நாமக்கல் மாவட்டம் ராசிபுரம் (தனி) சட்டமன்ற தொகுதியில் தி.மு.க. கூட்டணி கட்சியின் தேர்தல் அலுவலகம் திறப்பு விழா நடைபெற்றது. ராசிபுரம் பழைய பேருந்து நிலையம் அருகே தி.மு.க. தேர்தல் அலுவலகத்தை நாமக்கல் கிழக்கு மாவட்ட செயலாளரும், மாநிலங்களவை உறுப்பினர் கே.ஆர்.என். இராஜேஸ்குமார் திறந்து வைத்தார். இந்நிகழ்ச்சியில் அமைச்சரும் தொகுதி வேட்பாளருமான மா.மதிவேந்தன், தொகுதி தேர்தல் பார்வையாளர் நன்னியூர் ராஜேந்திரன், முன்னாள் எம்.எல்.ஏ.., கே.பி.ராமசாமி, தொகுதி தேர்தல் பணி குழு பொறுப்பாளர் ஏ.கே. பாலச்சந்திரன், நகர தி.மு.க. செயலாளர் என்.ஆர்.சங்கர் மற்றும் காங்கிரஸ், தே.மு.தி.க., விடுதலை சிறுத்தைகள், கம்யூனிஸ்ட் போன்ற கூட்டணி கட்சிகளைச் சேர்ந்த மாவட்ட, நகர, ஒன்றிய, நிர்வாகிகள் பலரும் பங்கேற்றனர்.