வள்ளியூர், ஏப். 4 –
நெல்லை கிழக்கு மாவட்டம், வள்ளியூரில் மதச்சார்பற்ற முற்போக்குக் கூட்டணிசார்பில் வள்ளியூர் பி.ஆர்.மகாலில் இராதாபுரம் சட்டமன்றத் தொகுதி செயல்வீரர்கள் கூட்டம் நெல்லை கிழக்கு மாவட்டப் பொறுப்பாளர் ம.கிரகாம்பெல்தலைமையில் நடைபெற்றது.
இந்நிகழ்வில் சட்டப்பேரவை தலைவரும், இராதாபுரம் சட்டமன்றத் தொகுதி வெற்றி வேட்பாளருமான மு.அப்பாவு பங்கேற்று உரையாற்றினார்.
பின்னர் நெல்லை கிழக்கு மாவட்டப் பொறுப்பாளர் ம.கிரகாம்பெல், கழக நிர்வாகிகள் மற்றும் கூட்டணிக் கட்சி நிர்வாகி கள் ஒன்றிணைந்து இரவு பகல், பாராது,தெருத் தெருவாக, வீடு வீடாகச் சென்று கழக அரசின் சாதனைகளை எடுத்துக் கூறி, நமது வெற்றி வேட்பாளர் மு.அப்பாவு அவர்கள் வெற்றிக்கு அயராது பாடுபட வேண்டும் என்றார்.
நிகழ்வில் ம.தி.மு.க. மாவட்டச் செயலாளர் டைமண்ட், தே.மு.தி.க. மாவட்டச் செயலாளர் விஜி வேலாயுதம், வி.சி.க. மாவட்டச் செயலாளர் அருள்செல்வன், மக்கள் நீதி மய்யம் மாவட்டச் செயலாளர் மைக்கேல் மணிவண்ணன், கழக தலைமைச் செயற்குழு உறுப்பினர் எஸ்.எ.கே.சித்திக், மாவட்ட ஊராட்சி மன்றத் தலைவர் வி.எஸ்.ஆர். ஜெகதீஸ், மாவட்ட பொறுப்புக் குழு உறுப்பினர்கள் ஜார்ஜ் கோசல், நம்பி,
அல்போன்ஸ், ஆதிபாண்டி, ஹரிகிருஷ்ணன், அனுராதா, சந்திரகலா,
பொதுக்குழு உறுப்பினர்கள் பரமசிவ ஐயப்பன், கனகராஜ், சாந்தி சுபாஷ், மார்க்சிஸ்ட் கம்யூனிஸ்டு சண்முகம், இந்திய கம்யூனிஸ்டு சேதுராமலிங்கம்,எஸ்.டி.பி.ஐ. மாவட்ட பொதுச்செயலாளர் களத்தை மீராஷா, ஒன்றியச் செயலாளர்கள் ஜோசப் பெல்சி, ராஜன், சேவியர் செல்வராஜா, எரிக் சூடு, ஆரோக்கிய எட்வின், அலெக்ஸ் அப்பாவு, மனிதநேய மக்கள் கட்சி பிரதிநிதி ஜாவித் மற்றும் கழக நிர்வாகிகள், BLA2, BDA, BLC உட்பட கூட்டணிக் கட்சியினர் கலந்து கொண்டனர்.
இந்தக் கூட்டத்தில் சட்ட பேரவைத் தலைவர் இராதாபுரம் சட்டமன்றத் தொகுதி வெற்றி வேட்பாளர் மு.அப்பாவு அவர்களை 50,000வாக்கு வித்தியாசத்தில் வெற்றி பெறச் செய்ய வேண்டும் எனமுடிவு செய்யப்பட்டது.