ரிஷிவந்தியம், ஏப்.6-–-
கள்ளக்குறிச்சி மாவட்டம், ரிஷிவந்தியம் சட்டமன்றத் தொகுதிக்குட்பட்ட மணலூர்பேட்டை ஆஞ்சநேயர் கோவில், சித்தப்பட்டினம், முருக்கம்பாடி, அத்தியந்தல், தேவரடியார்குப்பம் ஆகிய ஊராட்சிகளில் திராவிட மாடல் நல்லாட்சியில் ஐந்து ஆண்டுகளில் நடைபெற்ற வளர்ச்சி பணிகள் எடுத்துக் கூறி கழக வேட்பாளர் தெற்கு மாவட்டக் கழகச் செயலாளர்வசந்தம் க.கார்த்திகேயன் எம்.எல்.ஏ. தீவிரமாக வாக்குச் சேகரித்தார்.
மணலூர்பேட்டை ஆஞ்சநேயர் கோவிலில் 500க்கும் மேற்பட்ட பெண்கள் ஆரத்தி எடுத்து மலர் தூவி, மாலை அணிவித்து சிறப்பான வரவேற்பு அளித்தனர், அதனை தொடர்ந்து பேசிய வசந்தம் கா.கார்த்திகேயன் எம்.எல்.ஏ.,
மணலூர் பேட்டை பேரூராட்சி கழக அரசு பொறுப்பு ஏற்ற உடன் தேர்வு நிலை பேரூராட்சியாக தரம் உயர்த்தப்படும் என்று வாக்குறுதி அளித்தார்.
பிரச்சாரம் மேற்கொண்டு இருந்த போது அருகில் இருந்த தேனீர் கடையில் பொதுமக்களுடன் சேர்ந்து தேநீர் அருந்தினார், அதனைத் தொடர்ந்து உற்சாகமாக மேளம் அடித்து உதயசூரியன் சின்னத்திற்கு தீவிரமாக வாக்குச் சேகரித்தார்.
இந்த பிரச்சாரக் கூட்டத்தில் கழக நிர்வாகிகள் மற்றும் கூட்டணி கட்சிகளை சேர்ந்த நிர்வாகிகள் உள்ளிட்ட பலர் கலந்து கொண்டனர்.