி பெற வேண்­டும். அதற்கு அர­வக்­கு­றிச்சி மக்­கள் உங்­கள் வாக்­குளை உத­ய­சூ­ரி­யன் சின்­னத்­தில் நீங்­கள் எல்­லாம் வழங்க வேண்­டும்.

அடுத்து கிருஷ்­ண­ரா­ய­பு­ரம் தொகுதி, நமது வெற்றி வேட்­பா­ளர் சி.கே. ராஜா அவர்­கள். மாவட்ட இளை­ஞ­ர­ணி­யின் துணை அமைப்­பா­ள­ராக கழ­கப் பணி­யைச் சிறப்­பா­கச் செய்­யக் கூடி­ய­வர். இப்­போது கிருஷ்­ண­ரா­ய­பு­ரம் தொகுதி மக்­க­ளுக்­கா­கப் பணி­யாற்ற உங்­கள் ஆத­ர­வைக் கோரி நிற்­கும் அவ­ருக்கு உத­ய­சூ­ரி­யன் சின்­னத்­தில் நீங்­கள் உங்­கள் பொன்­னான வாக்­கு­களை வழங்க வேண்­டும்.

அடுத்து குளித்­தலை தொகுதி, நமது வெற்றி வேட்­பா­ளர் சூரி­ய­னூர் சந்­தி­ரன் அவர்­கள். ஒன்­றி­யச் செய­லா­ள­ராக தன்­னு­டைய பணி­யைச் சிறப்­பா­கச் செய்­யக் கூடி­ய­வர். தலை­வர் கலை­ஞர் அவர்­கள் முதன்­மு­த­லில் உத­ய­சூ­ரி­யன் சின்­னத்­தில் நின்று வென்ற தொகுதி. இந்த முறை உத­ய­சூ­ரி­யன் சின்­னத்­தில் சூரி­ய­னூர் சந்­தி­ரன் நிற்­கி­றார். அவ­ருக்­குக் குளித்­தலை தொகுதி மக்­கள் உங்­கள் பொன்­னான வாக்­கு­களை உத­ய­சூ­ரி­யன் சின்­னத்­தில் வழங்க வேண்­டும்.

அடுத்து கரூர் தொகுதி, நம்­மு­டைய வெற்றி வேட்­பா­ளர் ஆசி.எம். தியா­க­ரா­ஜன் அவர்­கள். உப்­பி­ட­மங்­க­லம் நுண் நீரேற்று விவ­சா­யி­கள் சங்­கத்­தி­ன­ரின் தலை­வ­ரா­கப் பொறுப்­பேற்று விவ­சா­யி­க­ளுக்­காக அரும்­ப­ணி­யாற்­றி­ய­வர். இப்­போது நம்­மு­டைய செந்­தில் பாலாஜி அவர்­கள் செய்த பணி­களை அவர் தொட­ரப் போகி­றார். கடந்த முறை செந்­தில் பாலாஜி அவர்­கள் பெற்ற வெற்றி போன்றே ஆசி.எம். தியா­க­ரா­ஜன் அவர்­க­ளுக்­கும் உங்­கள் வெற்­றியை வழங்க உத­ய­சூ­ரி­யன் சின்­னத்­தில் உங்­கள் பொன்­னான வாக்­கு­களை நீங்­கள் வழங்க வேண்­டும்.

கரூ­ரைப் பற்றி எனக்கு கவ­லை­யில்லை,

வெற்­றியை செந்­தில் பாலாஜி

உறுதி செய்து விட்­டார்!

இவர்­கள் நான்கு பேரை­யும் உங்­க­ளின் பிர­தி­நி­தி­க­ளாக – உங்­க­ளின் உரி­மைக்­கு­ர­லாக சட்­ட­மன்­றத்­திற்கு அனுப்பி வையுங்­கள் என்று கேட்­கத்­தான் உங்­க­ளால் உரு­வாக்­கப்­பட்ட இந்த முத்­து­வேல் கரு­ணா­நிதி ஸ்டாலின் வந்­தி­ருக்­கி­றேன். இவர்­க­ளுக்கு வெற்றி உறு­தியா? நன்றி! வெற்றி உறு­தி­யா­கி­விட்­டது. வேட்­பா­ளர்­கள் உட்­கா­ர­லாம்.

கரூ­ரைப் பொறுத்­த­வ­ரைக்­கும் எனக்கு எந்­தக் கவ­லை­யும் இல்லை! ஏன் என்று உங்­க­ளுக்கே தெரி­யும். என்­னு­டைய இனிய சகோ­த­ரர் செந்­தில் பாலாஜி அவர்­க­ளு­டைய மாவட்­டம் இது. நிச்­ச­யம் நூறு சத­வீ­தம் வெற்றி உறுதி! கரூ­ரில் கழ­கக் கூட்­ட­ணி­யின் வெற்­றியை அவர் எப்­போதோ உறுதி செய்த கார­ணத்­தி­னால்­தான், கோவை மாவட்­டத்­தில் நிற்­கச் சொல்லி அவ­ருக்­குப் பொறுப்பு கொடுத்­தி­ருக்­கி­றேன். நீங்­கள் யாரும் கவ­லைப்­ப­டா­தீர்­கள். அவர் புகுந்த வீடு­தான் கோவை. அவர் பிறந்த கரூரை என்­றும் மறக்­க­மாட்­டார். அடு­மட்­டு­மல்ல, பல சோத­னை­க­ளைத் தாண்டி, சாதனை படைப்­ப­வர் செந்­தில் பாலாஜி அவர்­கள். இந்த முறை கரூர், கோவை இரண்­டுமே நம் வசம்­தான்! ஏன், தமிழ்­நாடு மொத்­த­மும் நாம்­தான்! மதச்­சார்­பற்ற முற்­போக்­குக் கூட்­டணி 200 தொகு­தி­க­ளுக்­குக் குறை­யாத வெற்றி பெறப்­போ­கி­றது! சாதிக்க நான் ரெடி… நீங்­கள் ரெடியா?

ஐந்து ஆண்­டு­களில்

ஏரா­ள­மான திட்­டங்­கள்!

பத்­தாண்டு கால­மாக, தமிழ்­நாட்டை இரு­ளுக்­குள் தள்ளி, வளர்ச்­சியை நாசப்­ப­டுத்தி, உரி­மை­களை அடகு வைத்த அ.தி.மு.க. ஆட்­சியை நாம் அகற்றி, 2021–இல் புதிய விடி­ய­லாக திரா­விட மாடல் ஆட்­சியை அமைத்­தோம். தமிழ்­நாட்டு வர­லாற்­றி­லேயே இல்­லாத அள­விற்கு மட்­டு­மல்ல, எந்­த­வொரு மாநில அர­சும் இந்­த­ள­விற்­குச் சாத­னை­க­ளைச் செய்ய முடி­யாது என்று கம்­பீ­ர­மாக நெஞ்சை நிமிர்த்­திச் சொல்­லும் அள­விற்கு, ஏரா­ள­மான திட்­டங்­களை திரா­விட மாடல் ஆட்­சி­யில் செய்­தி­ருக்­கி­றோம்!

நம்­மு­டைய திரா­விட மாடல் ஆட்­சி­யில் இந்­தக் கரூ­ருக்கு மட்­டும் ஐந்­தா­யி­ரம் கோடி ரூபாய் அள­விற்­கான திட்­டங்­க­ளைச் செய்­தி­ருக்­கி­றோம். நேரத்­தின் அருமை கருதி, அதில் முக்­கி­ய­மான சில­வற்றை மட்­டும் சுருக்­க­மா­கத் தலைப்­புச் செய்­தி­க­ளாக உங்­க­ளுக்கு நினை­வு­ப­டுத்த விரும்­பு­கி­றேன்.

கரூ­ருக்கு கழக அரசு

செய்­துள்ள சாத­னை­கள்!

கரூர் மாவட்­டம், நெரூ­ரை­யும் – திருச்சி மாவட்­டம், உன்­னி­யூ­ரை­யும் இணைக்­கும் வகை­யில் காவிரி ஆற்­றின் குறுக்கே 101 கோடி ரூபாய் மதிப்­பில் உயர்­மட்­டப் பாலம் கட்­டி­யி­ருக்­கி­றோம்!

கரூர் தொகுதி மக்­க­ளின் 25 ஆண்­டு­கா­லக் கோரிக்­கை­யான புதிய பேருந்து நிலை­யத்தை 40 கோடி ரூபாய் மதிப்­பில் அமைத்­தி­ருக்­கி­றோம்.

38 கோடியே 50 இலட்­சம் ரூபாய் மதிப்­பில் மினி டைடல் பார்க்­கிற்கு அடிக்­கல் நாட்­டிப் பணி­களை தொடங்­கி­யி­ருக்­கி­றோம்!

கரூர் – கோவை தேசிய நெடுஞ்­சாலை விரி­வாக்­கம்,

கரூர் – திரு­வள்­ளு­வர் விளை­யாட்டு மைதா­னத்­தில் மாவட்ட மைய நூல­கத்­திற்­குப் புதிய கட்­ட­டம்,

அர­வக்­கு­றிச்­சி­யில் புதிய அரசு கலைக் கல்­லூரி, புதிய வேளாண்­மைக் கல்­லூரி,

குளித்­த­லை­யில் புதிய அரசு மாவட்­டத் தலைமை மருத்­து­வ­மனை,

அரசு தலைமை மருத்­து­வ­மனை மருத்­து­வக் கல்­லூ­ரி­யில் கூடு­தல் கட்­ட­டம்,

கரூர் – ஈரோடு சாலை விரி­வாக்­கம்,

கிருஷ்­ண­ரா­ய­பு­ரத்­தில் முருங்­கைப் பூங்கா அமைப்­ப­தற்­கான முதற்­கட்ட பணி­கள் தொடக்­கம்,

கரூர் மாந­க­ராட்­சி­யில் புதிய நீச்­சல் குளம்,

கிருஷ்­ண­ரா­ய­பு­ரத்­தில் சிப்­காட் அமைக்க அர­சாணை வெளி­யி­டப்­பட்டு, பணி­கள் நடை­பெற்று கொண்­டி­ருக்­கி­றது! இப்­படி சொல்­லிக் கொண்டே போக­லாம்! அது­மட்­டு­மல்ல, இன்­னும் நிறைய பணி­கள் வரப் போகி­றது.

கரூர் மாவட்­டத்­தில் திருக்­கோ­யில்­கள் நிலம் சம்­பந்­த­மா­கச் சட்­டப் பிரச்­சி­னை­கள் இருக்­கி­றது. இதற்­காக நம்­மு­டைய செந்­தில் பாலாஜி அவர்­கள் இந்­தப் பகுதி மக்­க­ளோடு சேர்ந்து பல முயற்­சி­களை எடுத்து வரு­கி­றார். இதற்­காக அமைக்­கப்­பட்­டி­ருக்­கும் குழு வழங்க இருக்­கும் அறிக்­கை­யைக் கொண்டு நிச்­ச­ய­மாக முழுத் தீர்வு காணப்­ப­டும்.

தமிழ்­நாட்­டின் எதிர்­கா­லத்தை

வடி­வ­மைத்­திட திட்­டங்­கள்!

திரா­விட மாடல் ஆட்­சி­யில் நடந்து கொண்­டி­ருக்­கும் உட்­கட்­ட­மைப்பு வளர்ச்­சி­களை மக்­க­ளான நீங்­களே அனைத்து இடங்­க­ளி­லும் பார்க்­கி­றீர்­கள். இந்த வளர்ச்­சி­யைச் சாத்­தி­யப்­ப­டுத்­தி­யி­ருக்­கும் தெம்­போ­டு­தான் தமிழ்­நாட்­டிற்­கான எதிர்­கா­லத்தை வடி­வ­மைக்­கும் தொலை­நோக்­குப் பார்­வை­யோ­டு­தான் உங்­கள் முன்­னால் உரி­மை­யு­டன் நான் வாக்கு கேட்க வந்­தி­ருக்­கி­றேன்!

முத­ல­மைச்­ச­ரா­கப் பொறுப்­பேற்­ற­வு­ட­னேயே, மக­ளி­ருக்­கான கட்­ட­ண­மில்லா விடி­யல் பய­ணத்­திற்­குக் கையெ­ழுத்­திட்­ட­வன்­தான், உங்­கள் முன்­னால் நின்று கொண்­டி­ருக்­கும் இந்த ஸ்டாலின்! இங்கு இருக்­கும் மக­ளி­ரைக் கேட்­கி­றேன்... நீங்­கள் அனை­வ­ரும் இன்­றைக்கு வரைக்­கும் விடி­யல் பய­ணம் செய்து கொண்­டி­ருக்­கி­றீர்­களா?

மக­ளிர் உரி­மைத்­தொகை கொடுப்­பேன் என்று சொன்­னேன். சொன்­னது போன்று உங்­கள் வங்­கிக் கணக்­கிற்கு மாதா­மா­தம் வந்­து­கொண்­டி­ருக்­கி­றதா?

கழகத் தலைவரும் –முதலமைச்சருமான மு.க.ஸ்டாலின் அவர்கள் நேற்று முன்தினம் (1.4.2026) கரூரில் நடைபெற்ற சட்டமன்ற பொதுத்தேர்தல் பிரச்சார பொதுக்கூட்டத்தில், அரவக்குறிச்சி தொகுதி கழக வேட்பாளர் மொஞ்சனூர் ஆர். இளங்கோ, கரூர் தொகுதி கழக வேட்பாளர் ஆசி.எம். தியாகராஜன், கிருஷ்ணராயபுரம் தொகுதி கழக வேட்பாளர் சி.கே. ராஜா, குளித்தலை தொகுதி கழக வேட்பாளர் சூரியனூர் அ. சந்திரன் ஆகியோரை ஆதரித்து தேர்தல் பிரச்சாரம் மேற்கொண்டார். இக்கூட்டத்தில், நாடாளுமன்ற உறுப்பினர்கள் அருண் நேரு, செல்வி ஜோதிமணி, கரூர் மாவட்ட கழகச் செயலாளரும், சட்டமன்ற உறுப்பினருமான வி. செந்தில்பாலாஜி, சட்டமன்ற உறுப்பினர்கள், கூட்டணி கட்சி நிர்வாகிகள், தலைமைக் கழக நிர்வாகிகள், கரூர் மாவட்ட கழக நிர்வாகிகள், கழகத்தின் பல்வேறு அணிகளைச் சார்ந்த நிர்வாகிகள் ஆகியோர் கலந்து கொண்டனர்.