எடப்பாடி பழனிசாமி “விவசாயி முதல்வராவது அ.தி.மு.க.வில் தான்” என்கிறார்.. விவசாயி தான் முதல்வராக வேண்டுமென்றால் அறிஞர்
அண்ணாவும், எம்.ஜி.ஆரும், ஜெயலலிதாவும்
முதல்வரானது தவறு என்று எடப்பாடி கூறுகிறாரா?
ஸ்டாலின் கூப்பன் அறிவிப்பு கமிஷனுக்குத் தானாம், மக்கள் ஏமாற மாட்டார்களாம். எடப்பாடி கூறுகிறார். 20 ரூபாய் கூப்பனைக் கொடுத்து ஏமாற்ற இது ஆர்.கே.நகர் தேர்தலும் அல்ல, கூப்பனைக் கொடுத்தவர் உமது இன்றைய நண்பர் தினகரனும் அல்ல.
நீர் ஆட்சி செய்த போது கொரோனாவுக்காக கொடுக்க வேண்டிய 5,000–த்தில் 1,000 மட்டுமே கொடுத்தீர். மீதி 4,000/த்தை கொடுத்தவர் தளபதி. உமக்காக 2 கோடி ரேஷன் கார்டுகளுக்கு தலா 4000 வீதம் 8,000 கோடி கொடுத்தவருக்கு 8000 ரூபாய்க்கு கூப்பன் கொடுக்கத் தெரியாதா.
சொல் உயர்ந்ததாக இருந்தாலும், சொல்கின்றவர் யார் என்பதே முக்கியம்.
கடந்த தேர்தலில் மகளிர் உரிமைத்தொகை 1,000 ரூபாய் தருவதாக தளபதி கூறினார். ஆனால் எடப்பாடி 1500 ரூபாய் தருவதாக கூறினார். தளபதி சொல்லே மந்திரம் என தளபதியை மக்கள் நம்பினார்கள். அதைப்போலத்தான் 8000 ரூபாய் கூப்பனையும் நம்புவார்கள்.
அ.தி.மு.க.வில் உழைத்தால் உயர்ந்துவிடலாம் என எடப்பாடி கூறுகிறார். உயர்வு வந்தால் ஏன் தி.மு.க.விற்கும், த.வெ.கா.வுக்கும் அ.தி.மு.க.வினர் ஓடுகின்றனர். கட்சி வேட்டி கூட கட்டக்கூடாது எனக் கோர்ட்டில் தடை வாங்கும் அவலம் தி.மு.க.வில் இல்லை.
எடப்பாடியும், தினகரனும் இன்று ஒன்றுசேர்ந்து சிரிக்கிறார்கள். உங்கள் சண்டையில் 18 பேருக்கு எம்.எல்.ஏ. பதவி இரண்டு ஆண்டுகள் போனது. இந்த 18 பேரின் குடும்பங்களுக்கு குறைந்தபட்சம் இரண்டு ஆண்டு சம்பளமாவது கொடுத்தீர்களா? கொடுப்பீர்களா? அவர்களுக்கு என்ன பதில்?
எடப்பாடி உழைத்ததற்காக முதல்வர் ஆனவர் இல்லை. தரையில் உருண்டு சசிகலா காலைப் பிடித்ததற்காக முதல்வர் ஆனவர்.
இன்று நீர் தினகரனுடன் சேர்க்கின்ற அளவு தன்னை வளர்த்துக் கொள்ள காரணமாக இருந்த தினகரனின் சின்னம்மா என்னவானார்கள்?
கொரோனா நேரத்தில் எடப்பாடி உழைத்தாராம். கிட்ஸ் வாங்கியதில் ஊழல், பிளீச்சிங் பவுடரில் ஊழல், முகம் உறையில் ஊழல், கை உறையில் ஊழல், வாங்கிய தடுப்பூசிகளை திருப்பிக் கொடுங்கள் என டெல்லி உயர்நீதிமன்றம் உத்தரவிட்டதையும்,
கொரோனாவை ஒழிக்க பிரதமருடன் அ.தி.மு.க. வினர் மணி விளக்கு ஏற்றியதையும் மறைத்துவிட்டு நம்மிடம் அடித்ததையும் பேசுகிறார்கள்.
“ஐ.ஏ.எஸ். அதிகாரிகளிடம் வேலை வாங்குவதற்கு தகுதி வேண்டும் அந்தத் தகுதி தளபதியிடம் இல்லை” – என்கிறார் எடப்பாடி.
ஐ.ஏ.எஸ். அதிகாரிகளை வைத்துக்கொண்டு தான் “காலை உணவு திட்டம், தாயுமானவர்
திட்டம், கருப்பையில் வாயிலேயே ஊசி போட்டிடும் திட்டம்” என தினசரி சூரியன் வருகிறதோ
இல்லையோ, புதிய புதிய திட்டங்கள் கொண்டு வந்தார் தளபதி.
2016– 2021–ல் 18 எம்.எல்.ஏ. களை உறுப்பினர் பொறுப்பில் இருந்து நீக்கி, எடப்பாடி ஆட்சியை
கவிழவிடாமல் தடுத்த சட்டப்பேரவைத் தலைவர் தனபாலின் நிலை அ.தி.மு.க.வில் இப்போது என்ன?
அனைத்து ஜாதியினரும் ஒதுக்கி வைத்த, தாழ்த்தப்பட்ட சாதியினரான தனபாலை கண்டு, அனைத்து
சாதியினரும் எழுந்து நிற்க வாய்ப்பு வழங்கியவர்
ஜெயலலிதா என்கிறீர்களே – இப்போது ஜெயலலிதா வழங்கிய வாய்ப்பை நீங்கள் எடுக்கலாமா? அவர் ஆத்மா இருந்தால் உங்களை மன்னிக்குமா?
அன்று ஜெயலலிதா, விமானத்தில் ஏறவிடாமல், தாழ்த்தப்பட்ட சமுதாயத்தை சேர்ந்த ஒன்றிய அமைச்சர் அருணாசலத்தைக் கழட்டிவிட்டார். இன்று சட்டப் பேரவைத் தலைவர் சபாநாயகர் என உயர்ந்த பொறுப்பில் அமர வைத்த தாழ்த்தப்பட்ட சமூகத்தைச் சேர்ந்த தனபாலை எடப்பாடி கழட்டிவிட்டார்.
முன்னாள் பேரவைத் தலைவர் காளிமுத்துவின் மறு தோற்றமாய், இலக்கிய நடையில் பேசி உயர்ந்த முன்னாள் அமைச்சர் வைகைச் செல்வனுக்கு சீட்டு இல்லை. முத்தரையர் சமுதாயத்தினரை அவமதிக்கும் வகையில் முத்தரையர் சமுதாய சிவபதி, வளர்மதிக்கு சீட்டு இல்லை. ‘கொண்டா கோடி இல்லை எனில், போய்விடு, தேர்தல் களத்தை விட்டு ஓடி’ என தாடி வைக்காத மோடியாக மிரட்டுகிறார் எடப்பாடி.
‘ஜெயலலிதாவின் விரல்களில் “ஈ” மொய்த்தால் எங்கள் விழிகளில் முள் குத்தியது போல துடிப்போம்’ என்றார் காளிமுத்து. ஆனால் இன்று ஐதராபாத்தில் ஜெயலலிதா வாழ்ந்த அவருக்குச் சொந்தமான கட்டிடத்திற்கு 82.91 லட்சம் சொத்துவரி பாக்கி என ஐதராபாத் மாநகராட்சி அதிகாரிகள் கட்டிடத்திற்கு சீல் வைத்து விட்டார்கள். அந்தத் தொகையை அ.தி.மு.க. வங்கி இருப்பு கணக்கிலிருந்து கட்டாமல் எடப்பாடி வேடிக்கை பார்ப்பதுதான் விசுவாசமா?
விஜய் ஏன்டா நம்பிக்கை இல்லாமல் இரண்டு தொகுதிகளில் போட்டியிடுகிறார் என்று கேட்டால், உங்கள் இளைய தளபதி, உதயநிதி மட்டும் இரண்டு தொகுதியில் நிற்கலாமா என கேட்கும் த.வெ.க. நிர்வாகிகளை தற்குறி என்று கூறாது வேறு எப்படி அழைப்பது?
உதயநிதி, “சேப்பாக்கம் – திருவல்லிக்கேணி” என இரண்டு தொகுதியில் நிற்கிறாராம். என்ன அறிவு? அது ஒரே தொகுதி என்பது கூட தெரியவில்லை.
தளபதியை “முன்னாள் முதல்வர்” என ஆதவ் கூறுகிறார். தேர்தல் முடிந்து, வாக்கு எண்ணிக்கை முடிந்து தான் புது முதல்வர். அந்த நிமிஷம் வரை இப்போது முதல்வராக இருப்பவர்கள் “காபந்து முதல்வர்” என்றுதான் அழைக்கப்படுவார்.
200 போலீசாரை இறக்கி, பக்காவாய் பாதுகாப்பு கொடுத்தும் ஏன் வில்லிவாக்கம் கூட்டத்தை ரத்து செய்தார் விஜய். எதிர்பார்த்த கூட்டம் இல்லை. ஏசி இல்லாமல் வெயிலில் விஜய்க்கு வாக்கு கேட்க விருப்பம் இல்லை.
இதில் எதற்கு தி.மு.க. அதிகாரி என திட்டுவது. நீ என்ன மூடனா, முட்டாளா.
தேர்தல் விதி அமலுக்கு வந்த பின் ஒன்றிய அரசின் கைப்பாவையாக செயல்படும் தேர்தல் ஆணையத்தைத் தானே திட்ட வேண்டும். இதில் எங்கே வந்தது தி.மு.க.? பா.ஜ.க.வை திட்டி பழக்கம் இல்லை. அதனால் திட்டவில்லை.
விஜய் அறிவித்த வேட்பாளர்கள் பாதிக்கும் மேற்பட்டோர் ரசிகர் மன்றத்திற்கே தொடர்பு இல்லாதவர்கள். விஜய் கட்சியினர் மொத்தம் 133 மாவட்ட கழக செயலாளர்களில், 61 மாவட்ட கழக செயலாளர்களுக்கு இந்த முறை சீட்டு இல்லை.
109 பேர் மாற்றுக் கட்சியினர். தேர்தலுக்காக சேர்ந்தவர்கள்.
நேர்காணல் இல்லாமல், வேட்பாளர் தேர்வு நடத்தாமல் நேரடி நியமனம்.
இந்த முறை தேர்தல் சம்பந்தமான கூட்டங்களுக்கும் பிரசாரங்களுக்கும் ஆன்லைனில் விண்ணப்பிக்க வேண்டும். விண்ணப்பித்த இடைவெளி 48 மணி நேரம் வேண்டும் என்பது தேர்தல் விதி. அது கூடத் தெரியாதவன் சட்டமன்ற உறுப்பினராக ஆசைப்படலாமா?
அருகம் புல்லை வீழ்த்தத் தெரியாதவன்,
ஆலமரத்தை வீழ்த்தப் புறப்பட்டானாம், கூட்டத்திற்கு அனுமதி பெறத் தெரியாதவன்
ஒன்றிய உள்துறை செயலாளருக்கும், மணிப்பூர் கவர்னருக்கும் வித்தியாசம் தெரியாதவன்
கோட்டைக்குப் போக ஆசைப்பட்டானாம், ஆசைப்பட்டாலும் தமிழ்நாட்டு மக்களிடம் எடுபடாது.
தமிழ்நாடு என்றும் தளபதியின் கோட்டை
தளபதி இன்று செயிண்ட் ஜார்ஜ் கோட்டை
நாளை செங்கோட்டை!