“ஒன்றிய அரசிடம் உரிமைகளைத் தாரை வார்த்துவிட்டு, அவர்களைச் சார்ந்து வாழ்வது என்பது ஜனநாயக நெறிமுறைகளுக்கு முற்றிலும் எதிரானது. அத்தகைய ‘அனுசரிப்பு’ என்பது மாநிலத்திற்குப் பலன் தராது, மாறாக தீங்கையே விளைவிக்கும். நான் ஏற்கனவே குறிப்பிட்டதுபோல,
உரிமைகளை விட்டுக்
கொடுத்து அடிபணிவது என்பது அடிமைத்தனமே தவிர, அது அரசியல் ராஜதந்திரம் ஆகாது.”
ஜனநாயகத்தைக் காக்கும் அறப்போர்:
ஒன்றிய அரசின் பாரபட்சமான போக்கு!
“பாஜகவுடன் இணங்கிப் போனால் தமிழ்நாட்டிற்கு நல்லது நடக்கும் என்று கருதுவது வியப்பளிக்கிறது. அத்தகைய சமரசங்களால் எந்த நன்மையும் விளையாது; மாறாக, பெரும் தீங்கே ஏற்படும். பிரதமர் நரேந்திர மோடி அவர்கள் தலைமையிலான ஒன்றிய அரசு, பாஜக ஆளாத மாநிலங்களைப்பழிவாங்கும் நோக்கோடே செயல்பட்டு வருகிறது. அனைத்து மாநிலங்களுக்கும் பிரதமராகச் செயல்பட வேண்டிய திரு. மோடி அவர்கள், துரதிர்ஷ்டவசமாக பாஜக ஆளும் மாநிலங்களுக்கு மட்டுமே பிரதமராகத் தன்னைச் சுருக்கிக் கொண்டுள்ளார்.”
‘இரட்டை எஞ்சின்’ எனும்
பொய்ப் பிம்பம்!
“பா.ஜ.க. முன்னிறுத்தும் ‘இரட்டை எஞ்சின் அரசு’ என்பது ஒரு மாபெரும் பொய். பாஜக ஆளும் மாநிலங்கள் எவ்விதக் குறிப்பிடத்தக்க வளர்ச்சியையும் எட்டவில்லை; மாறாக, அங்கு அதிக நிதி ஒதுக்கீடு மட்டுமே செய்யப்படுகிறது. ஆனால், ஒன்றிய அரசின் புள்ளிவிவரங்களே, தமிழ்நாடு பல வளர்ச்சிக் குறியீடுகளில்முதன்மையாகத் திகழ்வதைச் சுட்டிக்காட்டு கின்றன. ஒன்றிய அரசின் முட்டுக்கட்டை களையும் தாண்டி, ஒரு மாநிலம் சுயபலத்தில் முன்னேற முடியும் என்பதை நாங்கள் நிரூபித்துக் காட்டியிருக்கிறோம்.”
அரசியலமைப்புச் சட்டத்திற்கு
விடப்பட்ட சவால்!
“பாஜக அரசு சிறுபான்மையினருக்கு எதிராகக் குடியுரிமைத் திருத்தச் சட்டத்தைக் கொண்டு வந்தது; கிறிஸ்துவ நிறுவனங்களைப் பாதிக்கும் வகையில் நிதி ஒழுங்குமுறைச் சட்டங்களைப் பயன்படுத்தியது.
•
மொழிப்போர்:
பிராந்திய மொழிகளை நசுக்கிவிட்டு இந்தியைத் திணிக்க முயல்கிறது.
•
நிதி அநீதி:
எதிர்க்கட்சிகள் ஆளும் மாநிலங்களுக்கு உரிய நிதியை மறுக்கிறது.
•
ஆளுநர் அரசியல்:
ஆளுநர்கள் மூலமாக மாநிலங்களில் ஒரு ‘இணை அரசாங்கத்தை’ நடத்த முற்படுகிறது.
திராவிட முன்னேற்றக் கழகம் மேற்கொண்டுவரும் இந்தப் போராட்டம், தமிழ்நாட்டிற்கானபோராட்டம் மட்டுமல்ல;
ஒட்டுமொத்த இந்தியாவின் ஜனநாயகத்தை யும், அரசியலமைப்புச் சட்டத்தின் அடிப்படை விழுமியங்களையும் காப்பதற்கான அறப்போர்!”
தேசப் பாதுகாப்பு – எமது கடமை!
“அதே வேளையில், அண்டை நாடுகளால் தேசத்திற்கு அச்சுறுத்தல் ஏற்படும் போதெல்லாம், இந்திய நாட்டின் அங்கமாக விளங்கும் திமுக, ஒன்றிய அரசுடன் முழுமையாக ஒத்துழைத்துள்ளது. அதனை எங்களது முதன்மையான கடமையாகக் கருதுகிறோம்.”
சரணாகதி அடையாத
சுயமரியாதை
“உரிமைகளைத் தாரை வார்த்துவிட்டு ஒன்றிய அரசுடன் சமரசம் செய்துகொள்வது அடிமைத்தனத்திற்குச் சமம். மறைந்தமுன்னாள் முதலமைச்சர் ஜெயலலிதா அவர்களின் மறைவிற்குப் பிறகு, நான்கு ஆண்டுகள் அதிமுகஅப்படித்தான் அடிபணிந்து கிடந்தது. அந்தக் காலத்தில் தமிழ்நாட்டிற்கு எந்தவொரு பெரிய திட்டமோ அல்லது நிதியோ கிடைக்கவில்லை. மாறாக,
நீட் (NEET) தேர்வு
மற்றும் உதய் (UDAY) திட்டம் போன்ற மக்கள் விரோதக் கொள்கைகளே தமிழ்நாட்டின் மீது சுமத்தப்பட்டன.
திராவிட முன்னேற்றக் கழகம் என்பது சுயமரியாதை மிக்கஇயக்கம்; எக்காலத்திலும் எவராலும் இயக்கப்படும் ‘ரிமோட் கண்ட்ரோல்’ கருவியாக இது மாறாது!”
தோல்வி பயத்தில்தரம் தாழ்ந்த விமர்சனங்கள்!
“எடப்பாடி பழனிசாமி அவர்கள் தனிப்பட்ட முறையில் என்னைத் தாக்குவதற்குக் காரணம், வரவிருக்கும் தேர்தலில் தனக்குக் காத்திருக்கும் படுதோல்வியை முன்கூட்டியே உணர்ந்துவிட்டதுதான். தோல்வி பயம் அவரைப் பொறுப்பற்ற முறையில் பேசத் தூண்டுகிறது.”
முத்தமிழறிஞர் கலைஞரின்
வாழ்வும் வெளிப்படைத்தன்மையும்!
“95 வயது வரை வாழ்ந்த முத்தமிழறி ஞர் கலைஞர் அவர்கள், தனது 81 ஆண்டு காலப் பொதுவாழ்வைத் தமிழ் மொழிக்கும், சமூகநீதிக்கும், மாநில உரிமைகளுக்கும் அர்ப்பணித்தவர். தனது வாழ்க்கை வரலாற்றை ‘நெஞ்சுக்கு நீதி’ என்ற நூலில் ஒரு திறந்த புத்தகமாக அவர் பதிவு செய்துள்ளார். அவரது கடைசி நாட்களும் சரி, அவருக்கு அளிக்கப்பட்ட மருத்துவச் சிகிச்சைகளும் சரி, மருத்துவ அறிக்கைகள் (Medical Bulletins) மூலம் உடனுக்குடன் நாட்டு மக்களுக்கு வெளிப்படையாகத் தெரிவிக்கப்பட்டது. அதில் மறைப்பதற்கு எதுவுமில்லை.”
மகனாக மட்டுமல்ல;
ஒரு தொண்டனாக...
“கலைஞர் அவர்கள் எனக்குத் தந்தை மட்டுமல்ல; இலட்சக்கணக்கான உடன்பிறப்புகளைப் போலவே அவர்தான் எனது தலைவரும் கூட. அந்தத் தலைவன் - தொண்டன் என்ற உறவு மற்ற எல்லா உறவுகளையும் விட மேலானது. அந்த மாபெரும் தலைவரைப் பற்றி எடப்பாடி பழனிசாமி அவர்கள் வரம்பு மீறிப் பேசியபோது, ஒரு மகனாக மட்டுமல்ல, அந்த இயக்கத்தின் ஒரு சாதாரணத் தொண்டனாகக் கூட என்னால் அதைப் பொறுத்துக்கொண்டு மௌனமாக இருக்க முடியவில்லை.”
அரசியல் நாகரிகம்!
“தி.மு.க. ஒருபோதும் பொதுமேடைகளில் தலைவர்களைத் தரம் தாழ்ந்து விமர்சித்தது கிடையாது. எங்களோடு அரசியல் ரீதியாகக் கடுமையாக மோதிய எம்.ஜி.ஆர் அவர்களோ அல்லது ஜெயலலிதா அவர்களோ மறைந்த பிறகு, அவர்களைப் பற்றி நாங்கள் ஒருபோதும் இழிவாகப் பேசியதில்லை. இதுதான் அண்ணா எங்களுக்குக் கற்றுக்கொடுத்த அரசியல் நாகரிகம்.”
நாவடக்கம் தேவை!
“ஆனால், எடப்பாடிபழனிசாமி அவர்கள் எந்தவிதக் கூச்சமும், நாகரிகமும் இன்றி கலைஞரின் இறுதி நாள்களைப் பற்றியும், என்னைப் பற்றியும் தனிப்பட்ட முறையில் அவதூறுகளைஅள்ளி
வீசுகிறார். மக்கள் ஆதரவை முற்றிலுமாக இழந்துவிட்ட அ.தி.மு.க.விடம் பேசு
வதற்கு ஆக்கபூர்வமானஅரசியல் கருத்துகள் எதுவும் இல்லை என்பதற்கு இதுவே சாட்சி. தேர்தல் தோல்விஅவர்களைப் பிடித்து ஆட்டுகிறது.
எடப்பாடி பழனிசாமி அவர்கள் தனதுநாவடக்கத்தைக் காக்க வேண்டும் என்று நான் எச்சரிக்க விரும்புகிறேன்.”
இவ்வாறு தி.மு.க. தலைவர், முதல்வர் மு.க.ஸ்டாலின் அவர்கள் இந்தப் பேட்டியின் மூலம் தெளிவாக உணர்த்தியுள்ளார்.