#Title

மறைமலை நகரில் 9–ஆம் தேதி மாலை நடைபெறும் பிரமாண்ட தேர்தல் பிரச்சாரப் பொதுக்கூட்டத்தில் 12 சட்டமன்றத் தொகுதி வேட்பாளர்களை ஆதரித்து கழகத் தலைவர் மு.க.ஸ்டாலின் தேர்தல் பரப்புரை! கழகத் தோழர்கள் அலைக்கடலெனத் திரள்வீர்! தா.மோ.அன்பரசன் வேண்டுகோள்!

காஞ்சிபுரம், ஏப்.7–

மறைமலைநகரில் வருகிற 9–ஆம் தேதி மாலை நடைபெறும் மாபெரும் தேர்தல் பிரசாரப் பொதுக்கூட்டத்தில் 12 சட்டமன்றத் தொகுதிகளில் போட்டியிடும் மதச்சார்பற்ற முற்போக்கு கூட்டணி வேட்பாளர்களை ஆதரித்து கழகத் தலைவர் – முதல்வர் மு.க.ஸ்டாலின் அவர்கள் தேர்தல் பரப்புரையாற்றுகிறார்.

மறைமலைநகர் நகராட்சி விளையாட்டு திடலில் 9–ஆம் தேதி மாலை 5.00 மணியளவில் செங்கல்பட்டு, திருப்போரூர், செய்யூர், மதுராந்தகம், உத்திரமேரூர், தாம்பரம், பல்லாவரம், மதுரவாயல், அம்பத்தூர், ஆலந்தூர், திருப்பெரும்புதூர், காஞ்சிபுரம் ஆகிய 12 சட்டமன்றத் தொகுதியில் போட்டியிடும்மதச்சார்பற்ற முற்போக்கு கூட்டணி வேட்பாளர்களை ஆதரித்துபிரம்மாண்டமான தேர்தல் பிரச்சார பொதுக்கூட்டம் நடைபெற உள்ளது.

இப்பிரம்மாண்ட தேர்தல் பிரசார பொதுக்கூட்டத்தில் நாம் நாளும் உயிராய் போற்றி வணங்கும் முதல்வர் – கழகத் தலைவர் மு.க.ஸ்டாலின் கலந்துக்கொண்டு 12 சட்டமன்றத் தொகுதிகளில் போட்டியிடும் மதச்சார்பற்ற முற்போக்கு கூட்டணி வேட்பாளர்களை ஆதரித்து தேர்தல் பரப்புரையாற்றுகிறார்.

மறைமலைநகரில் கோலாகலமாக நடைபெற உள்ள பொதுக்கூட்டத்தில் 1 லட்சத்திற்கும் மேற்பட்ட கழகத்தினர் பங்கேற்கும் வகையில் பிரமாண்டமான முறையில் ஏற்பாடுகள் செய்யப்பட்டுள்ளது.

திராவிட மாடல் 2.0 ஆட்சியை அமைப்போம் என்ற லட்சிய உணர்வுடன் காஞ்சிபுரம் வடக்கு மாவட்டத்தில் உள்ள கழகத்தினர் அனைவரும் அலைக்கடலெனேத் திரண்டு வந்து பங்கேற்கும் படி அன்புடன் அழைக்கிறேன்.

23.4.2026 அன்று நடைபெற உள்ள சட்டமன்றத் தேர்தலில் நம்முடைய உயிரினும் மேலான அன்புத் தலைவர் தளபதி அவர்கள் அடைய போகும் இமாலய வெற்றிக்கு கட்டியம் கூறும் வகையில் நம்முடைய மாவட்டத்தில் உள்ள கழக தீரர்கள் அனைவரும் மறைமலைநகரில் அணிதிரண்டு சரித்திர சாதனையை படைக்கும் வகையில் இம்மாபெ ரும் பொதுக்கூட்டம் அமைய உள்ளது.

காஞ்சிபுரம் வடக்கு மாவட்டத்தில் உள்ள கழக நிர்வாகிகள் – கழக தீரர்கள் அனைவரும் கொள்கை தீரர்களாக தலைவரின் போர்ப்படை சிப்பாய்களாக பெரும் படையாக திரண்டு வந்து இப்பொதுக்கூட்டத்தில் வெற்றியடைய செய்ய வேண்டும் என்று அன்புடன் கேட்டுக்கொள்கிறேன்.

சரித்திர சாதனையை படைக்க உள்ள இம்மாபெரும் பொதுக்கூட்டத்தில் கலந்துக் கொள்வது “நமது உரிமை, நமது கடமை” என்ற அந்த லட்சிய உணர்வோடு நம்முடைய மாவட்டத்தில் உள்ள ஒட்டுமொத்த கழகத்தினரும் 4.00 மணிக்கெல்லாம் மறைமலைநகர் திடலுக்கு அணி அணியாக திரண்டு வந்து பங்கேற்கும் படி தங்களை இருகரம் கூப்பி கேட்டுக்கொள்கிறேன்.

“இப்படை தோற்கின் எப்படை வெல்லும்”என்ற பேரறிஞர் அண்ணா அவர்களின் வைர வரிகளுக்கு ஒப்பாக இதுவரை இது போன்ற பிரம்மாண்ட மான பொதுக்கூட்டம் நடைபெற வில்லை என்று அனைவரும் கூறும் வகையில், நடைபெற உள்ள சட்டமன்றத் தேர்தலில் மீண்டும் தி.மு.க. தான் ஆட்சிக்கு வரும் என மக்கள் அனைவரும் எண்ணும் அளவிற்கு இந்த தேர்தல் பிரசார பொதுக் கூட்டம் சரித்திர சாதனையை படைக்கும்.

இவ்வாறு அவர் அறிக்கையில் கூறியுள்ளார்.