#Title

வேலூர் மாவட்டம் – பொன்னையில் கழக அரசின் திட்டங்கள் - சாதனைகளைக் கூறி அைமச்சர் – கழகப் பொதுச்செயலாளர் துரைமுருகன் வாக்கு சேகரிப்பு! மலர் தூவி - ஆரத்தி எடுத்து பெண்கள் வரவேற்பு!

வேலூர், ஏப்.5–

வேலூர் மாவட்டம் பொன்னைபகுதியில் கழக அரசுசெய்த திட்டங்கள்- சாதனைகள் குறித்துஎடுத்துரைத்து காட்பாடி தொகுதி தி.மு.க. வேட்பாளர்- கழக பொதுச்செயலாளர் – அமைச்சர் துரைமுருகன் வாக்கு சேகரித்தார்.

அவருக்கு பூக்களைதூவி யும் ஆரத்தி எடுத்தும் பெண்கள் வரவேற்பு கொடுத்தனர்.

வேலூர் மாவட்டம் காட்பாடி தொகுதியில் தி.மு.க. வேட்பாளராக கழகப் பொதுச் செயலாளர்-, அமைச்சர் துரைமுருகன் அவர்கள் மீண்டும் போட்டியிடுகிறார்.

அவர் காட்பாடி தொகுதிக்கு உட்பட்ட பொன்னை பகுதியில் அவுலரங்கபள்ளி, கோடலவாரி, பொன்னை பாலேகுப்பம் எஸ்.என்.பாளையம், பொன்னை புதூர் கீரை சாத்து தீயார்குப்பம், உள்ளிட்ட 9 ஊராட்சிகளுக்கு உட்பட்ட கிராமங்களுக்குச் சென்று தி.மு.க. ஆட்சியின் போது அவர் செய்த சாதனைகளை எடுத்துக் கூறி தீவிரவாக்கு சேகரிப்பில் ஈடுபட்டார்.

அப்போது வழிநெடுகிலும் பெண்கள் பூக்களை தூவியும், ஆரத்தி எடுத்தும் அவரை வரவேற்றனர்.பொன்னை அடுத்த கீரைசாத்து பகுதியில் இருந்த பெண்கள் அவரது வாகனத்தின் அருகே வந்து தங்கள் கிராமத்திற்கு கடந்த மூன்று மாதங்களாக ஆற்காட்டில் இருந்து லாலாபேட்டை, கீரை சாத்து வழியாக பொன்னை வரை செல்லும் அரசு பஸ் இயக்கப்பட வில்லை. இப்போது மாணவ-, மாணவிகளுக்கு முழு ஆண்டு தேர்வுகள் நடைபெற்று வருவதால் பள்ளிக்குச் செல்வதற்காக அவர்கள்சிரமப்படுவதாகவும் பஸ்சை இயக்கவேண்டும் எனவும் கோரிக்கை வைத்தனர்.

உடனடியாக போக்குவரத்து துறைஅதிகாரிகளுக்கு தொலைபேசி வாயிலாக தொடர்புகொண்டு அந்த பஸ்சை இயக்கவேண்டும் என கேட்டுக் கொண்டார். பின்னர் நாளை முதலே இந்த பகுதிக்கு தொடர்ந்து பஸ் இயக்கப்படும் என பொதுமக்களிடம் வேட்பாளரும் அமைச்சருமான துரைமுருகன் அவர்கள்உறுதி அளித்தார்.

இதனைத் தொடர்ந்து கழக பொதுச் செயலாளர், வேட்பாளர் அமைச்சர் துரைமுருகன் பேசுகையில் 1970ல்பொன்னை ஆற்றின் குறுக்கே தரை பாலத்தை கட்டியவன் நான்தான் .அந்த பாலம் பல ஆண்டுகள் கடந்து பழுதான நிலையில் தற்போது ரூ.148 கோடியில் புதிய மேம்பாலத்தை கட்டி கொடுத்திருக்கிறேன். பொன்னை பகுதியில் அரசு மருத்துவமனையை கட்டிக் கொடுத்திருக்கிறேன். பொன்னையைச் சுற்றியுள்ள பல குக்கிரா மங்களுக்கு தார்ச் சாலை அமைத்துக் கொடுத்திருக்கிறேன். பஸ் வசதி இல்லாத கிராமங்களுக்கு பஸ் வசதி ஏற்படுத்திக் கொடுத்திருக்கிறேன். கடந்த ஐந்து ஆண்டு கால தி.மு.க. ஆட்சியில் எண்ணற்ற திட்டங் களை பொதுமக்களுக்காக செய்துள்ளேன் என்று கூறினார்.

தொடர்ந்து பேசிய அவர் மகளிர் உரிமைத் தொகை, முதியோர் உரிமைத்தொகை புதுமைப்பெண் திட்டம்,கல்லூரி மாணவ, மாணவிகளுக்கு லேப்டாப் வழங்கும் திட்டம், மகளிர்க்கு அரசு பஸ்களில் விடியல் பயணத்திட்டம் உள்பட தி.மு.க. ஆட்சியில் நிறைவேற்றப்பட்ட திட்டங்களை எடுத்துக் கூறிவாக்குச் சேகரித்தார்.

நிகழ்ச்சியில்வேலூர் வடக்கு மாவட்ட தி.மு.க. பொறுப்பாளர்- நாடாளுமன்ற உறுப்பினர் டி.எம். கதிர்ஆனந்த், ஒன்றிய குழுத் தலைவர் வேல்முருகன், ஒன்றிய தி.மு.க. செயலாளர்கள் சி.ரவி, கே. கருணாகரன்பொன்னை ஊராட்சி மன்ற தலைவர் ரமேஷ் வள்ளிமலை ஊராட்சி மன்ற தலைவர் வாசுகி, கோட்டீஸ்வரன், பெருமாள்குப்பம் ஊராட்சி மன்ற தலைவர்கோட்டி, எருக்கம்பட்டி ஊராட்சி மன்ற தலைவர் கோமதி சுதாகர் மற்றும் தி.மு.க. நிர்வாகிகள்- மதச் சார்பற்ற முற்போக்குக் கூட்டணி கட்சி நிர்வாகிகள் கலந்து கொண்டனர்.