உளுந்தூர்பேட்டை,ஏப். 7-–
கள்ளக்குறிச்சி மாவட்டம், உளுந்தூர்பேட்டை தொகுதி தி.மு.க. கூட்டணிக் கட்சி நிர்வாகிகள் செயல்வீரர்கள் கூட்டம்நேற்று முன்தினம் (05.04.2026ஞாயிற்றுக்கிழமை) நடைபெற்றது. இக்கூட்டமானது தெற்கு மாவட்டக் கழக செயலாளர் வசந்தம் க.கார்த்திகேயன் எம்.எல்.ஏ. தலைமையில் நடைபெற்றது. ஒன்றியச் செயலாளர் வைத்திய நாதன் வரவேற்றார்.
வடக்குமாவட்டக் கழகச் செயலாளர் தா.உதயசூரியன் எம்.எல்.ஏ.,வடக்கு மாவட்டக் கழக அவைத்தலைவர் ஆ.ஜெ.மணிக்கண்ணன் எம்.எல்.ஏ., மாவட்ட பொருளாளர் வீரபாண்டி யன், முன்னாள் ‘எம்.எல்.ஏ. திருநாவுக்கரசு ஆகியோர் முன்னிலை வகித்தனர். இந்த மாபெரும் செயல்வீரர்கள் கூட்டத்தில்அமைச்சர் எ.வ.வேலு பேசிய போது,
தி.மு.க. சாதாரண தொண்டனுக்கும் வாய்ப்பு அளிக்கக் கூடிய கட்சி. அப்படி சாதாரண தொண்டன் தான் தி.மு.க. வேட்பாளர் வசந்தவேல் இந்த கூட்டணி சாதாரண கூட்டணி அல்ல, இது ஒருமெகா கூட்டணி, ஐந்தாண்டு கால ‘திராவிட மாடல்’ நல்லாட்சியின் சாதனைகள் எல்லாம் வாக்காளர்கள் மறந்து இருந்தாலும் அதனை அவர்களிடம் எடுத்துச் சொல்ல வேண்டும். உளுந்தூர்பேட்டை தொகுதி தி.மு.க. கூட்டணி வேட்பாளர் வசந்தவேல் சுமார் 75 ஆயிரம் வாக்குகள் வித்தியாசத்தில் அமோகமாக வெற்றிபெற வேண்டும் அதற்கு அனைவரும் கடுமையாக உழைக்க வேண்டும், மேலும் நடைபெற உள்ள 2026 சட்டமன்றத் தேர்தலை பொருத்தமட்டில் தமிழ்நாட்டிற்கும் டெல்லிக்கும் இடையே தான் போட்டியை தவிர வேறு எந்த அணிக்கும் போட்டியே கிடையாது ஆகவே திராவிட மாடல் நாயகர், சமூக நீதி காவலர், கழகத் தலைவர், தமிழக முதல்வர் முத்துவேல் கருணாநிதி ஸ்டாலின் அவர்கள் தொடர்ந்து இரண்டாவது முறையாக முதல்வராக தமிழ்நாட்டு மக்களின் அமோக ஆதர வுடன் பொறுப்பேற்பார் என பேசினார்.
முன்னதாக தி.மு.க. வேட்பாளர் வசந்தவேல், தி.மு.க. மாவட்டச் செயலாளர் வசந்தம் கார்த்திகேயன் ஆகியோர்
தி.மு.க. மற்றும் கூட்டணி கட்சி நிர்வாகிகள் இருந்த அரங்கில் உங்கள் பாதம் தொட்டு கேட்கிறோம். வசந்தவேலை எப்படியாவது வெற்றிபெற செய்ய வைக்க வேண்டும் என கோரிக்கை வைத்தனர்.
இதில் ஒன்றிய செயலாளர்கள் ராஜவேல், முருகன், சந்திரசேகரன், தொகுதி பொறுப்பாளர் விஜயகுமார். ஆறுமுகம், பொதுக்குழு உறுப்பினர் செல்லையா, ம.தி.மு.க. மாவட்டச் செயலாளர் ஜெயசங்கர், ஒன்றியச் செயலாளர் அருள், சரண்ராஜ். சி.பி.எம். மாவட்டச் செயலாளர் ஜெய்சங்கர், காங்கிரஸ் மாநிலதுணைத் தலைவர் சீனுவாசன். சி.பி.ஐ. மாவட்டப் பொருளாளர் வெங்கடேசன், வி.சி.க. மாவட்டச் செயலாளர் அறிவுக்கரசு, நிர்வாகிகள் சேரன், அம்பேத், தே.மு.தி.க. மாவட்டச் செயலாளர்
கருணாகரன், துணைச் செயலாளர் குழந்தைவேல், திருமால், அஷ்ரப்அலி, மனித நேய மக்கள் கட்சி மாவட்டச் செயலாளர் முகம்மது அலி, தி.மு.க. மாவட்ட இளைஞரணி அமைப்பாளர் அருண்ராஜ், துணை அமைப்பாளர் பாண்டியன் மற்றும் நிர்வாகிகள் முருகவேல், மனோபாலன். குருராஜ் ஆகியோர் கலந்து கொண்டனர்.
கூட்டத்தின் முடிவில் நகர கழக செயலாளர் டேனியல் ராஜ் நன்றி உரை கூறினார்.