பல்லாவரம் சட்டமன்ற தொகுதி மதசார்பற்ற முற்போக்கு கூட்டணி தே.மு.தி.க வேட்பாளர் அனகை
டி. முருகேசன் அறிமுக கூட்டம் மற்றும் செயல்வீரர்கள் கூட்டத்தில் கழகப் பொருளாளர் டி.ஆர். பாலு எம்.பி. முன்னிலையில் மாவட்ட கழக செயலாளர் அமைச்சர் தா.மோ. அன்பரசன் வேட்பாளரை அறிமுகப்படுத்தி சிறப்புரை ஆற்றினார். மாவட்டக் கழகத் துணைச் செயலாளர் இ. கருணாநிதி எம்.எல்.ஏ வரவேற்புரை நிகழ்த்தினார் தொடர்ந்து மதச்சார்பற்ற கூட்டணி கட்சிகளின் மாவட்ட தலைவர்கள் செயலாளர்கள் சிறப்புரை ஆற்றினார்கள். துணை மேயர்
கோ. காமராஜ், பகுதி கழகச் செயலாளர்கள் வே. கருணாநிதி,
இ.ஜோசப் அண்ணாதுரை,
த. ஜெயக்குமா,ர் இ.எஸ்.பெர்னார்ட், ஏ.கே. கருணாகரன், ஜி.கே.ரவி,
அ.தமிழ்மாறன் கூட்டணிக் கட்சிகளின் நிர்வாகிகள் கழகத் தோழர்கள் ஆகியோர் பெரும் திரளாக கலந்துகொண்டு சிறப்பித்தார்கள்
வேலூர், ஏப்.7–
வேலூர் மாவட்டம் காட்பாடி சட்டமன்றத் தொகுதியில் உள்ள கிராமங்களில் தி.மு.க.வின் வாக்குறுதிகளை விளக்கி கழக பொதுச் செயலாளர்,- அமைச்சர் துரைமுருகன் தீவிர வாக்குச் சேகரிப்பில் ஈடுபட்டார். அங்குள்ள தேவாலயங் களுக்குச் சென்று ஈஸ்டர் வாழ்த்து தெரிவித்தார். காட்பாடி சட்டமன்றத் தொகுதியில் தி.மு.க. சார்பில் கழகப்பொதுச் செயலாளரும் அமைச்சருமான துரைமுரு கன் அவர்கள் போட்டியிடுகிறார்.அவர் காட்பாடி தொகுதிக்கு உட்பட்ட லாலாபேட்டை,
நெல்லிக்குப்பம் பள்ளேரி, வசூர் ஏகாம்பரநல்லூர் மருதம்பாக்கம் உள்ளிட்ட 15க்கும் அதிகமான கிராம பகுதிகளில் உதயசூரியன் சின்னத்திற்கு வாக்குச் சேகரிப்பில் தீவிரமாக ஈடுபட்டார். தென்றல் நகர் பகுதியில் அவருக்கு கிராம மக்கள் மலர் தூவி ஆரத்தி எடுத்து உற்சாக வரவேற்பு அளித்தனர். அப்போது அமைச்சர்- கழக பொதுச் செயலாளர் துரைமுருகன் பேசியதாவது:-
தி.மு.க.வின் ஐந்து ஆண்டு கால ஆட்சி மிகவும் சிறப்பாக நடைபெற்றது.
பெண்களுக்குவங்கியில் இருந்து திடீரென ஒரு நாள் ஐந்தாயிரம் ரூபாய் வழங்கப்பட்டிருப்பதாக தகவல் வந்தபோது அவர்கள் மகிழ்ச்சி அடைந்தனர்.
ஆயிரம் ரூபாயாக இருந்தமகளிர் உரிமைத் தொகையை2000 ரூபாயாகவும், பெண் பிள்ளைகள் கல்லூரியில் படிக்கும் போது வழங்கப்படும் ஆயிரத்தை 1500 ரூபாய் ஆகவும் வழங்குவதற்கான அறிவிப்பை முதலமைச்சர் கொடுத்துள்ளார். 1500 ரூபாயாக வழங்கப்பட்ட முதியோர் பென்ஷன் தொகை 2000 ரூபாயாக உயர்த்தி வழங்கப்படும். மாற்றுத்திறனாளிகளுக்கு ஓய்வூதியம் 2000 ஆக மாற்றப்படும். காலை உணவு திட்டம் எட்டாம் வகுப்பு வரை விரிவாக்கப்படும் கரும்பு கொள்முதல் டன்னுக்கு ரூ.4000 ஆக உயர்த்தப்படும் என வாக்குறுதி அளிக்கப்பட்டுள்ளது. எனவே உதயசூரியன் சின்னத்துக்கு நீங்கள் வாக்களிக்க வேண்டும். மற்றவர்கள் அதை செய்வோம் இதை செய்வோம் என கூறுகின்ற னர். தி.மு.க. தேர்தல் அறிக்கையில் குறிப்பிட்டிருக்கும் அனைத்திற்கும் உத்தரவு வழங்கி விட்டு தான் வாக்குச் சேகரிப்பதற்காக வந்திருக்கிறேன்.
இவ்வாறு அவர் பேசினார்.
இதைத் தொடர்ந்து சீக்கராஜபுரம் பகுதியில் உள்ள தேவாலயத்திற்கு சென்ற அமைச்சர் துரைமுருகனுக்கு தேவாலயத்தின் சார்பில்வரவேற்பு அளிக்கப்பட்டது.தேவாலயத்தில் பேசிய துரைமுருகன் அவர்கள் அனைவருக்கும் ஈஸ்டர் திருநாள் வாழ்த்துக்களை தெரிவித்தார்.
அப்போது அவர் ஈஸ்டர் திருநாள் என்பது ஆண்டிற்கு ஒருமுறை நாம் நினைவு கூறும் வரலாற்று நிகழ்வு அல்ல அது உயிர் உள்ள ஒரு நம்பிக்கை என தெரிவித்தார்.
முன்னதாக காலை அவர் காட்பாடி காந்திநகர், விருதம்பட்டு, பர்னீஸ்புரம் காட்பாடி பகுதிகளில் உள்ள தேவாலயங்களுக்குச் சென்று ஆலய பாதிரியாளர் களை சந்தித்து ஆசிப் பெற்றார்.
அங்கு வந்த கிறிஸ்தவர்
களுக்கு ஈஸ்டர் திருநாள் வாழ்த்துக் கூறி வாக்குச் சேகரித்தார். அப்போது அமைச்சர் துரைமுருகன் அவர்களுக்கு ஆதரவு தெரிவிப்ப தாக அவர்கள் கூறினார்கள்.
சீக்கராஜபுரம் அருகே அக்ராவரத்தில் அவர் பிரச்சாரம் செய்த போது தேர்தலில் வெற்றி பெற வாழ்த்தி வேல் வழங்கப்பட்டது.