சங்­க­ரன்­கோ­வில்,ஏப்.6–

‘மோடிஜி, Where Is LPG?’ என்று கேட்­கும் மக்­க­ளுக்­குப் பிர­த­ம­ரின் பதில் என்ன? என்­றும், தமிழ்­நாட்­டில் மும்­மொ­ழிக் கொள்­கையை அமல்­ப­டுத்­து­வோம் என்று சொல்லி பிரச்­சா­ரம் செய்­யும் தைரி­யம் NDA–வுக்கு இருக்­கி­றதா? என­வும், சங்­க­ரன்­கோ­வில் பிரச்­சா­ரக் கூட்­டத்­தில் தலை­வர், முதல்­வர் மு.க.ஸ்டாலின் கேள்வி எழுப்­பி­யுள்­ளார்.

கழ­கத் தலை­வ­ரும், முத­ல­மைச்­சரு ­மான மு.க. ஸ்டாலின் அவர்­கள் நேற்று முன்தினம் (04–04–2026) சங்­க­ரன்­கோ­வி­லில் நடை­பெற்ற சட்­ட­மன்­றத் தேர்­தல் பரப்­பு­ரைப் பொதுக்­கூட்­டத்­தில் ஆற்­றிய உரை வரு­மாறு:

அந்­நிய ஆதிக்­கத்­திற்கு தலை­கு­னிய மாட்­டோம் என்று விடு­த­லைப் போராட்­டத்­திற்கு வித்­திட்ட, மாவீ­ரர் பூலித்­தே­வ­ரும், உயி­ரையே துச்­ச­மாக நினைத்து செயல்­பட்ட தள­பதி ஒண்­டி­வீ­ர­னும் வாழ்ந்த மண்­ணில், தமிழ்­நாட்­டைத் தலை­கு­னிய விடக்­கூ­டாது என்று சொல்­வ­தற்­காக தமிழ்­நாட்டை தொடர்ந்து வளர்ச்­சிப் பாதை­யில் அழைத்­துச் செல்­வ­தற்­காக திரா­விட முன்­னேற்­றக் கழ­கத்­தின் தலை­மை­யி­லான மதச்­சார்­பற்ற முற்­போக்­குக் கூட்­ட­ணிக்கு ஆத­ர­வைக் கேட்டு உங்­க­ளி­டம் நான் வந்­தி­ருக்­கி­றேன்.

கழ­கம் மீண்­டும் ஆட்­சி­யில் அமர

நம் வேட்­பா­ளர்­களை வெற்றி பெறச் செய்­வீர்!

ஏழா­வது முறை­யும் தி.மு.க. ஆட்­சிப் பொறுப்­பில் அமர வேண்­டும்; திரா­விட மாடல் 2.0–வில் தமிழ்­நாடு புதிய உய­ரங்­களை அடைய வேண்­டும் என்று உங்­க­ளி­டத்­தில் வாக்கு கேட்டு வந்­தி­ருக்­கி­றேன். திரா­விட மாடல் 2.0–வுக்கு நான் ரெடி? நீங்­கள் ரெடியா? ரெடி (மக்­கள்). அதற்கு இந்த மேடை­யில் நிற்­கும் வேட்­பா­ளர்­களை வெற்றி பெற வைக்க வேண்­டும். அதற்கு நீங்­கள் தயாரா? தயார் (மக்­கள்).

முத­லில், வாசு­தே­வ­நல்­லூர் தொகு­தி­யில் போட்­டி­யி­டும் நம்­மு­டைய வெல்­லும் வேட்­பா­ளர் மாவட்­டச் செய­லா­ளர் தம்பி ஈ. ராஜா அவர்­கள். இளை­ஞ­ர­ணி­யில் இருந்து வளர்ந்து, இன்று மாவட்­டச் செய­லா­ள­ராக உயர்ந்­தி­ருக்­கி­றார். சங்­க­ரன்­கோ­வில் எம்.எல்.ஏ.–வாக சிறப்­பா­கப் பணி­யாற்­றி­ய­வர். சங்­க­ரன்­கோ­வி­லுக்கு பல்­வேறு திட்­டங்­களை வாங்­கித் தந்­தது போன்று, வாசு­தே­வ­நல்­லூ­ருக்­கும் நிச்­ச­யம் வாங்­கித் தரு­வார். தம்பி ராஜா­வுக்கு வாசு­தே­வ­நல்­லூர் மக்­கள் உத­ய­சூ­ரி­யன் சின்­னத்­தில் உங்­கள் பொன்­னான வாக்­கு­களை அளிக்க வேண்­டும்.

அடுத்து, தென்­கா­சித் தொகு­தி­யில் நம்­மு­டைய வெல்­லும் வேட்­பா­ளர் தம்பி கலை கதி­ர­வன் அவர்­கள். பல ஆண்டு கால­மாக என்­னு­டைய நிழ­லாக பணி­யாற்றி வரும் இணை அமைப்­புச் செய­லா­ளர் அன்­ப­கம் கலை­யின் மகன்­தான் கலை கதி­ர­வன். மருத்­து­வம் படித்து டாக்­ட­ராக பணி­யாற்றி, இப்­போது மக்­கள் பணிக்­காக வந்­தி­ருக்­கி­றார். தம்பி கலை கதி­ர­வ­னுக்கு உத­ய­சூ­ரி­யன் சின்­னத்­தில் உங்­கள் பொன்­னான வாக்­கு­களை நீங்­கள் அளிக்க வேண்­டும்.

அடுத்து, ஆலங்­கு­ளம் தொகு­தி­யில் நம்­மு­டைய வெல்­லும் வேட்­பா­ளர் வழக்­க­றி­ஞர் அரு­மைச் சகோ­த­ரர் மனோஜ் பாண்­டி­யன் அவர்­கள். முன்­னாள் சட்­டப் பேர­வைத் தலை­வர் பெரு­ம­திப்­பிற்­கு­ரிய பி.எச். பாண்­டி­யன் அவர்­க­ளின் அன்பு மகன்! இரண்டு முறை எம்.எல்.ஏ! மாநி­லங்­க­ளவை உறுப்­பி­னர்! எப்­போ­தும் தொகுதி மக்­க­ளுக்­காக உழைப்­ப­வர்! மனோஜ் அவர்­க­ளுக்கு, உத­ய­சூ­ரி­யன் சின்­னத்­தில் உங்­கள் பொன்­னான வாக்­கு­களை அளிக்க வேண்­டும்.

அடுத்து, கடை­ய­நல்­லூர் தொகு­தி­யில் மறு­ம­லர்ச்சி திரா­விட முன்­னேற்­றக் கழ­கத்­தைச் சேர்ந்த நம்­மு­டைய வெல்­லும் வேட்­பா­ளர் தி.மு. ராஜேந்­தி­ரன் அவர்­கள். மாண­வர் தி.மு.க.வில் போராட்­டக் குணத்­து­டன் வளர்ந்­த­வர். தென் மாவட்­டத்­தில் அண்­ணன் வைகோ அவர்­க­ளின் அன்­பைப் பெற்­ற­வர்! மறு­ம­லர்ச்சி தி.மு.க. துணைப் பொதுச்­செ­ய­லா­ளர்! முப்­பது ஆண்­டு­கள் மக்­கள் பிரச்­சி­னை­க­ளுக்­காக போரா­டி­ய­வர்! கொள்கை தோழ­மை­யான தி.மு. ராஜேந்­தி­ரன் அவர்­க­ளுக்கு, உத­ய­சூ­ரி­யன் சின்­னத்­தில் உங்­கள் பொன்­னான வாக்­கு­களை நீங்­கள் அளிக்க வேண்­டும்.

அடுத்து, சங்­க­ரன்­கோ­வில் தொகு­தி­யில் காங்­கி­ரஸ் பேரி­யக்­கத்­தின் வேட்­பா­ளர் அரு­மைச் சகோ­த­ரர் ராகுல் காந்தி அவர்­க­ளால் அறி­விக்­கப்­பட்­டி­ருக்­கும் கணே­சன் அவர்­கள். முன்­னாள் ஒன்­றிய அமைச்­சர் அரு­ணா­ச­லம் அவர்­க­ளின் தம்பி மகன்­தான் அவர்! மாண­வ­ராக இருந்­த­போதே மக்­கள் பணி­யில் ஈடு­பட்ட இவர், இன்று சங்­க­ரன்­கோ­வில் வேட்­பா­ள­ராக வந்­தி­ருக்­கி­றார்! கணே­சன் அவர்­க­ளுக்கு கை சின்­னத்­தில் உங்­கள் பொன்­னான வாக்­கு­களை நீங்­கள் எல்­லாம் அளிக்க வேண்­டும்.

தென்­காசி மாவட்­டத்­தில்

5 வேட்­பா­ளர்­க­ளும் வென்­றாக வேண்­டும்!

தென்­காசி மாவட்ட மக்­கள் இந்த ஐந்து மதச்­சார்­பற்ற முற்­போக்­குக் கூட்­டணி வேட்­பா­ளர்­களை வெற்றி பெற வைப்­பீர்­களா? வைப்­போம் (மக்­கள்). வெற்றி உறு­தியா? உறுதி (மக்­கள்). வெற்றி உறுதி என்று சொல்­லி­விட்­டார்­கள். வேட்­பா­ளர்­கள் இப்­போது உட்­கா­ர­லாம்.

இன்­றைக்கு, நாங்­கள் கொள்­கைக் கூட்­ட­ணி­யோடு வந்து வாக்கு கேட்­கி­றோம். இன்­னொரு பக்­கம், பா.ஜ.க.வும் – அ.தி.மு.க.வும் உங்­க­ளி­டம் வாக்கு கேட்டு வரு­கி­றார்­கள். ஆனால், அவர்­க­ளால் தமிழ்­நாட்­டிற்­கும் – தமிழ்­நாட்டு மக்­க­ளுக்­கும் என்­னென்ன நன்­மை­கள் செய்­தி­ருக்­கி­றார்­கள் என்று ஏதா­வது சொல்ல முடி­கி­றதா?

வார்டு கவுன்­சி­ல­ருக்­குக் கூட

பழ­னி­சாமி தகு­தி­யில்லை என்­றார்

அன்­பு­மணி!

எந்­தக் கொள்­கையை அடிப்­ப­டை­யாக வைத்து கூட்­டணி அமைத்­தி­ருக்­கி­றார்­கள் என்று வெளிப்­ப­டை­யா­கச் சொல்ல முடி­யாத நிலை இன்­றைக்கு அவர்­க­ளுக்கு! கூட்­ட­ணி­யாக இருந்­தா­லும் அதில் பல பேர் பழ­னி­சா­மியை ஏற்­றுக் கொள்ள மாட்­டோம்; N.D.A.தான் எங்­கள் முகம் என்று சொல்­கி­றார்­கள்!

அந்­தக் கூட்­ட­ணி­யின் இலட்­ச­ணத்தை சொல்­கி­றேன் பாருங்­கள். “பழ­னி­சாமி அவர்­கள் ஒரு வார்டு கவுன்­சி­லர் ஆவ­தற்­கு­கூட தகு­தி­யில்­லா­த­வர்” என்று அந்­தக் கூட்­ட­ணி­யில் இருக்­கும், அன்­பு­மணி சொன்­னார். அவர் இன்­னும் நிறை­ய­சொன்­னார். நாக­ரி­கம் கருதி அதை­யெல்­லாம் நான் இந்த மேடை­யில் சொல்ல விரும்­ப­வில்லை.

அதே­போன்று, பழ­னி­சா­மி­யின் திடீர் பங்­கா­ளி­யா­கக் கூட்டு வைத்­தி­ருக்­கும் டி.டி.வி. தின­க­ரன் அவர்­கள், “பழ­னி­சா­மி­யு­டன் கூட்­டணி வைப்­பதை, நான் விரும்­ப­வில்லை. வெட்­கப்­ப­டு­கி­றேன், வேத­னைப்­ப­டு­கி­றேன். அதை­விட தூக்­கில் தொங்­கி­வி­டு­வோம்” என்று சொன்­னார்.

பா.ஜ.க.வில் இருப்­ப­வர்­கள் இன்­னும் மோச­மா­கப் பேசி­னார்­கள். இத்­தனை முரண்­பா­டு­க­ளைக் கொண்ட இவர்­கள்ஊழ­லால் ஒன்று சேர்ந்து, தங்­க­ளின் குடு­மியை அமித்­ஷா­வி­டம் கொடுத்து, N.D.A. டப்பா எஞ்­சி­னில் இன்­றைக்கு வந்­தி­ருக்­கி­றார்­கள். அத­னால் அவர்­க­ளுக்கு கிடைத்­தி­ருக்­கும் பிரச்­சார யுக்தி என்­பது, அவ­தூறு பரப்­பு­வது! பொய்­க­ளைப் பேசு­வது! மக்­க­ளைப் பிள­வுப்­ப­டுத்­து­வது!

கொள்­கை­க­ளை­யும் – சாத­னை­க­ளை­யும்

நெஞ்சை நிமிர்த்தி முழங்­கும் நம்கூட்­டணி!

ஆனால், மதச்­சார்­பற்ற முற்­போக்­குக் கூட்­டணி என்­பது, கொள்­கை­க­ளை­யும் சாத­னை­க­ளை­யும் மேடைக்கு மேடை நெஞ்சை நிமிர்த்தி முழங்­கும் கூட்­டணி!