தென்காசி .ஏப்.4 –
தென்காசி வடக்கு மாவட்டம் வாசுதேவ நல்லூர் தொகுதி கழக வேட்பாளர் ஈ.ராஜா அறிமுகக் கூட்டத்தில் கே.கே.எஸ்.எஸ்.ஆர்.இராமச்சந்திரன் சிறப்புரையாற்றினார்.
தென்காசி வடக்கு மாவட்டம் வாசுதேவநல்லூர் சட்டமன்ற தொகுதி சார்பில் மதச்சார்பற்ற முற்போக்கு கூட்டணி யின் வாசுதேவநல்லூர் சட்டமன்றத் தொகுதி வெற்றி வேட்பாளரும் தென்காசி வடக்கு மாவட்டச் செயலாளருமான ஈ.ராஜா எம்.எல்.ஏ. அறிமுகம் மற்றும் செயல் வீரர்கள் கூட்டம் சிவகிரி மறவர் சமுதாய மண்டபத்தில் வாசுதேவநல்லூர் சட்டமன்ற உறுப்பினர் சதன் திருமலை குமார் தலைமையில்
தென்காசி நாடாளுமன்ற உறுப்பினர் மரு.ராணி ஸ்ரீகுமார் வாசுதேவநல்லூர் தொகுதி பார்வையாளர் செண்பக விநாயகம் ஆகியோர் முன்னிலையில் நடைபெற்றது.
இந்நிகழ்வில் வருவாய் மற்றும் பேரிடர் மேலாண்மை துறை அமைச்சர் கே கே எஸ் எஸ் ஆர் ராமச்சந்திரன் பங்கேற்று பேசியதாவது.
தென்காசி மாவட்டத்தில் 5 சட்டமன்ற தொகுதிகளிலும் தி.மு.க மற்றும் கூட்டணி கட்சி வேட்பாளர்களை வெற்றி பெறச் செய்ய வேண்டும்.மகளிர் திட்டம் ரூபாய் 8000 கூப்பன் வழங்கப்படும் என்ற தி.மு.க.வின் அறிக்கை பொதுமக்கள் மத்தியில் பெரும் வரவேற்பை பெற்றுள்ளது.
தி.மு.க.மற்றும் கூட்டணிக் கட்சி வேட்பாளருக்கு வாக்களித்து சாதி, மத பாகுபாடற்ற திராவிட மாடல் முதல மைச்சர் கழகத் தலைவர் அவர்களின் 2.0 ஆட்சியை உருவாக்க வேண்டும்.
இவ்வாறு அமைச்சர் கே.கே.எஸ்.எஸ். ஆர்.ராமச்சந்திரன் பேசினார்.
நிகழ்வில் மாவட்ட அவைத் தலைவர் சுப்பையா,தலைமை செயற்குழு உறுப்பினர்கள் தங்கவேலு,சீனிவாசன், பரமகுரு,மாவட்ட பொருளாளர் சரவணன் துணைச் செயலாளர் மனோகரன்,
பொதுக்குழு உறுப்பினர்கள் வேல்சாமி பாண்டியன்,தேவதாஸ்,சாகுல் ஹமீது, ஒன்றிய செயலாளர்கள் பொன் முத்தையா பாண்டியன், வெள்ளத்துரை, அன்புக்கரசு,கூட்டணிக் கட்சி நிர்வாகிகள் செல்வராஜ், சுதா பாலசுப்பிரமணியம், சோலை கனகராஜ், உச்சி மாகாளி, இசக்கி துரை,
செய்யது பட்டாணி, மாவட்ட அணி அமைப்பாளர்கள் பிச்சையா, கிப்ட்சன், உதயகுமார், டாக்டர் மணிகண்டன்,நகர செயலாளர்கள் அந்தோணி சாமி, நாகூர் கனி,பேரூர் செயலாளர்கள் கேடிசி குருசாமி,ரூபி பாலசுப்ரமணியம்,நல்ல சிவன்,சேது சுப்பிர மணியன் முன்னாள் மாவட்ட செயலாளர் மூர்த்தி பாண்டியன் உட்பட கழக நிர்வாகிகள், கூட்டணிக் கட்சி நிர்வாகிகள் கலந்து கொண்டனர்.