திரு­வண்­ணா­மலை, ஏப். 7–

“சாதி­யை­யும் குடும்­பத்­தை­யும் வைத்து எடப்­பாடி, அன்­பு­மணி ஆகி­யோர் கீழ்த்­த­ர­மாக அர­சி­யல் செய்­வதா?” என்று தே.மு.தி.க. பொதுச் செய­லா­ளர் பிரே­ம­லதா விஜ­ய­காந்த் கடும் கண்­ட­னம் தெரி­வித்­துள்­ளார்.

திரு­வண்­ணா­மலை மாவட்­டத்­தில் தி.மு.க. மற்­றும் தே.மு.தி.க. வேட்­பா­ளர்­களை ஆத­ரித்து தே.மு.தி.க. பொதுச் செய­லா­ளர் பிரே­ம­லதா விஜ­ய­காந்த் பிரச்­சா­ரம் செய்­தார்.

அப்­போது, அவர் அளித்த பேட்டி வரு­மாறு: –

விருத்­தாச்­ச­லம் தொகு­தி­யில் வேட்­பு­மனு தாக்­கல் செய்­கி­றேன். தொடர்ந்து அங்கு இரண்டு நாட்­கள் பிரச்­சா­ரம் செய்ய திட்­ட­மிட்டு இருக்­கி­றேன். அதை தொடர்ந்து, வழக்­கம்­போல என்­னு­டைய பிரச்­சார பய­ணம் தொட­ரும். தி.மு.க. கூட்­டணி 200 தொகு­தி­க­ளில் நிச்­ச­யம் வெற்றி பெறும். மீண்­டும் மு.க.ஸ்டாலின் முதல்­வ­ராக பதவி ஏற்­பது உறுதி. அண்­ணா­ம­லை­யார் கோயி­லில் இருந்து சொல்­கி­றேன் எங்­கள் கூட்­டணி மகத்­தான வெற்றி பெறும்.

முன்­னாள் முதல்­வர், எதிர்க்­கட்­சித் தலை­வர் எடப்­பாடி பழ­னி­சாமி கண்­ணி­ய­மான வார்த்­தை­களை பேச வேண்­டும். மற்­ற­வர்­கள் மதிக்­கக் கூடிய வகை­யில் அவ­ரது பேச்சு இருக்க வேண்­டும். மூன்­றாம் தர, நான்­காம் தர பேச்­சா­ளர்­க­ளைப் போல பேசு­வது கண்­டிக்­கத்­தக்­கது. மே 4ம் தேதி தேர்­தல் முடி­வு­கள் வரும்­போது இப்­படி பேசு­வ­தற்­கான பலனை நிச்­ச­யம் எடப்­பாடி அடை­வார்.

பழ­னி­சா­மிக்கு

ஏன் வயிறு எரி­கி­றது?

முதல்­வர் ஸ்டாலின் நிறை­வேற்­றிய சாத­னை­க­ளை­யும், திட்­டங்­க­ளை­யும், தொகு­திக்கு என்ன செய்­யப் போகி­றோம் என்­ப­தை­யும் சொல்லி நாங்­கள் ஓட்டு கேட்­கி­றோம். அரை சத­வீத ஓட்டு என எடப்­பாடி பேசு­கி­றார். அவ­ருக்கு ஏன் வயிறு எரி­கி­றது. வயிற்­றெ­ரிச்­ச­லில் கரு­கு­வது எங்­க­ளுக்கு தெரி­கி­றது. அ.தி.மு.க. என்.டி.ஏ. கூட்­ட­ணி­யில் தானே 2011 முதல் 2026 வரை இருந்­தோம். அவர்­க­ளு­டன் இருக்­கும் போதெல்­லாம் எங்­கள் அருமை அவர்­க­ளுக்கு தெரி­ய­வில்லை.

நம்­பிக்­கைத்

துரோ­கம் செய்­த­வர்!

மரி­யாதை கார­ண­மாக, கண்­ணி­யத்­தின் கார­ண­மாக நான் இது­வரை காண்­பிக்­காத ஆவ­ணத்தை இந்த கோயி­லில் இருந்து தெரி­விக்­கி­றேன். எங்­க­ளுக்கு ராஜ்­ய­சபா சீட்டு தரு­வ­தாக எடப்­பாடி பழ­னி­சாமி கையெ­ழுத்து போட்டு கொடுத்­தி­ருக்­கி­றார். 5 எம்.பி., ஒரு ராஜ்­ய­சபா என இரு தரப்­பி­லும் கையெ­ழுத்­துப் போட்ட ஆதா­ரம் இதோ என்­னி­டம் இருக்­கி­றது. கடந்த 2024 தேர்­த­லில் அவர் கையெ­ழுத்து போட்டு கொடுத்­தார். ஆனால், நான் கையெ­ழுத்து போட்­டுக் கொடுக்­க­வில்லை என்று இப்­போது பேசு­கி­றார். 2025ல் அவர் ராஜ்­ய­சபா கொடுக்­க­வில்லை. கையெ­ழுத்து போட்ட படி­வத்­தில் எந்த ஆண்டு என குறிப்­பி­ட­வில்­லையே என கேட்­ட­தற்கு, எம்.ஜி.ஆர். ஜெய­ல­லிதா காலத்­தி­லி­ருந்து இந்த நடை­மு­றை­தான் உள்­ளது என்­றார். என் வார்த்தை முக்­கி­யம் அதை நம்­புங்­கள் என்று சொன்­னார்.

நம்­பிக்­கைக்கு புறம்­பாக பேசு­கி­றார். நம்­பிக்கை துரோ­கம் செய்­தி­ருக்­கி­றார். எங்­க­ளுக்­கும் கீழ்த்­த­ர­மாக பேசத் தெரி­யும். ஆனால், அர­சி­ய­லில் நாங்­கள் மரி­யா­தை­யாக நடந்து கொண்­டி­ருக்­கி­றோம். அண்ணா வழி­யில் கடமை, கண்­ணி­யம், கட்­டுப்­பாடு என நடந்து கொண்­டி­ருக்­கி­றோம். கேப்­டன் எங்­களை அப்­ப­டித்­தான் வழி நடத்தி இருக்­கி­றார். ஐ.சி.யு.வில் இருந்த கட்சி என்­கி­றார். அ.தி.மு.க.வின் முன்­னாள் அமைச்­சர்­க­ளும் கடை­கோடி தொண்­டர்­க­ளும் எடப்­பாடி பேசு­வதை ஏற்­க­வில்லை. எடப்­பாடி தவறு செய்து விட்­டார் என அ.தி.மு.க.வினர் சுட்­டிக் காட்­டு­கின்­ற­னர்.

வரும் மே 4ம் தேதி ரிசல்ட் வரும்­போது ஐ.சி.யுக்கு எடப்­பாடி பழ­னி­சாமி போகா­மல் இருக்க வேண்­டும். அன்­பு­மணி தவ­றாக பிரச்­சா­ரம் செய்­கி­றார். சாதி­யை­யும் குடும்­பத்­தை­யும் இழுக்­கி­றார். எடப்­பா­டி­யும், அன்­பு­ம­ணி­யும் இதோடு நிறுத்­திக் கொள்ள வேண்­டும். கீழ்த்­த­ர­மான அர­சி­யல் செய்­வதை இத்­தோடு நிறுத்­திக் கொள்ள வேண்­டும். இதே போக்கு தொடர்ந்­தால் எங்­கள் தரப்­பில் இருந்­தும் கடும் விமர்­ச­னம் உறு­தி­யாக வரும்.

இவ்­வாறு அவர் தெரி­வித்­தார்.