புதுக்கோட்டை.ஏப்.5–
விராலிமலை சட்டமன்றத் தொகுதி அலுவலகம் திறப்புவிழா
மற்றும் விராலிமலை ஒருங்கிணைந்த ஒன்றிய தி.மு.க. மற்றும் மதச்சார்பற்ற முற்போக்குக் கூட்டணி சார்பில் செயல்வீரர்கள் கூட்டம் நடந்தது.
இயற்கை வளங்கள் துறை அமைச்சர் எஸ்.ரகுபதி சட்டமன்றத் தொகுதி அலுவலகத்தை திறந்து வைத்தார். பின்னர் நடந்த செயல்வீரர் கூட்டத்திற்கு தலைமைவகித்து சிறப்புரையாற்றினார்.
அப்போது அவர் பேசியதாவது:-
சுண்ணாம்பு அடிப்பது, பெயிண்ட் அடித்தது தான் கடந்து பத்து வருடம் இந்த வேலைகளை தவிர வேறு மக்களுக்கு தேவையான உருப்படியான எந்த பணியும் இங்கு நடைபெறவில்லை. அதைத்தான் நம்முடைய செல்லப்பாண்டியன் சொன்னார். கலை அறிவியல் கல்லூரி கொண்டு வர வேண்டும் என்று நினைத்திருந் தால் கொண்டு வந்திருக்கலாம் அவர் நினைத்திருந்தால் கொண்டு வந்திருக்க முடியுமா இல்லையா?
பத்தாண்டு கால ஆட்சியிலே ஏன் கொண்டுவரவில்லை? தன்னுடைய கல்லூரி பாதிக்கப்படும் என்பதற்காக அரசுக் கல்லூரி கொண்டு வரவில்லை. அரசுக் கல்லூரியில்
கட்டணம் கிடையாது. அதனாலே கொண்டு வரவில்லை. ஆனால் நாங்கள் சுயநலம் பார்க்கவில்லை. பொதுநலம் பார்த்தோம். அதனாலே எங்கள் (திருமயம்) கல்லூரிக்கு அருகிலேயே பத்து இருபது கிலோ மீட்டரிலேயே திருமயம் தொகுதியில் துளையானூர் என்ற ஊரிலே மக்களுடைய நலனுக்காக கலை அறிவியல் கல்லூரியை கொண்டு வந்தோம். அங்கே ஆயிரம் பேர் படிக்கிறார்கள். நாங்கள் அரசு கலை அறிவியல் கல்லூரி அங்கு கொண்டு வரவில்லை என்றால் அங்கு படிக்கும் 1000 பேரில் குறைந்தது 500 மாணவர்களாவது எங்கள் கல்லூரியில் படிப்பார்கள். ஆனால், நாங்கள் எங்களை பற்றி சிந்திக்க வில்லை. பொது மக்களை பற்றி சிந்தித்தோம். ஆனால் இங்கே இருப்பவர் தன்னைப் பற்றி சிந்தித்தார். பொது மக்களை பற்றி சிந்திக்க வில்லை. எனவே இதுதான் எங்களுக்கும் அவருக்குமான வித்தியாசம். எனவே இந்த வித்தியாசத்தை இந்த இடைவெளியை நிவர்த்தி படுத்த விராலிமலை க்கு தேவையான அடிப்படை வசதிகள் அனைத்தையும் பெற்றுத்தர தி.மு.க. வேட்பாளர் செல்லப்பாண்டியனுக்கு வாக்களிக்க வேண்டும் என்றார்.இந்த விழாவில் 10 ஆயிரத்திற்கும் மேற்பட்ட நிர்வாகிகள் மற்றும் பொதுமக்கள் பலர் கலந்து கொண்டனர்.
நிகழ்வில் விராலிமலை சட்டமன்றத் தொகுதி கழக வெற்றி வேட்பாளர் கே.கே.செல்லபாண்டியன், தஞ்சாவூர் துணை மேயரும் விராலிமலை தொகுதி பார்வையாளருமான அஞ்சுகம் பூபதி ஆகியோர் சிறப்புரையாற்றி னர். இதில் மதச்சார்பற்ற முற்போக்கு கூட்டணி தலைவர்கள் பெனர்ட் அந்தோணிராஜ் (காங்), சங்கர்(மார்க்கிஸ்ட் கம்யூனிஸ்ட்), செங்கோடன் (இந்திய கம்யூனிஸ்ட்), எஸ்.கே.கலியமூர்த்தி (மதிமுக),
கார்த்திகேயன் (தேமுதிக), மு.அறிவொளி (தி.க), சரஸ்வதி (விசிக), எஸ்.ஏ.முகம்மது அஸ்ரப் அலி (இ.யூ.முஸ்லீக்), அப்துல் கனி (மமக), எம்.ராஜகோபால் (ம.நீ.ம), முகம்மது ஜான் (ம.ஜ.க), மு.அப்துல் ஜப்பார் (ஆம் ஆத் மீ), கார்த்தி (முக்குலத்தோர் புலிப்படை), சலாகுதீன் (எஸ்.டி.பி.ஐ), ஆர்.தர்மதுரை (தமிழர் தேசம் கட்சி),
மாநில விவசாயத் தொழிலாளர் அணி துணை தலைவர் த.சந்திரசேகரன், மாநில விவசாய அணி துணைச் செயலாளர் கே.ஆர்.என்.போஸ், மாவட்ட அவைத் தலைவர் அரு.வீரமணி, மாவட்ட துணைச் செயலாளர் எஸ்.எஸ்.கருப்பையா, மாவட்ட இளைஞர் அணி அமைப்பாளர் சு.சண்முகம், ஒன்றியச் செயலாளர்கள் கே.எஸ்.சந்திரன், தவ.பாஞ்சாலன், தென்னலூர் எம்.பழனியப்பன், ஆர்.ஆர்.எஸ்.மாரிமுத்து, ஓ.எஸ்.வெங்கடாச்சலம், எம்.கோவிந்தராஜன், பேரூர் செயலாளர்கள் வை. விஜயக்குமார், முகம்மது ரிஷா, பொதுக்குழு உறுப்பினர் எம்.செந்தில்குமார், மாவட்ட தகவல் தொழில்நுட்ப அணி ஒருங்கிணைப்பாளர் டாக்டர் செ.குறிஞ்சிவாணன், தலைமைக் கழக பேச்சாளர் சொ.தமிழினியன், எஸ்.வி.ஆர்.ஸ்டாலின் ராஜா, வழக்கறிஞர் சிவா, விளாப்பட்டி சிவா, கை.பழனிச்சாமி, ராயல் சபா, தாயினிப்பட்டி கண்ணன், தேன்கனிப்பட்டி ராஜா,
ஓ. ஆறுமுகம், எம்.ஆர்.அன்பழகன், மெடிக்கல் குமார், என்.எஸ்.கே.நல்லதம்பி, என்.வீராச்சாமி, சண்முகசுந்தரம், ஐஸ் கணேசன் உள்பட மாநில, மாவட்ட, ஒன்றிய நிர்வாகிகள் மற்றும் மதசார்பற்ற முற்போக்கு கூட்டணி
நிர்வாகிகள் கட்சியினர் கலந்து கொண்டனர்.
முன்னதாக ஒன்றிய செயலாளர்கள் மு.பி.ம.சத்தீயசீலன் அ.இளங்குமரன் ஆகியோர் வரவேற்றனர். முடிவில் மத்திய ஒன்றிய செயலாளர் கே.பி.அய்யப்பன் நன்றி கூறினார்.