திருவண்ணாமலை,
ஏப். 6–
தமிழர்களை வஞ்சிக்கும் டெல்லிக்கு எதிராக, முதலமைச்சர் மு.க. ஸ்டாலின் நடத்தும் ஜனநாயகப் போரில் தமிழ்நாடு நிச்சியம் வெற்றிபெறும் என்று, திருவண்ணாமலையில் வீதி, வீதியாக வாக்குசேகரிப்பின்போது, பொதுப்பணித்துறை அமைச்சரும், கழக வேட்பாளருமான எ.வ.வேலு உரையாற்றும் போது குறிப்பிட்டார்.
03.04.2026 வெள்ளிக்கிழமை காலை 7.00மணிக்கு திருவண்ணா மலை அண்ணாமலையார் திருக்கோவில் எதிரில், மதச்சார்பற்ற முற்போக்குக் கூட்டணியின், திருவண்ணா மலை சட்டமன்றத் தொகுதி கழக வேட்பாளரும், பொதுப்பணித்துறை அமைச்சருமான எ.வ.வேலு அவர்கள் பொதுமக்களிடம் வாக்குசேகரித்தலை தொடங்கினார்.
அண்ணாமலையார் திருக்கோ வில் எதிரிலிருந்து தொடங்கிய வாக்குசேகரிக்கும் நிகழ்ச்சி தேரடி வீதி, கடலைக் கடை சந்திப்பு, கடம்பராயன் தெரு, அய்யங்குளத் தெரு, திருக்கோவிலூர் சாலை வழியாக திருவள்ளுவர் சிலை வரை, வீதி, வீதியாக பொதுமக்கள் மற்றும் வியாபாரிகளிடம் பொதுப்பணித்துறை அமைச்சர் எ.வ.வேலு அவர்கள் வாக்குச் சேகரித்தார்.
வாக்குசேகரிப்பின்போது பேசியதாவது:–
இது வெறும் வாக்குச் சேகரிப்பு நிகழ்ச்சி அல்ல, இது ஒரு ஜனநாயகப் போர். தமிழ்நாட்டை, தமிழர்களை வஞ்சிக்கும் டெல்லி ஏகாதிபத்தியமான மோடி அரசை எதிர்த்து, முதலமைச்சர் மு.க. ஸ்டாலின் தலைமையில் நடக்கும் ஜனநாயகப் போர்.
டெல்லி ஏகாதிபத்தியமான பாரதிய ஜனதா அரசு, தமிழ்நாட்டிற்கு தரவேண்டிய திட்டங்களுக்கான நிதியோ, வெள்ள நிவாரண நிதியோ அல்லது கல்வி நிதியோ தர மறுக்கிறார்கள்.
இந்தியாவிலேயே ஜி.எஸ்.டி.யாக அதிகம் வசூலிக்கப்படுவது தமிழ்நாட்டில்தான். ஆனால், நமக்கு 1ரூபாய்க்கு 29பைசாக்கள் தருகிறார்கள். மீதித் தொகை நம்முடைய பணம் எங்கே செல்கிறது தெரியுமா? வட மாநிலங்களான உத்திரப்பிரதேசம், பீகார், இராஜஸ்தான், மகாராஸ்டிரம் போன்ற பகுதிகளுக்கு நம்முடைய வரிப்பணம் செலவிடப்படுகிறது.
நமது பேரறிஞர் அண்ணா பொறுப்பேற்றவுடன் இரு மொழிக் கொள்கைதான் தமிழ்நாட்டிற்கு என்று சட்டம் இயற்றினார். அதை தலைவர் கலைஞரும், முதல மைச்சர் மு.க. ஸ்டாலினும் தொடர்ந்து நடைமுறைப்படுத்தி வருகிறார்கள். அண்ணா தெளிவாகச் சொன்னார் நமக்கு தாய் மொழி தமிழ். தொடர்பு மொழி ஆங்கிலம் என்று. இந்தி படித்தால்தான் தமிழ்நாட்டிற்கான கல்வி நிதியை தரமுடியும் என்று டெல்லி ஏகாதிபத்தியம் கொக்கரிக்கிறது.
பீகாரிலும், உத்திரப்பிரதேசத்திலும் இந்தி படித்தவர்கள் என்ன செய்கிறார்கள். நமது தமிழ்நாட்டில் கொத்தனார் வேலைகளிலும், மருத்துவமனைகளிலும், தொழிற்சாலைகளிலும் கூலி வேலை செய்து வருகிறார்கள். தமிழர்கள் தமிழோடு, தொடர்பு மொழியான ஆங்கிலத்தை கற்றதால்தான், கடந்த 50 ஆண்டுகளாக வெளிநாடுகளில் கணினி தொழில்நுட்பத்திலும், வேலை வாய்ப்பிலும் உயர்ந்திருக்கிறார்கள்.
இந்தி படித்தால்தான் கல்வி மானியம் தரப்படும் என டெல்லிஏகாதிபத்தியமான மோடி அரசாங்கத்தைப் பார்த்து தமிழ்நாடு முதலமைச்சர் மு.க.ஸ்டாலின் அவர்கள், நீங்கள் கோடி கொட்டிக் கொடுத்தாலும், எங்களுக்கு இந்தி வேண்டாம், நாங்கள் இருமொழிக் கொள்கையில் உறுதியாக இருக்கிறோம் என்று சொல்லியிருக்கிறார்.
நமது கூட்டணி என்பது மதச்சார்பற்றது, சர்வாதிகாரத்திற்கு எதிரானது, ஜனநாயகத்தை பாதுகாக்கும் கொள்கை வழிக் கூட்டணி. தமிழ்நாட்டை, தமிழர்களை தொடர்ந்து வஞ்சிக்கும் டெல்லி ஏகாதிபத்தியத்தை வீழ்த்துவோம், தமிழ்நாடு வெல்லட்டும். இவ்வாறு உரையாற்றினார்.
வாக்குச்சேகரிப்பு நிகழ்ச்சி யில் நாடாளுமன்ற உறுப்பினர் சி.என்.அண்ணாதுரை, தலைமைச் செயற்குழு உறுப்பினர் இரா.ஸ்ரீதரன், மாவட்டப் பொருளாளர் எஸ்.பன்னீர்செல்வம், மாநகர செயலாளர் ப.கார்த்திவேல்மாறன், மாவட்ட துணை செயலாளர் பிரியா விஜய ரங்கன், மாநகர மேயர் நிர்மலா வேல்மாறன், காங்கிரஸ் மாவட்டத் தலைவர் கே.குணசேகரன், தி.க. தலைவர் சி.மூர்த்தி, ம.தி.மு.க. மாவட்டச் செயலாளர் சீனி.கார்த்திகேயன், தே.மு.தி.க. மாவட்டச் செயலாளர் வி.எம்.நேரு, சி.பி.எம். எம்.சிவக்குமார், சி.பி.ஐ., மாவட்ட செயலாளர் இரா.திருமலை,முஸ்லீம் லீக் மாவட்ட தலைவர் ஐ.எம்.சுலைமான் கான், விடுதலைச் சிறுத்தைகள் மாவட்ட செயலாளர் ச.நியூட்டன், மனிதநேய மக்கள் கட்சி மாவட்டத் தலைவர் நாசர் உசேன், மக்கள் நீதி மையம் மண்டல பொறுப்பாளர் இரா.அருள், மனிதநேய ஜனநாயக கட்சிஜி.கேட் குமார், எஸ்.டி.பி.ஐ.மாவட்ட தலைவர் முஸ்தாக் பாஷா, தமிழக முன்னேற்றக் கழக நிறுவனத் தலைவர் கு.ராஜாராம், தமிழக விவசாய தொழிலாளர் பி.வாசு, ஆதித் தமிழர் பேரவை எஸ்.கந்தன், தலித் விடுதலை இயக்கம் என்.ஏ.கிச்சா மற்றும் துணை மேயர் சு.ராஜாங்கம், பகுதி பொறுப்பாளர்கள் சு.விஜி(எ) விஜயராஜ், அ.கோவிந்தன், ந.சீனுவாசன், குட்டி க.புகழேந்தி, சி.சண்முகம், பா.ஷெரீப் மற்றும் கூட்டணி இயக்கத்தினர், பொதுமக்கள் கலந்து கொண்டனர்.