சென்னை, ஏப். 7 –
‘தி இந்து’ ஆங்கில நாளேட்டிற்கு முதல்வர் மு.க.ஸ்டாலின் அவர்கள் அளித்துள்ள சிறப்புப் பேட்டியில் ‘‘ஒன்றிய அரசிடம் மாநில உரிமைகளையும் நலன்களையும் விட்டுக் கொடுப்பது தீமையை விளைவிக்கும்’’ என்று கூறியுள்ளார்.
முதல்வர் மு.க.ஸ்டாலின் அவர்கள்
‘தி இந்து’ ஆங்கில நாளேட்டில், அதன் மூத்த இணையாசிரியர் பி.கோலப்பன் அவர்களுக்கு அளித்துள்ள சிறப்புப் பேட்டியில் கூறியிருப்பதாவது :–
“ஒன்றிய அரசிடம் மாநிலத்தின் உரிமைகளைத் தாரை வார்ப்பது என்பது அடிமைத்தனத்திற்குச் சமமானது. மாநில உரிமைகளைக் காக்கின்ற போர்க்கள மாகவே இந்தத் தேர்தலை நாங்கள் பார்க்கிறோம்.”
மக்களின் தீர்ப்பு!
தமிழ்நாட்டு மக்கள் ஒரு தெளிவான முடிவை எடுக்கக் காத்திருக்கிறார்கள். ஒருபுறம், கடந்த காலங்களில் தமிழ்நாட்டின் நலன்களுக்கு எதிராகச்
செயல்பட்ட
அ.தி.மு.க. - பா.ஜ.க. கூட்டணி;
மறுபுறம், மக்கள் நலனை மட்டுமே குறிக்கோளாகக் கொண்டு இயங்கும் நமது
திராவிட மாடல் அரசு.
எங்களது சிறப்பான நிர்வாகத்தை யும், தொலைநோக்குப் பார்வையுடன் கூடிய மக்கள் நலத் திட்டங்களையும் சீர்தூக்கிப் பார்த்து, மக்கள் தங்களது மகத்தான தீர்ப்பை தி.மு.க. தலைமையிலான கூட்டணிக்கு ஆதரவாக வழங்குவார்கள் என்பதில் எனக்கு எந்த ஐயமுமில்லை.
இயக்கப்படும்
பொம்மைகள் அல்ல!
திராவிட முன்னேற்றக் கழகம் என்பது சுயமரியாதை உள்ள இயக்கம். நாங்கள் ஒருபோதும் வேறொரு இடத்திலிருந்து இயக்கப்படும்
‘ரிமோட் கண்ட்ரோல்’
(Remote-control)
கருவியாக மாறமாட்டோம். தமிழ்நாட்டின் தன்னாட்சியையும், உரிமையையும் எக்காலத்திலும் விட்டுக் கொடுக்க மாட்டோம்.
அடிமைத்தனம்
ஒருபோதும் தீர்வாகாது!
“மாநில உரிமைகளை ஒன்றிய அரசிடம் அடகு வைத்துவிட்டு, அவர்களோடு அனுசரித்துப் போவது என்பது ஜனநாயகக் கோட்பாடுகளுக்கே எதிரானது. அத்தகைய செயல் மாநிலத்திற்குப் பேரிழப்பையே ஏற்படுத்தும். ஒன்றிய அரசிடம் இணங்கிப்போனால் பா.ஜ.க. தமிழ்நாட்டிற்கு நன்மை செய்யும் என்று யாராவது நினைத்தால், அது எனக்கு ஆச்சரியமாக இருக்கிறது.
உண்மையைச் சொல்லப்போனால், அத்தகைய சமரசங்கள் எந்த நன்மையையும் தராது; மாறாக, அது தமிழ்நாட்டிற்குப் பெரும் தீங்கையே விளைவிக்கும். சுருக்கமாகச் சொன்னால்,
உரிமைகளை விட்டுக்கொடுத்து இணங்கிப்போவது என்பது அடிமைத்தனத்திற்குச் சமம்!”
கடந்த காலப் பாடம்
“ஒன்றிய பா.ஜ.க. அரசுடன் ஒத்துப் போவதாகக் கூறிக்கொண்ட எடப்பாடி
பழனிசாமி தலைமையிலான முந்தைய அ.தி.மு.க. ஆட்சியில், தமிழ்நாட்டிற்கு ஏதாவது உருப்படியான பலன்கள்
கிடைத்தனவா? நிச்சயமாக இல்லை. அ.தி.மு.க.வின் அந்தச் ‘சரணாகதி
அரசியல்’ தமிழகத்திற்கு எந்த நன்மையையும் பெற்றுத்தரவில்லை என்பதுதான் வரலாறு.”
புதிய கட்சிகளின் வருகையும்
தி.மு.க.வின் வலிமையும்!
2019 மற்றும் 2024 மக்களவைத் தேர்தல்கள், 2021 சட்டமன்றத் தேர்தல் எனத் தொடர்ந்து நாம் பெற்று வரும் வெற்றிகள் குறித்துக் கேட்டபோது:
“நிச்சயமாக, கடந்த காலங்களில் நாம் ஈட்டிய அதே மகத்தான வெற்றியை இந்த முறையும் மீண்டும் நிலைநாட்டுவோம். முத்தமி
ழறிஞர் கலைஞர் அவர்களின் மறைவிற்குப் பிறகு, நான்
தலைமைப் பொறுப்பை ஏற்றது முதல் கழகம் தொடர் வெற்றி களைக் குவித்து வருகிறது.
ஒவ்வொரு தேர்தல் காலத்திலும் புதிய அரசியல் கட்சிகள் தோன்றுவதும், மறைவதும் இயல்பான ஒன்றுதான். இதில் புதிதாகச் சொல்வதற்கு எதுவுமில்லை.
கடந்த 70 ஆண்டுகால அரசியல் வரலாற்றில் இதுபோன்ற எத்தனையோ மாற்றங்களையும், புதிய கட்சிகளின் வரவுகளையும் பார்த்த இயக்கம் திராவிட முன்னேற்றக் கழகம்.
எதனையும் கண்டு நாங்கள் அஞ்சப்போவதுமில்லை, எங்களது இலக்கிலிருந்து பின்வாங்கப் போவதுமில்லை.”
அனைவருக்குமான அரசு -
திராவிட மாடல் அரசு!
“கழகத்தின் திராவிட மாடல் அரசு என்பது ஒரு குறிப்பிட்ட தரப்பினருக்கான அரசு அல்ல. அரசியல்பாகுபாடுகளைக் கடந்து, சமுதாயத்தின் அனைத்துத் தரப்பு மக்களுக்காகவும் திட்டங்களைத் தீட்டிச் செயல்படுத்தி வரும் அரசு இது. தமிழ்நாட்டிலுள்ள ஒவ்வொரு குடும்பமும் எங்களது ஏதாவதொரு திட்டத்தின் மூலம் நேரடியாகப் பயன் பெற்றுள்ளது. திராவிட முன்னேற்றக் கழகம் என்பது வெறும் அரசியல் கட்சி அல்ல; அது தமிழ்நாட்டு மக்களுக்காகத் தன்னையே அர்ப்பணித்துக் கொண்ட ஒரு மக்கள் இயக்கம்.”
அ.தி.மு.க. -– பா.ஜ.க கூட்டணியின் துரோகம்
“அதே நேரத்தில், அ.தி.மு.க.வும்
பா.ஜ.க.வும் இணைந்து தமிழ்நாட்டின் நலன்களுக்கு எப்படியெல்லாம் துரோகம் இழைத்தன என்பதை மாநில மக்கள் நன்கு அறிவார்கள். வரலாறு காணாத கனமழையாலும், வெள்ளத்தாலும் மக்கள் தவித்தபோது, அவர்களுக்குத் தேவையான பேரிடர் நிவாரண நிதியை வழங்கவோ, போதிய உதவிகளைச் செய்யவோ ஒன்றிய பா.ஜ.க. அரசு முன்வரவில்லை என்பதை மக்கள் நேரில் கண்டார்கள். பா.ஜ.க.வுடன் கைகோர்த்ததன் மூலம், அ.தி.மு.க. தமிழ்நாட்டு மக்களை நட்டாற்றில் விட்டுவிட்டது. இதுதான் இன்றைய தேர்தல் களத்தின் நிதர்சனமான உண்மை.”
மக்கள் மன்றத்தில் நீதி
“தமிழ்நாட்டின் உரிமைகளுக்கு எதிராகச் செயல்பட்ட அ.தி.மு.க. -– பா.ஜ.க. கூட்டணி ஒருபுறம்; எங்களது அரசின் சீரிய நிர்வாகம் மற்றும் மக்கள் நலத் திட்டங்கள் மறுபுறம். இந்த இரண்டையும் மக்கள் தராசில் வைத்துச் சீர்தூக்கிப் பார்த்து, எங்களுக்குச் சாதகமான நீதியைத் தீர்ப்பாக வழங்கி வருகிறார்கள் இம்முறையும் வழங்குவார்கள்.”
ஒன்றிய அரசுடன் சமரசமா? -
சித்தாந்த விளக்கம்!
மற்ற கட்சிகளை விட நீங்கள் ஏன் பா.ஜ.க.வை இவ்வளவு கடுமையாக விமர்சிக்கிறீர்கள் என்றும், அரசியலைத் தாண்டி மாநில நலன்களுக்காக பா.ஜ.க.வுடன் இணங்கிப் போயிருக்கலாமே என்றும் சிலர் எழுப்பும் கேள்விக்கு எனது பதில் இதுதான்: