கரூர், ஏப். 7–
கரூர் கோவை சாலையில் கரூர் சட்டமன்றத் தொகுதி தேர்தல் பணிமனை திறப்பு விழா நடைபெற்றது. கழக வெற்றி வேட்பாளர் ஆசி. எம்.தியாகராஜன் ஆதரவு கேட்டு பேசினார். பின்னர் கரூர் மாவட்ட கழக செயலாளர், மேற்கு மண்டல பொறுப்பாளர் வி.செந்தில்
பாலாஜி எம்.எல்.ஏ. சிறப்புரையாற்றினார்.
அவர் பேசியதாவது:-
கரூர் சட்டமன்றத் தொகுதியில் கழக வேட்பாளர் ஆசி தியாகராஜன் 50,000 வாக்குகள் வித்தியாசத்தில் வெற்றி பெறுவார். கரூர் மாவட்டத்திற்கு ஐந்தாயிரம் கோடி ரூபாய் அளவிற்கு முதல்வர் மு.க. ஸ்டாலின் அவர்கள் வளர்ச்சித் திட்டங்களைவழங்கி உள்ளார்கள். இதனைமக்களிடம் கூறி வாக்கு சேகரித்து வருகிறோம். ஆனால் அடிமை அ.தி.மு.க. ஆட்சியின்போது எந்த திட்டத்தை யும் நிறைவேற்றியதாக அவர்கள் பட்டியல் வெளியிடவில்லை. இங்கிருந்து சற்று தூரத்தில் தான் பெட்ரோல் பங்க் இருக்கிறது அதன் ஓனர் யார் உங்களுக்கு தெரியும்.
கொரோனா காலத்தில் பாமாயில் கொடுத்தது யார் என்பது உங்களுக்கு தெரியும். கீழே இருந்து பெண்கள் குரல் கொடுக்கிறார்கள் அதுவும் கெட்டுப் போன பாமாயில் என்று. தாந்தோணிமலை தேர் திருவிழாவுக்கு சென்றால் கூட பொட்டு கொடுப்பார்கள். இவர்கள் நான்காண்டு காலம் மக்களை மறந்து விட்டு இப்போது பொட்டு, தட்டையும் கொடுத்து ஓட்டு வாங்கலாமா என மனக்கோட்டை கட்டிக் கொண்டிருக்கிறார்கள். தப்பு கணக்கு போடுகிறார்கள். கரூரும், கோவையும் எனது கண்களைப் போல.
கரூர் தொகுதிக்கு புதிய பேருந்து நிலையம், காமராஜர் மார்க்கெட், மீன் மார்க்கெட், வேளாண்மை கல்லூரி, இசைப்பள்ளிக்கு கட்டிடம், மாவட்ட மைய நூலகம், அறிவியல் பூங்கா, தோழி தங்கும் விடுதி என தொடர்ச்சியான வளர்ச்சித் திட்டங்களை முதலமைச்சர் அவர்கள் தந்திருக்கிறார்கள். இந்த திட்டங்களை எல்லாம் மேலும் தொடர்ந்து பெற்றிட உதயசூரியனை ஆதரிக்க வேண்டும்.
திராவிட மாடல் 2.0 ஆட்சி அமைந்ததும் மகளிர் உரிமைத் தொகை ரூ.2000 ஆக உயர்த்தி வழங்கப்படும். மேலும் மகளிருக்கு ரூ. 8000 மதிப்புள்ள கூப்பன் வழங்கப்பட்டு விருப்பம் போல் பொருட்களை வாங்கிடலாம். அரசியலில் என்னைகைப்பிடித்து அழைத்து வந்தவர் அண்ணன் ஆசி தியாகராஜன். நீங்கள் தியாகராஜன் அவர்களுக்கு அளிக்கின்ற ஆதரவு என்பது உங்கள் தம்பிக்கு, அண்ணனுக்கு, தோழனுக்கு, மகனாக இருக்கின்ற இந்த செந்தில் பாலாஜிக்கு அளிக்கின்ற வாக்குகள். கரூர் மாவட்டத்தில் நான்கு தொகுதிகளிலும் உதயசூரியன் வென்றது என்கிற சரித்திர சாதனையை உருவாக்கித் தர வேண்டும் என கேட்டுக்கொள்கிறேன்.
சிலபேர் கணக்கு போடுகிறார்கள் அவர் இங்கு இல்லை, அங்கே போய்விட்டார் ஈசியாக ஜெயித்து விடலாம் என்று. எங்கே போனாலும் இங்கு தான் இருப்போம். 89 ஆயிரம் குடும்பங்களிலும் தம்பியாக, அண்ணனாக, நான் இருப்பேன். என்னை உருவாக்கியது பெற்றோர். ஆனால் இந்த உலகத்திற்கு அடையாளம் காட்டியது கரூர் தொகுதி மக்கள். என் வாழ்நாள் முழுக்ககரூர் தொகுதி மக்களுக்கு கடமைப்பட்டு இருக்கிறேன். கரூர் மற்றும் கோவைமாவட்டங்களை வளர்ச்சி பெற்ற மாவட்டங்களாக உருவாக்குவோம். வாக்களிப்பீர் உதயசூரியனுக்கே. இவ்வாறு அவர் பேசினார்.
வேட்புமனு தாக்கல்!
பின்னர் ஆசி எம்.தியாகராஜன் கரூர் தேர்தல் அதிகாரியிடம் வேட்பு மனு தாக்கல் செய்தார்.மாவட்ட கழக செயலாளர் வி.செந்தில் பாலாஜி எம்.எல்.ஏ., ஜோதி மணி எம்.பி., மற்றும் தோழமைக் கட்சியினர் உடன் இருந்தனர். வேட்புமனு தாக்கல் செய்த பின்னர் செய்தியாளர்களை சந்தித்த செந்தில் பாலாஜி கூறிய
தாவது:-
எதிர்க்கட்சித் தலைவர் தோல்வியை உணர்ந்து கொண்ட காரணத்தினால், அந்த விரக்தியில் கடுமையான வார்த்தைகளை பயன்படுத்தி வருகிறார். அவர்களுக்கு நாகரீகம் தெரியாது. எங்கள் தலைவரை பாருங்கள் எவ்வளவு நாகரிகத்துடன் பேசுகின்றார்கள்.
மக்கள் எல்லாவற்றையும் புரிந்து வைத்திருக்கிறார்கள். 200க்கும் மேற்பட்ட இடங்களில் கழக கூட்டணி வெற்றி பெறும். கரூரில் 4 தொகுதிகளிலும், கழகம் மகத்தான வெற்றி பெறும். கடந்த நாடாளுமன்றத் தேர்தல் முடிந்ததுமே கழகத் தலைவர் அவர்கள் ஓரணியில் தமிழ்நாடு, வெல்லும் தமிழ் பெண்கள், என தொடர்ந்து தேர்தல் பணிகளை வழங்கி கழகத்தினரிடம் வேலை வாங்கி இருக்கிறார்கள். தொடர்ந்து நாங்கள் பணியாற்றி வருகிறோம் யாரைப் பற்றியும்
கவலைப்படவில்லை.
இவ்வாறு அவர் கூறினார்.