சென்னை, ஏப்.5–

அதானி நடத்தும் துறைமுகம் வாயிலாகத்தான் இந்தியா முழு வதும் போதைப் பொருட்கள் ஊடு ருவுகின்றன. கடந்த அ.தி.மு.க. ஆட்சியில் தான் போதைப் பொருள்தலைவிரித்தாடியது என்று ‘தின மலர்’இதழுக்கு அளித்த சிறப்புப் பேட்டியில் கழக அமைப்புச் செயலாளர் ஆர்.எஸ்.பாரதி குறிப்பிட்டார்.

தி.மு.க., அமைப்­புச் செய­லா­ள­ரும், முன்­னாள் மாநி­லங்­க­ளவை உறுப்பினருமான ஆர்.எஸ்.பாரதி, ‘தின­ம­லர்’ நாளி­த­ழுக்கு அளித்த சிறப்புப் பேட்டி வரு­மாறு:

கேள்வி: முன்­னாள் பிர­த­மர் வாஜ்­பாய் ஆட்­சி­யில், ஐந்­தாண்­டு­கள் அங்­கம் வகித்து, தமி­ழ­கத்­தில் பா.ஜ., வை வேரூன்ற வைத்­தது தி.மு.க.,தான் என, நாம் தமி­ழர் கட்சி தலைமை ஒருங்­கி­ணைப்­பா­ளர் சீமான் கூறு­கி­றாரே...

பதில்: சீமான், தமி­ழக அர­சி­யலை முழு­மை­யாக அறிந்து பேச வேண்­டும். வாஜ்­பாய் ஆட்­சியை தி.மு.க., ஆத­ரித்­தது உண்­மை­தான். ஆனால், அப்­போ­தைய பா.ஜ., அரசு, ஆர்.எஸ்.எஸ்., அஜண்­டாவை நிறை­வேற்­றா­மல் தி.மு.க. தான் பார்த்­துக் கொண்­டது என்­பது, சீமா­னுக்கு ஏன் தெரி­ய­வில்லை.

ராமர் கோவில் பிரச்­சினை, குடி­யு­ரிமை சட்­டம், காஷ்­மீர் சிறப்பு அந்­தஸ்து நீக்­கம், பொது சிவில் சட்­டம் போன்ற விவ­கா­ரங்­க­ளில், பா.ஜ., அர­சின் ஒரு­த­லை­பட்­ச­மான முடி­வு­களை தி.மு.க., நிறை­வேற்ற விட­வில்லை. குஜ­ராத் மாநி­லத்­தில் நடந்த கோத்ரா ரயில் எரிப்பு

சம்­ப­வத்­தில், அப்­போது குஜ­ராத் முதல்­வ­ராக இருந்த மோடியை கைது செய்ய வேண்­டும். அவ­ரது ஆட்­சியை டிஸ்­மிஸ் செய்ய வேண்­டும் என பிர­த­மர் வாஜ்பாயிடம் வலி­யு­றுத்­தி­ய­வர் கலைஞர்.

குறைந்­த­பட்ச செயல் திட்­டம் வகுத்து தான் ­ஆ­த­ரவு அளித்­தோம். நாட்டு நலன் கருதி எடுக்க வேண்­டிய உத்­த­ர­விட்டு செயல்­ப­டுத்­திய கலைஞர் என்­பதை, சீமா­னுக்கு ஞாப­கப்­ப­டுத்­து­கி­றேன்

அ.தி.மு.க வேட்­பா­ளர் பட்­டி­ய­லில் இடம்­பெற வேண்­டும் என்­பதை அனு­மதி பெற்று வெளி­யி­டும் பழ­னி­சா­மியைப் போல் கொத்­த­டி­மை­யாக இருந்­த­தில்லை. மாநி­லத்­தில் சுயாட்­சி மத்தியில் கூட்­டாட்சி கொள்கை யோடுதான் தி.மு.க .செயல்­ப­டும்.

தொலைநோக்குப் பார்வையுடன் நலத்திட்ட அறிவிப்புகள்!

கேள்வி: பூரண மது­வி­லக்கு இடம்­பெ­றா­தது ஏன்?

பதில்: மக்­க­ளின் வாழ்­வா­தா­ரத்­திற்­குத் தேவை­யான, அவர்­க­ளின் எதிர்­கா­லம் நலம் பெற, தொலை­நோக்­குப் பார்­வை­யு­டன் பல்­வேறு நலத்­திட்ட அறி­விப்­பு­களை வெளி­யிட்­டுள்­ளோம். அதே சம­யம் எது சாத்­தி­யப்­ப­டுமோ, எதை நிறை­வேற்­றித் தர முடி­யுமோ, அதை மட்­டும் தான் தேர்­தல் அறிக்­கை­யில் இடம்­பெ­றச் செய்­துள்­ளோம்.பூரண மது­வி­லக்கு சாத்­தி­ய­மில்லை என்­பது அனை­வ­ருக்­கும் தெரி­யும். அது எல்­லா­ரும் ஏற்­றுக்­கொண்ட ஒன்று.

கேள்வி: தி.மு.க. வேட்­பா­ளர் பட்­டி­ய­லில் உங்­கள் பெயரோ, உங்­கள் மகன் பெயரோ ஏன் இடம் பெற­வில்லை?

நானும் என் மக­னும் சட்­ட­ச­பைத் தேர்­த­லில் போட்­டி­யிட சீட் கேட்­க­வில்லை. தி.மு.க.,வில், 63 ஆண்­டு­க­ளாக நான் இருக்­கி­றேன். கட்­சி­யில் நான் எந்த பத­வி­யும் கேட்­டுப் பெற வேண்­டிய அவ­சி­ய­மில்லை. எனக்கு கிடைத்த பத­வி­கள் எல்­லாம், கலைஞரும் மு.க.ஸ்டாலி­னும் வழங்­கி­யது தான்.

கேள்வி: சென்­னை­யில் பிரச் ­சா­ரத்தை துவக்­கிய த.வெ.க.,தலை­வர் விஜய்க்கு கூடிய கட்­டுங்­க­டங்­காத கூட்­டத்­தால், பிரச்­சா­ரத்தை பாதி­யில் முடிக்க வேண்­டிய நிலை ஏற்­பட்­டது. இது, தி.மு.க.,வுக்கு கிலியை ஏற்­ப­டுத்தி உள்­ள­தாக கூறப்­ப­டு­ கி­றதே...

மேகக் கூட்டம்

கலைந்து போகும்!

பதில்: சினிமா நடி­கர்­க­ளுக்கு கூடும் கூட்­டத்தை, பல ஆண்­டு­க­ளாக பார்த்து பழக்­கப்­பட்­ட­வர்­கள் நாங்­கள். அந்த கூட்­ட­மெல்­லாம், மேகங்­கள் கூடி கலை­வதை போல கலைந்து போகும் கூட்­டம். இதற்கு மேல் நான் விமர்­ச­னம் செய்ய விரும்­ப­வில்லை.

கேள்வி: ஆட்­சி­யில் பங்கு கேட்டு, காங்­கி­ரஸ் நீண்ட நெடிய போராட்­டத்தை நடத்­தி­ய­போது, ‘கார்கே, ராகுல் போன்­றோர் கேட்­க­வில்லை; முத­லில் அவர்­கள் கேட்­கட்­டும்’ என கூறி­னீர்­கள். அவர்­கள் கேட்­டி­ருந்­தால், ஆட்­சி­யில் பங்கு உடன்­பாடு ஏற்­பட்­டி­ருக்­குமா?

பதில் : அவர்­கள் கேட்­டி­ருந்­தா­லும், இவர்­க­ளி­டம் சொன்ன பதி­லை­தான், அவர்­க­ளி­ட­மும் சொல்­லி­யி­ருப்­போம்.

கூட்டணி ஆட்சியை மக்கள் விரும்பமாட்டார்கள்!

கேள்வி: கூட்­டணி கட்சி ஓட்­டு­களை பெற்­றுக் கொண்டு, அவர்­க­ளுக்கு ஆட்சி அதி­கா­ரத்­தில் பங்­க­ளிக்க மறுப்­பது சரியா?

பதில் : எங்­கள் கட்­சி­யின் நிறு­வ­னத் தலை­வ­ரான அண்ணா காலத்­தில் இருந்து, க.லைஞர் ஸ்டாலின் ஆட்சி வரை, அதே நிலை தான் நீடிக்­கி­றது. கடந்த 2006ம் ஆண்டு சட்­ட­சபை தேர்­தல் முடி­வில், தி.மு.க., வுக்கு 96 இடங்­கள் கிடைத்­தன. பா.ம.க., மற்­றும் காங்­கி­ரஸ் ஆத­ர­வு­டன் கரு கலை­ஞர் தலை­மை­யில், ஐந்­தாண்டு கால ஆட்சி சிறப்­பாக நடந்­தது. பா.ம.க.,வும் காங்­கி­ர­சும் ஆட்­சி­யில் பங்கு கேட்­க­வில்லை. தமி­ழ­கத்­தில் கூட்­டணி ஆட்­சியைமக்­க­ளும் விரும்ப மாட்­டார்­கள். அதைபல தேர்­தல்­க­ளில் மக்­கள் நிரூ­பித்­துள்­ள­னர்.

கேள்வி: பிர­த­மர் மோடி, அ.தி.மு.க., கூட்­ட­ணியை ஆத­ரித்து, நான்­கைந்து முறை தேர்­தல் பிரச்­சா­ரத்­திற் ­காக, தமி­ழ­கம் வந்து விட்­டார். ராகுல், அடிக்­கடி கேரளா சென்று பிரச்­சா­ரம் செய்­கி­றார். தமி­ழ­கம் வர­வில்லை. முதல்­வர் ஸ்டாலின் மீது அதி­ருப்­தி­யில் இருக்­கி­றார் என காங்­கி­ர­சார் கூறு­கின்­ற­னரே...

பதில்: காங்­கி­ரஸ் வேட்­பா­ளர்­கள் இன்­னும் அறி­விக்­கப்­ப­ட­வில்லை. பிறகு எப்­படி ராகுல் வரு­வார்; பட்­டி­யல் வெளி­யான பின் ராகுல் வரு­வார். ஒரே மேடை­யில் முதல்­வர் ஸ்டாலி­னும், ராகு­லும் பிரச்­சா­ரம் செய்ய வாய்ப்பு இருக்­கி­றது.

கேள்வி: ராம­தாஸ், சசி­கலா ஆகிய இரு­வ­ரும் கூட்­டணி அமைத்து போட்­டி­யி­டு­வ­தால், பா.ம.க., - அ.தி. மு.க., வெற்­றியை பாதிக்­கும்; தி.மு.க., கூட்­ட­ணிக்கு வலிமை சேர்க்­கும். அத­னால்­தான் தி.மு.க., பின்­ன­ணி­யில், அவர்­கள் கூட்­டணி அமைந்­துள்­ள­தாக கூறப்­ப­டு­வது பற்றி...

பதில்: எங்­கள் கூட்­டணி வலி­மை­யாக இருக்­கி­றது. பழ­னி­சா­மி­யும், சசி­க­லா­வும் எதி­ரும் புதி­ரு­மாக செயல்­ப­டு­கின்­ற­னர். எதிர்ப்­ப­ வர்­க­ளின் இடையே தான் சண்டை நடக்­கி­றது. அதற்கு குறுக்கே நாங்­கள் இருக்க விரும்­ப­வில்லை.

கேள்வி: காட்­டு­மன்­னார்­கோ­வில் தொகு­தி­யில், வி.சி.க., தலை­வர் திரு­மா­வ­ள­வன் போட்­டி­யி­டு­கி­றார். அவர் வெற்றி பெற்­றால், எம்.பி., பத­விக்கு இடைத்­தேர்­தல் நடக்­கும். அத்­தொ­கு­தியை வி.சி.க.வுக்கு தரு­வீர்­களா அல்­லது தி.மு.க., போட்­டி­யி­டுமா?

பதில்: அப்­போ­தைய அர­சி­யல் சூழ­லுக்கு ஏற்ப முடிவு செய்­யப்­ப­டும்.

200 தொகுதிகளுக்கு மேல்

வெற்றி பெறுவோம்!

கேள்வி: உங்­கள் கூட்­ட­ணி­யில் இடம்­பெற்­றுள்ள திரு­மா­வ­ள­வன், தொங்கு சட்­ட­சபை ஏற்­ப­டும் என்­கி­றார். புதிய தமி­ழ­கம் கிருஷ்­ண ­சா­மி­யும், யாருக்­கும் பெரும்­பான்மை கிடைக்­காது என்­கி­றார். இது நடக்க வாய்ப்பு இருக்­கி­றதா?

பதில் :தி.மு.க., 200 தொகு­தி­க­ளுக்கு மேல் வெற்றி பெற்று, உறு­தி­யாக ஆட்சி அமைக்­கும். தமி­ழ­கத்­தில் இது­வரை தொங்கு சட்­ட­சபை ஏற்­ப­ட­வில்லை; இனி­யும் வராது.

கேள்வி : விஜய் பின்­னால் இளை­ஞர்­கள் செல்­வதை தடுப்­ப­தற்­கா­க­வும், அவர்­கள் சிந்­தித்து செயல்­ப­டா­மல் இருக்க, கஞ்சா போதை மயக்­கத்­தில் வைக்க, இந்தஆட்­சி­யில், ‘கஞ்சா லாபி’ பர­வ­லாக்­கப்­பட்­ட­தாக த.வெ.க.வினர் குற்­றஞ் ­சாட்­டுகின்­ற­னரே..

குட்கா விற்பனையில் லஞ்சம் பெற்ற அ.தி.மு.க.வினர்!

பதில்: அ.தி.மு.க.வின் பத்­தாண்­டுக் கால ஆட்­சி­யில் குறிப்­பாக, பழ­னி­சா­மி­யின் தலை­மை­யி­லான ஆட்­சி­யில் தான் போதைப்­பொ­ருள் தலை­வி­ரித்து ஆடி­யது. அதானி நடத்­தும் துறை­மு­கம் வாயி­லாக தான் இந்­தியா முழு­தும் போதைப் பொருட்­கள் ஊடு­ரு­விக் கொண்­டி­ருக்­கின்­றன.

குட்கா விவ­கா­ரத்­தில் முன்­னாள் அமைச்­சர் உட்­பட போலீஸ் அதி­கா­ரி­களை, சி.பி.ஐ., கைது செய்­தது. நீதி­மன்­றத்­தில் வழக்­கு­கள் உள்­ளன. இது எல்­லாம் நடந்­தது பழ­னி­சாமி ஆட்­சி­யில், அவ­ரது தலை­மை­யில் செயல்­பட்ட காவல் துறை அதி­கா­ரி­க­ளான டி.ஜி.பி., கமி­ஷ­னர் போன்ற உய­ர­தி­கா­ரி­கள், குட்கா விற்­பனை விவ­கா­ரத்­தில் சிக்­கி­னர். குறிப்­பாக, குட்கா விற்­ப­னை­யில் இவ்­வ­ளவு லஞ்­சம் என்­றால், போதைப் பொருட்­க­ளுக்கு எவ்­வ­ளவு லஞ்­சம் வாங்­கி­னர் என்­பது அவர்­க­ளுக்கே வெளிச்­சம்.

ஒரு நீதிக்­கதை தான் ஞாப­கத்­திற்கு வரு­கி­றது. ‘அரண்­ம­னை­யில் அர­சன் சாப்­பிட்ட பழத்­தின் தோலை, தெனா­லி­ரா­மன் சாப்­பிட்­ட­தற்கு சவுக்­கடி தரப்­பட்­டது. தோலை சாப்­பிட்ட எனக்கு இந்த வலி வலித்­தால், பழம் சாப்­பிட்ட அர­ச­ருக்கு எப்­படி வலிக்­கும்’னு சொன்ன கதை­தான் ஞாப­கத்­திற்கு வரு­கி­றது.

கேள்வி: சி றப்பு வாக்­கா­ளர் பட்­டி­யல் திருத்­தத்­தில், நீக்­கப்­பட்ட வாக்­கா­ளர்­க­ளால், எங்­கள் கூட்­ட­ணிக்கு பின்­ன­டைவு ஏற்­ப­டும் என்­கி­றீர்­கள். திருத்­தம் முடிந்த பின் அமை­தி­யா­னது ஏன்?

பதில்: வாக்­கா­ளர்­கள் 65 லட்­சம் பேர் நீக்­கப்­பட்­ட­தும், தி.மு.க., தனிக்­க­வ­னம் செலுத்­தி­யது. சிறப்பு வாக்­கா­ளர்­கள் திருத்­தம் அறி­விக்­கப்­பட்­ட­தும், முதல்­வர் மு.க.ஸ்டாலின் அவர்­கள் நேர­டி­யாக கண்­கா­ணித்து, வாக்­கா­ளர்­கள் உரிமை பறி­போ­வதை சட்­ட­ரீ­தி­யாக தடுத்து விட்­டார். அவ­ரது முயற்­சி­யால்­தான், வாக்­கா­ளர் ­க­ளின் ஓட்­டு­ரிமை பாது­காக்­கப்­பட்டு உள்­ளது.

இவ்­வாறு ‘தினமலர்’ நாளிதழுக்கு ஆர்.எஸ்.பாரதி பேட்டி அளித்­துள்­ளார்.