திருவண்ணாமலை, ஏப். 6–
சிஏஏ சட்ட திருத்தத்தில் சிறுபான்மையினர் நலனுக்கு எதிராக, மோடி அரசுக்கு ஆதரவாக வாக்களித்த எடப்பாடி எந்த முகத்தோடு வாக்குசேகரிக்க வருகிறார் என்று, திருவண்ணா மலையில் வீதி, வீதியாக வாக்குசேகரிப்பின்போது, பொதுப்பணித்துறை அமைச்சரும், கழக வேட்பாளருமான எ.வ.வேலு அவர்கள் உரையாற்றும்போது குறிப்பிட்டார்.
05.04.2026 ஞாயிற்றுக்கிழமை காலை 7.00மணிக்கு திருவண்ணாமலை, மதச்சார்பற்ற முற்போக்குக்
கூட்டணியின், திருவண்ணா மலை சட்டமன்றத் தொகுதி கழக வேட்பாளரும், பொதுப்பணித்துறை அமைச்சருமான எ.வ.வேலு அவர்கள் பொதுமக்களிடம் வாக்குசேகரித்தலை தொடங்கினார்.
தண்டராம்பட்டு ரோடு, அங்காளம்மன் கோயில், கோரிமேடு 5வது தெரு, பட்டேல் அப்துல் ரசாக் தெரு, தாமரை நகர் வீட்டுவசதி வாரிய குடியிருப்புகள், அண்ணா நகர் 3, 5, 7வது தெருக்கள், மணலூர்பேட்டைரோடு ஆகிய பகுதிகளில் வீதி, வீதியாக பொதுமக்கள் மற்றும் வியாபாரிகளிடம் பொதுப்பணித்துறை அமைச்சர் எ.வ.வேலு வாக்குசேகரித்தார்.
வாக்குசேகரிப்பின்போது அவர் பேசியதாவது:–
இது ஒரு ஜனநாயகப் போர். தமிழ்நாட்டை,
தமிழர்களை வஞ்சிக்கும் டெல்லி ஏகாதிபத்தியமான மோடி அரசை எதிர்த்து, முதலமைச்சர் மு.க. ஸ்டாலின் தலைமையில் நடக்கும் ஜனநாயகப் போர். திராவிட மாடல் ஆட்சி நாயகன் மு.க. ஸ்டாலின் அவர்களின் ஆசியோடு மதச்சார்பற்ற முற்போக்குக் கூட்டணியின் வேட்பாளராக, உங்கள் அன்பு சகோதரன் போட்டியிடுகிறேன்.
கடந்த 5 ஆண்டு காலமாக திராவிட மாடல்
நாயகன் மு.க.ஸ்டாலின் அவர்கள் நாட்டிற்கும், வீட்டிற்கும் தேவையான ஆட்சியை நடத்தினார். நாட்டிற்கு என்று எடுத்துக் கொண்டால் இந்தியாவிலேயே வளர்ச்சியடைந்த முதல் மாநிலம் தமிழ்நாடு, கல்வியில், தொழில் வளர்ச்சியில், அன்னிய முதலீட்டை ஈர்ப்பத்தில், தனிமனித பொருளாதாரத்தில் என அனைத்து தரப்பிலும் முதலிடத்தில் உள்ளது. இதை நாங்கள் சொல்லவில்லை, ஒன்றிய அரசின் புள்ளிவிவரம் சொல்லுகிறது.
வீட்டிற்கு என்று எடுத்துக்கொண்டால், மகளிருக்கு கலைஞர் உரிமைத் தொகை ரூபாய் ஆயிரம், கல்லூரி பயில புதுமைப் பெண் திட்டத்தில் ரூபாய் ஆயிரம், தமிழ்ப்புதல்வன் திட்டத்தில் ரூபாய் ஆயிரம். மகளிருக்கு விடியல் பயணம், வடஇந்தியர்களே அதிகமாக ஐஏஎஸ் அதிகாரிகளாக அதிகம்பேர் இருந்தனர். அந்த நிலையை மாற்ற நான் முதல்வன்திட்டம் கொண்டுவந்து தமிழர்கள் ஏன், கூலி வேலை செய்பவர்கள் மகள்கூட இன்றுஐ.ஏ.எஸ். அதிகாரியாக மாறும்நிலை உருவாகியுள்ளது.
சிறுபான்மையினருக்கு எதிரான, குடியுரிமை திட்ட சட்டத்தில் (சிஏஏ) மோடி அரசுக்கு ஆதரவாக நாடாளுமன்றத்தில் வாக்களித்த எடப்பாடி எந்த முகத்தை வைத்துக்கொண்டு மக்களிடம் வாக்கு கேட்கிறார் என்று தெரியவில்லை.
நமது முதல்வர் அண்ணன் ஸ்டாலின் இல்லதரசி திட்டத்தில் ரூ.8ஆயிரம் கூப்பன் கொடுக்கப்படும். உங்களுக்கு தேவையான குளிர்சாதனப் பெட்டியோ, சலவை இயந்திரமோ உங்களுக்கு தேவையானதை வாங்கிக் கொள்ளலாம் என்று அறிவித்திருக்கிறார். மேலும், கலைஞர் மகளிர் உரிமைத் தொகை ரூபாய் ஆயிரத்திலிருந்து ரூபாய் இரண்டாயிரமாக உயர்த்தப்படும் என வாக்களித்துள்ளார்.
தமிழர்களை தொடர்ந்து வஞ்சிக்கும் டெல்லி ஏகாதிபத்தியத்தை வீழ்த்துவோம், தமிழ்நாடு வெல்லட்டும்.
இவ்வாறு அவர் உரையாற்றினார்.
வாக்குசேகரிப்பு நிகழ்ச்சியில் தலைமைச் செயற்குழு உறுப்பினர் இரா.ஸ்ரீதரன், மாவட்டப் பொரு ளாளர் எஸ்.பன்னீர்செல்வம், மாநகர செயலாளர் ப.கார்த்திவேல்மாறன், மாவட்ட துணை செயலாளர் பிரியா விஜயரங்கன், விஜயலட்சுமிரமேஷ், காங்கிரஸ் மாவட்ட தலைவர் கே.குணசேகரன், ம.தி.மு.க. மாவட்டசெயலாளர் சீனி.கார்த்திகேயன், தே.மு.தி.க. மாவட்டசெயலாளர் வி.எம்.நேரு, சி.பி.எம். எம்.சிவக்குமார், சி.பி.ஐ., மாவட்டச் செயலாளர் இரா.திருமலை, முஸ்லீம் லீக் மாவட்டத் தலைவர்
ஐ.எம்.சுலைமான்கான், விடுதலை சிறுத்தைகள் மாவட்டச் செயலாளர் ச. நியூட்டன், மனிதநேய மக்கள் கட்சி மாவட்டத் தலைவர் நாசர் உசேன், மக்கள் நீதி மைய்யம் மண்டல பொறுப்பாளர் இரா.அருள், மனிதநேய ஜனநாயக கட்சி ஜி.கேட் குமார், எஸ்.டி.பி.ஐ.மாவட்ட தலைவர் முஸ்தாக் பாஷா, தமிழக முன்னேற்றக் கழக நிறுவனத் தலைவர் கு.ராஜாராம், தமிழக விவசாய தொழிலாளர் பி.வாசு, ஆதித் தமிழர் பேரவை எஸ்.கந்தன், தலித் விடுதலை இயக்கம் என்.ஏ.கிச்சா மற்றும் துணை மேயர் சு. ராஜாங்கம், பகுதி பொறுப்பாளர்கள் சு.விஜி (எ) விஜயராஜ், அ.கோவிந்தன், ந.சீனுவாசன், குட்டி க.புகழேந்தி, சி.சண்முகம்,பா.ஷெரீப் மற்றும் கூட்டணிஇயக்கத்தினர், பொதுமக்கள் கலந்து கொண்டனர்.