புதுக்கோட்டை, ஏப். 6 –
புதுக்கோட்டை மாவட்டம் திருமயத்தில் திருமயம் சட்டமன்ற தொகுதி திமுக வேட்பாளர் அறிமுக மற்றும் செயல்வீரர்கள் கூட்டம் நடைபெற்றது. கூட்டத்திற்க்கு மாவட்ட அவைத் தலைவர் அ.சுப்பிரமணியன் தலைமை தாங்கினார். திருமயம் தெற்கு ஒன்றியச் செயலாளர் அழகு சிதம்பரம் வரவேற்புரையாற்றினார்.இந்தக் கூட்டத்தில் புதுக் கோட்டை தெற்கு மாவட்டச் செயலாளர், திருமயம் தொகுதி திமுக வேட்பாளரும் இயற்கை வளங்கள் துறை அமைச்சருமான எஸ்.ரகுபதி கலந்துகொண்டு பேசினார். அப்போது அவர் பேசியதாவது:-
திருமயம் சட்டமன்ற தொகுதியில் முத்துவேல் கருணாநிதி ஸ்டாலின் அவர்களால் உதய சூரியன் சின்னத்தில் போட்டியிடுகிற நான் திருமயம் தொகுதியில் தேர்தல் பணியை தொடங்குகிறோம். கழகத் தலைவர் தளபதி அவர்கள் எனக்கு சட்டத்துறை அமைச்சராகவும் இயற்கை வளங்கள் துறை அமைச்சர் ஆகவும் பணியாற்றுகின்ற வாய்ப்புகள் தந்தார்கள். இத்தனை வாய்ப்புகள் எனக்கு கிடைத்ததற்கு காரணம் திருமயம் தொகுதி மக்கள் தான் என்பதை நான் என்றைக்கும் மறக்க மாட்டேன். ஒரு தொகுதியை ஒருவன் எப்படி நேசிக்கிறானோ அவன் தான் அந்த தொகுதியில் அக்கறை உள்ளவனாக இருப்பான். திருமயம் தொகுதி 1952 இல் இருந்து 15 சட்டமன்ற தொகுதிகளை சந்தித்து இருக்கிறது . 14 சட்டமன்ற தொகுதிகளில் இல்லாத மாற்றங்களை, வளர்ச்சிகளை கொண்டு வந்திருக்கிறேன் என்பதை மனுசாட்சி உள்ள எவரும் மறுக்க முடியாது. திருமயம் மக்களின் நீண்ட நாள் கோரிக்கையான திருமயம்
பேரூராட்சி தரம் உயர்த்தப்பட்டது. திருமயம் தெற்கு மின் மயானம் அமைத்து தரப்பட்டது . திருமயம் மக்கள் கனவில் கூட நினைத்து பார்க்க முடியாத கலைக்கல்லூரியை நிறைவேற்றி தந்தவர் தமிழக முதல்வர்.
திராவிட மாடல் என்பது எல்லோருக்கும் எல்லாம் என்பதுதான். பெண்கள் நாற்காலியில் அமர்கின்ற உரிமையை பெற்று தந்தது திராவிட மாடல் அரசு. இந்தியா முழுவதும் பெண்களுக்கு சொத்தில் சம உரிமை உண்டு என்று சட்டம் கொண்டு வந்து டாக்டர் அம்பேத்கர் அவர்களின் கனவை 1989 ஆம் ஆண்டு கலைஞர் கொண்டு வந்த பெண்களுக்கு சம உரிமை சட்டம் தான் இந்தியாவிற்க்கே வழிகாட்டியாக இருந்தது. திருமயம் தொகுதியில் வேலைவாய்ப்புகளை தருகிற வகையில் தொழிற்சாலை உருவாகும் என்றால் அதற்கு அரசு மானியத்தை பெற்று தருவதோடு, கூடுதலாக 5 கோடி ரூபாயை எங்களுடைய கல்வி அறக்கட்டளை மூலமாக வழங்கப்படும். திருமயம் தொகுதியில் ஏழை மாணவ, மாணவியர்களுக்கு ஆண்டொன்றுக்கு ரூபாய் 25 ஆயிரம் முதல் ஒரு லட்சம் வரை ஆண்டிற்க்கு ஒரு கோடி ரூபாய் வரை எனது அறக்கட்டளை மூலம் கல்வி உதவித்தொகை வழங்கப்படும்
அரிமளம், திருமயம், பொன்னமராவதி மூன்று இடங்களில் சட்டமன்ற உறுப்பினர் நிதியில் இருந்து மூன்று முதியோர் விடுதிகள் கட்டி தரப்படும்...
துளையானூரில் மகளிர் கல்லூரி விடுதி அமைத்து தரப்படும். பொன்னமராவதி, அரிமளம், காரையூர் பகுதிகளில் 3 மாணவிகள் விடுதி கட்டித் தரப்படும்.
இந்தியாவிலேயே சிறந்த ஆட்சியை முதலமைச்சர் தளபதி அவர்கள் வழங்கி கொண்டிருக்கிறார். கடந்த தேர்தலைப் போன்று இல்லாமல் இந்த தேர்தலில் கூட்டணி பலமும் இருக்கிறது மக்கள் பலமும் இருக்கிறது. வேறு எந்த கூட்டத்தாலும் இந்த கூட்டத்தை வெல்ல முடியாது மிஞ்ச முடியாது.
நாங்கள் எதுவும் செய்யாமல் மக்களை சந்திக்கவில்லை இந்தியாவிலேயே இல்லாத புதுமாதிரியான திட்டங்களை தந்து விட்டு தான் மக்களை சந்திக்கிறோம்.
எல்லோருக்கும் சமமானது தான் திராவிட மாடல், அதை புரிந்து கொண்டவர்கள் வரவேற்கிறார்கள். இது ஆன்மீகத்தைப் பற்றிய விஷயமே கிடையாது. இந்துத்துவா வேறு ஆன்மீக அரசியல் என்பது வேறு, இந்தியாவிலேயே நான்காயிரம் கோவிலுக்கு குடமுழுக்கு செய்திருக்கிற ஒரே அரசு திராவிட மாடல் அரசு. அடுத்து அமைகிற ஆட்சியில் 2000 என அறிவித்து அதையும் நிறைவேற்றிக் காட்டுவோம். எனவே 2.0 ஆட்சி தொடர உதய சூரியன் தினத்திற்கு வாக்காளர்கள் வாக்களிக்க வேண்டும் என கேட்டுக் கொண் டார்.
நிகழ்வில் மாநில மருத்துவர் அணி துணைச் செயலாளர் டாக்டர் எஸ்.ஆர்.அண்ணாமலை ரகுபதி, திருமயம் தொகுதி பொறுப்பாளர் மதுரை முத்தக் குமார், முன்னாள் சட்டப்பேரவை உறுப்பினர் இராம.சுப்புராம், காங்கிரஸ் தெற்கு மாவட்ட தலைவர் மணிகண்டன், விசிக சார்பில் வெள்ளை நெஞ்சன், மாவட்ட அறங்காவலர் குழுத் தலைவர் தவ.பாஞ்சாலன், திமுக சார்பில் முன்னாள் ஒன்றியச் செயலாளர்கள் ஆர்.எம்.கருப்பையா, சி.த.ஆவுடையப்பன், எம்.பி.சரவணன், அணி அமைப்பாளர்கள் இரா.மேகநாதன், தேவி, கே.ஆர்.ராமசாமி மற்றும் அருண் சேகர், சுப.துரைராஜா, ஆக்காட்டி ஆறுமுகம், முல்லை ரமேஷ், அண்ணாத்துரை, ஜான் பீட்டர், சிக்கந்தர், மங்களராமன் பேரையூர் பாலு, மற்றும் மதச்சார்பற்ற கூட்டணி கட்சி நிர்வாகிகள் ஆயிரக்கணக்கானோர் கலந்து கொண் டனர். முடிவில் திருமயம் வடக்கு ஒன்றியச் செயலாளர் இரா.கணேசன் நன்றி கூறினார்.