சென்னை, ஏப்.06

சென்னை வடக்கு மாவட்டம் ஆர்.கே.நகர் கிழக்கு பகுதியில் மதச்சார்பற்ற முற்போக்கு கூட்டணி கழக வேட்பாளர் ஜே.ஜே.எபினேசர் எம்.எல்.ஏ, தீவிர தேர்தல் பரப்புரை மற்றும் வாக்கு சேகரிப்பு இன்று (06.04.2026 திங்கட்கிழமை) காலை 06.00 மணியளவில் 39வது வட்டம், ஏ.இ.கோயில் தெரு முருகன் கோவிலில் இருந்து வாக்கு சேகரிப்பைத் தொடங்குகிறார்.

தொடர்ந்து வள்ளுவர் நகர், பாரதியார் நகர், கிராஸ் ரோடு, எல்ஐஜி காலனி, சிவன் நகர், மங்கம்மாள் தோட்டம், உள்ளிட்ட பகுதிகளில் பரப்புரை மேற்கொள்கிறார்.

பின்னர் மாலை 03.00 மணி முதல் வீரராகவன் தெருவில் தொடங்கி, செரியன் நகர், அசோக் நகர், தனபால் நகர், தேசிய நகர் மற்றும் டிஎல்பி காலனி உள்ளிட்ட பகுதிகளில் பொதுமக்களைச் சந்தித்து உதயசூரியன் சின்னத்திற்கு வாக்கு சேகரிக்கிறார்.

இந்த வாக்குச் சேகரிப்பில் மாவட்ட, பகுதி, வட்டக் கழக நிர்வாகிகள், கூட்டணி கட்சி நிர்வாகிகள், வாக்குச்சாவடி முகவர்கள், இளைஞர் அணி, மாணவர் அணி உள்ளிட்ட பாசறை நிர்வாகிகள், மகளிர் அணியினர் மற்றும் கழகத் தொண்டர்கள் அனைவரும் பெருந்திரளாகக் கலந்து கொள்ளுமாறு பகுதிச் செயலாளர் இரா.லட்சுமணன் அறிக்கையில் கூறியுள்ளார்.